話跟就跟! 好彩有跟姐, 原來車頭蓋那前後兩條突線唔去到尾, 經過依實物圖片修正之後, 那輪廓更覺顯眼, 有睇頭!  要同馮兄講聲釘橋

不過起動輪的蝕刻片就冇咁好彩了, 本來諗住其中一隻短少少, 轉到落下面, 再加些泥漬遮遮掩掩便過骨, 點知一度, 嘩! 原來唔見左成半截, 冇得救  原來之前改為前排上落車踏板時已挪用左頗多, 起初仲以為好少添.

但係仍然覺得這防滑板安在起動輪這個位置真係耐人尋味......唯一想到的解釋, 會唔會係更方便比前排上落之用?

準備用來做雜物的木箱, 是雙星迷彩兵仔那盒附帶的, 是古董貨, 只得面頭有木紋雕刻, 側面四周完全沒有, 全靠筆塗自問功力有限, 記得有本台灣書教過可以用蝕刻鋸片的密齒來刻木紋, 試吓, 又真係得喎!!

........................

整個砌模型的過程中, 我最鐘意的環節是上色, 如果是砌賽車的話, 上拉花水貼我是算埋它在上色裡的, 並且在噴塗之上!

至於afv, 上色之中的營造立體感則是最感興趣, 好鐘意噴塗陰影. 而對陰影處理的口味隨時間而變, 純粹各花入各眼. 近年喜歡模仿實況的陰影, 但始終是比例模型, 便必有比例效應 scale effect, 因為原來人類的視覺都幾蠢, 所以傳統技法仍然有效. Pre-shading 冇得走雞, 但我唔想太科幻高達 feel, Pre-shading 的痕跡要盡量不太明顯, 那麼 Post-shading 便有必要了. ( 其實我個人鐘意 post 多過 pre ) 陰影是漸進的, 所以最佳方法必噴塗無疑, 亦先以噴塗作為營造基本陰影.

點樣決定陰影位置呢? 一般以頂置光源來說吧, 不要想當然, 以為凹入的, 下面的就一定暗…. 我就是經常犯這 “錯誤”, 原來有時凹位 / 底部受到附近物的反光而變成高光位!!! 錦點算? 剛好機界今期油 54mm ORC 獸人的李文傑君有教路 : Overhead Lighting 是也. ( 請唔好笑我會買它吧 ) 方法是用枱燈照射模型, 模擬最常的正午日光便從頂照下, 如此類推. 用數碼相機拍下黑白照, 白的便是高光位, 黑的便是陰影位, 灰的便是主色…..這便可以清楚了解光暗位的分佈. 以此作參考再加些想像力.

我覺得非常有幫助. 更以噴完灰的狀態配黑暗背景來影仲正. 今次便發現有些高光地方正正是我的誤解區域, 很有趣, 一於跟黎玩!

我對顏色理論一竅不通, 高光陰影的顏色選擇冇研究, 便一心想著先決定用郡仕#19做主色, 想當然地以#42做底色 Pre-shading, 諗住張 #19刻意開稀減低遮蓋力, 慢慢一浸一浸的噴上來, 即以不同的遮蓋力作陰影色, 那須理會用甚麼高光顏色! 這樣便萬無一失掛?! 可惜太懶唔事先試色, 上次 88mm 炮都是#42 Pre-shading, 可能是德國灰是深色關係冇事吧, 但今次一噴便遇上#19發色有問題. 原來#42 影響到#19的發色, 變成白晒晒, 與心目中的顏色差很遠!

唯有想補救辦法. 行番轉頭, 還原基本步, 改為先噴較#19深而比#42淺的#119吧, 但又不甘心認輸, 最主要始終都是對色差唔夠認識, 一味加白色驚影響彩度, 又怕越多用不同顏色越易出現不協調, 影響我最初想做到的較自然的色階變化. 所以噴#119時都係開稀黎噴, 只是第一浸開 1:4 離遠些噴出大概色水, 接著再開稀至 1:6 至 1:8 慢慢細噴多浸來做高光, 一來實驗吓我最初的想法是否可行 --- 以遮蓋力差異做陰影效果, 二來當練習. 結果真係行得通的! 只不過#119 的發色亦是有影響的, 不過比#19的細和自然些. 但目標是在最後的#19 的發色上.

..........................

接著輪到#19主色了, 噴上已經掩蓋了大部份#42 的#119上, #19這時的發色比直接在#42上好得多, 但始終和#19的本來面目有差異, 色水是都可以的, 只是和我最初心目中的有些分別吧! 總算救得番. 一於照板煮碗, 第一浸 1:4 離遠噴, 跟住一路開稀至 1:8 細噴.

