此乃一個叮噹匙扣的頭殼改造而成，直徑約4cm

[ 本帖最後由 HAL2012 於 2012-3-29 11:04 PM 編輯 ]

客氣客氣，小弟並非姓陸。那位姓陸的師兄都正係砌緊「星戰」模型嗎？

多謝各位師兄意見。跟著不如講講主炮裝置及艦側炮塔的製作。
同樣主炮裝置及艦側炮塔都是用膠片製作，不過主炮裝置由於屬早期製作，當時我只能從相片揣測它的結構，故做出來未算精確，後來那位整緊studio scale模型的仁兄把製作相片upload咗上網，所以我打算稍後據此再作出改善。另外我貪過癮在主炮裝置內加咗粒燈 (原模沒有此點子，但不知這是否畫蛇添足) 。

[ 本帖最後由 HAL2012 於 2012-3-31 02:59 PM 編輯 ]

至於艦側炮塔則是在稍後期製作，當時我己從replica prop forum那裡獲得充裕的資料，所以較準確。艦側炮塔的炮基主要由0.25mm膠片製成，而炮座則由不同厚度的膠片搭成；另外為咗增加精密感，我亦不想用膠條或塑膠模型件做炮管，理由是塑膠模型件睇落都係較粗疏，而用太幼膠條做又易彎，正在費煞思量間，忽然有日俾我響HobbyEasy個網頁度見到有Aber廠出品嘅 1/700的法國戰艦100mm炮管，非常非常幼細及精密，用相機影近鏡時甚至連炮口都睇到，我見到後簡直如獲至寶，立即網上訂購，雖然真係貴咗d，一包得12支，每包要70元，8個炮塔每座有8支炮管，我要買好6包共花420元先掂，不過做出來的效果卻真是物有所值，甚是理想。

[ 本帖最後由 HAL2012 於 2012-3-31 03:00 PM 編輯 ]

最大最大困難是設定！因為沒有一份正式的籃圖，所以一切基設資料，包括比例，艦身的線條角度等，都只能從搜集得來的照片觀察及靠估，所以有好些地方並不準確，例如艦橋司令塔太扁及細，艦橋頸角度太斜，位於主炮結構下的甲板其實是兩邊分開的 (即是兩塊)，由於自己粗心大意，把它一整塊cut 出。其它艦背層疊結構及稍後講述的艦邊結構亦因同樣因為沒有藍圖的情況下出錯。

[ 本帖最後由 HAL2012 於 2012-3-31 12:11 PM