今次再仔細些, 兼做些舊化效果, 方法是從砌飛機上演變過來. 上次砌 1:72 的 FW190D 時用了從 Applied Modeling Aircraft 中學識的 post-it 大法, 此法原是用來噴 panel lines 的, 其中我發現很利的邊會加強反差, 一邊利另一邊柔, 視覺效果就算在好近似的顏色上都好突出, Post-shading 好啱用, 尤其是門邊之類, 如果一如傳統般, 沿著門罅噴條陰影, 太科幻 feel. 而大面積平面上亦可試用此原理做些效果, 我就在車頭冚上試了, 不過以咭紙手持代替 post-it, 因為越貼表面條邊越利, 唔想太利便手持控制距離, 一路噴一路改變距離又有唔同變化, 我覺得很好. 車頭冚中線的凸骨位便用回 post-it 了, 在它的邊對摺些少來增加少少距離吧, 效果比只 pre-shading 留下的陰影真實得多, 兼起眼得多! Post-it 大法正呀!!!

.........................

............................

.................................

噴塗的絕對性優點是漸進自然, 例如車頭冚兩側邊的高光, 噴塗肯定是首選, 筆塗的乾掃只能是次佳方法. 但噴塗的缺點亦是太漸進, 太勻循! 尤其是afv 的舊化, 單靠噴塗肯定不足, 相反, 筆塗則大派用場, 事實上, 玩 afv 大把高手全程都是筆塗呢! 但筆塗就是我的弱項, 所以噴完便拿拿聲 post 上來先, 費事遲些我用筆油到鬼五馬六, 才上來獻世就幣啦!!!

好詳細呀 不過我咪話左係"香"英基超人囉! 原來係鄉下個"鄉"
我知吉田係第一代, 但以為阿鄉係第二代添, 因為無線播完吉田之後好似跟住就輪到阿鄉超人了??


你已洩露了你的年齡秘密
我有盒笨大三一萬能俠, 唔知幾時再發神經?


今時今日, 肯砌模型的人, 都好好心機!

我只搬人地的字 (技巧) 過紙, 大家交流玩玩


多謝誇獎


即係.....好唔順眼?!?!

你指頭冚兩邊吧. 數碼相機 (加上我部渣野) 的近攝效果雜訊誇大了.  是有些的, 亦是刻意留底, 睇吓可否成為遲些舊化的 texture. ( 例如油垢之類 ) 這種不規則的邊有時做都做唔到, 可以是求之不得的! 視乎位置, 例如這裡, 極易清理, 如果上完舊化色發覺唔啱心水俟批之哉! 但如果是不好清理的話就咪制喇!

又再說多次砌 afv 是輕鬆的, 可加些想像力嘛, 唔係砌立立呤, 歪少少都唔掂的車車呀!!!

唔問, 唔答, 點交流呢?
係播! 比你一言驚醒添! 你的意思是指全車 wash 深色吧. 現在色水已經灰沉沉的, 再全車 wash 就變成……好彩, 我冇打算全車 wash!

我不嬲對全車身 wash 冇乜好感, 純個人口味而已, 並不是質疑 wash 的功效, 小面積局部 wash 反而不錯. 其實 wash 的方法概念好好, 估計是由最初的滲線演變而成吧. 再廣泛衍生到 filter, fading 等等現時流行技法……..

比你的提醒講講吓講到 filter, 從而靈機一觸 : 噴塗 filtering 是也!

因為你問到我這是德國黃定 dak, 答案 : 烏sir sir. ( 事實我連 dak 係點樣黃法都唔多知! 係咪偏….黃定偏綠呢?) 我係求其一派, 只想是二戰後期的德國沙黃色吧. 但今日在天然日光之下左望右望, 都硬係覺得太灰沉沉了, 知道 filter 可略為改變色調, 而今我只是想加強番些少彩度, 即是黃些而已. 便想到用回硝基油的透明色系, 貪其快靚正! (應該吧?!)

MIG 帶給大家的 filtering 是主要以琺瑯油為基本. 即係黑/啡黑色以外不同顏色的 wash 而已. 亦即係好耐才乾透, 又要筆塗, 它的好處是甚麼顏色悉隨尊便, 可以好多變化. 但我今次講過只要黃色, 所有模型油種類的透明色系其實不是油漆, 是染料, filter ( 濾鏡 ) 故名思義是過濾顏色, 和攝影鏡頭加濾鏡來達至某類色彩效果同一原理, 所以染料比琺瑯油的漆粒子更適合做這種效果. 只可惜模型油的透明色系得紅黃橙藍綠黑 ( smoke ), 選擇太有限而已.

唔好得個講字, 行動最實際, 上次受了#42底色的教訓, 即時試噴先, 係錦咦溝兩野即試, 因為只最驚遮蓋力過強, 在濃度高的狀態下來測試才清楚會唔會出事, 兼試埋透明橙#49, 仲要濃至 1:1 添, 結果係掂嘅! 即刻張#48 透明黃調至約 1:5 噴, 證明係正確的,  真係快靚正架, 如果你需要的是那些顏色的話.

不過要記住, 透明色係會越噴越深色的, 不要過份, 就如今次的情況, 如果重手得滯, 會偏綠的.

原本想影幾張噴前噴後作比較, 但因心急趕著趁有足夠日光下來作顏色判斷, 唔記得影, 其實分別幾明顯架! 講開天然日光與顏色的關係, 其重要性大家都知, 雖然我都已用光管加燈泡照明, 但與日光分別仍距離很大, 光學 / 顏色  真係大有學問, 而砌afv, 我覺得彈性好大, 可以玩營造氣氛. 我下午1點噴完, 當時在日光下的顏色, 和三點幾已不一樣! 三點幾顯得黃些!! 哈哈 ! 今次大有藉口了, 灰沉沉咩? 我…….我咪就係要194?年下午五點18分42秒 ( 唔知點解五點幾仲係頂置光源??? ) 的氣氛囉!

想張深左的顏色重回光輝, 我仲有一條無敵秘笈絕招 : 1比99 漂白水.  包你話堅.

幾乎唔記得 post 相添..........

得閒討論吓, 只有得著!
暫時仲未幫襯過MIG的產品..... 有呀有呀, 一本書和兩隻 DVD.......嘩, 條友原來都賺左我幾舊水! ( 如果佢有本事零成本計)

咦, 錦我而家咪即係 colour modulation 緊囉!?! 多謝介紹 Adam Wilder, 等我去上網找找先.

砌模型真係好過癮的, 可從甲技巧的方法/概念, 混合乙技巧, 或只混合概念都得, 結果達唔達到心目中的預期都已經可以玩餐飽.  得, 已經係 bonus. 其實今次的靈感是來自上文提過, 機界雜誌中的一篇油兵仔文章, 作者教油兵仔如何從 overhead lighting 方法來決定陰影位, 便就張它轉埋去成件模型道

口味衣家野, 真係隨時變! 而家就係想玩這類的模擬真實陰影分佈. 陰影的分佈, 在某一特定光源下係可以確定的, 靜態模型光源可以控制不變, 至於可否模擬到足係一回事, 反而, 我最覺得有難度的, 就是色差了, 即係要幾深的陰影, 幾淺的高光呢?  因為光源的強弱的轉變, 就直接影響實際色差了, 但塗在模型上的人造陰影顏色, 其變化是否跟足光線強弱變化成相同比例呢?  

06年我玩過一次高達 (暫時只此一次, 都幾頂癮架 ) 重陰影的經驗有一個發現 :
高光色在強光線下, 人造高光效果淡化. 原因是, 以極端的白色為例 (容易明白些), 白色在幾強的光線下, 白色便是白色, 不會再勁過白色, 但其陰影色, 舉例, 淺灰色, 就真係會淺色左喎! 錦樣, 人造色差便減弱了.
相反, 陰影色在暗光線下, 人造陰影效果亦被淡化. 原因一樣, 黑色為例, 黑色就係黑色, 唔會再暗得過黑色, 但其高光色, 舉例, 深灰色, 又真係會暗左喎! 錦樣, 人造色差又一樣減低.

變化萬千, 但亦是吸引力所在!!! 即係有排玩囉

我成日話的 afv 輕鬆, 寬容度高....等等, 指的是彈性大, 可變性豐富, 所以玩得輕鬆, 梗係不是指技術性的難度啦! 技術上的邊有得分呢, 根本無從比較 . 或者我以下比喻啦 : 砌十次 Tiger I, 絕對可以有十種好唔同的玩法. 但如果砌十次 MP4/4 ? 包拗頸砌足十個唔同分站? (有齊資料咩??) 唔敢話唔得! 不過唔駛預我囉!

大家有傾有講嘛, 都唔係咩解說


嘩! 唔早響! 等我仲係道班門弄斧扮晒野添!
同意, 方角設計的德國佬野係容易好多. 不過弧度大的面都應該得的 (我估咋 ) 可試吓利用咭紙幫手, 色差接壤區域如太闊可加多一種中間色......掛!

之前講過不大喜歡全車Wash, 但滲線就不同了. Afv 滲線要比較小心, 原因多數afv 的漆面都是啞的, 形成出界的污染比較難清理. 所以一完成基本上色便滲線先. 避免跟隨的各種舊化上色再加劇漆面狀態惡化. 這其實又與模型油的種類互相關連, 所以要講番轉頭.

我喜歡硝基油做 afv, 原因是油膜最強, 之後的甚麼上色舊化效果都不用擔心對基礎色漆的影響, 但缺點是硝基油的漆粒子幼細, 先天特性唔夠啞, 看看郡仕色表, 它的硝基油系列, 全部只佔約一成才是啞面, 其餘大部份都是光或半光澤. 就算是啞油都啞極有限, 同水性漆的啞面相比就顯得不足. 我用的底色#42, 跟住的 #119和#19都全是半光澤, 但是當輪到滲線時便變成優點! 但對我來說硝基油這裡的最大缺點容後再說.

雖然全是半光澤, 不過薄噴左咁多浸, 漆面平滑極有限, 清理滲線溢出的污點仍然花工夫, 好彩現時模型輔助工具越來越正, Gaia 出的 Cleaning Master 專為此而設, 比細尖綿花棒好用得多! 之前已清理過三架賽車模型, 今次用在對此要求更高的afv 上, 亦令人讚不絕口!  ( 利益伸報: 沒任何利益瓜葛 )

從窩釘的清理成效大家自己看吧. 沒有它唔係做唔到, 只不過花大量時間精神,用細筆逐筆掃走, 逐次洗筆, 再掃, 再洗……..嗚! 講開窩釘之類的滲線, 我鐘意有咁幼得咁幼, 否則綑晒粗邊就弄巧反拙! 今次心情靚, 不就此罷休, 用AV水油 #845 + #824 + #951調成高光色細筆點塗每粒窩釘的上半部, 再稍稍加強陰影的層次感. 點解唔係乾掃? 駛乜咁煩呢? 因為乾掃不能控制到只掃咁細面積的上半點, 更可能掃埋周圍的地方. 其實在清理時可以抹埋頂部少少黑線也冇所謂, 可能大家會覺得 “畫蛇添足” 吧, 不過完成後的感覺, 是感覺多於明顯視覺分別!!! 好合我意. 我現在砌模型追求的感覺是 : “ 做左驟眼睇落唔多覺, 但冇做就好鬼覺! ” 就是這裡少少效果, 那裡又輕輕做些效果, 加加埋埋, 有機會意想不到. 其實再細心留意, 就算在未滲線前, 已發現隱約有少少陰影, 那便是全車 Pre-shading 的功勞了. 因為全程都是把噴筆固定地向著垂直面45度, 由上向下地噴. 車頭冚水平的窩釘呢, 就選擇車頭的半部份點上高光. 我知道 pre-shading 是可以局部的只噴深底色於凹入, 邊角位等, 這更可以一早解決我遇到的發色問題, 但就少了變化的機會和範圍. 如果砌飛機則唔同玩法, 飛機我是會只做局部的.

橫掂油開, 便油埋兩邊各扶手柄的頂灣位, 散熱柵格最頂部弧位, 刻意左邊的留下筆痕, 便可以看出未加前和加後的分別, 就是這小小的, 唔起眼的分別嘞, 唔知各位口味如何呢? 油開有癮, 連路輪下半部的骨條受光位諸如此類等等都油埋, 應該多數比後續的泥漬舊化所掩蓋吧, 但好玩嘛! 車頭冚兩條打撗的凸骨條, 張高光色減去少量白色的比例調回與原色接近些, 唔想太誇張. 這純粹是個人口味了, 因人而異.

以上種種, 和車身主色的處理方法, 是不是有些似…….冇錯, 就像用水膠彩油兵仔的方法啊! 即是類似 layering 的概念. 我覺得替模型上色算是美術吧, 只不過是由平面的畫紙變成立體的模型. 我估好多模型上色技巧是從美術演變而來吧? 如美術最常見的 blending 和 glazing, 而模型的wash, filter, fading, mapping……等等, 概念極似 glazing. 一理通百理明, 融會貫通一吓, 試吓找些方法乎合自己心目中想達到的效果就是了. 但大前題是一定要行動去試! 覺得好好玩!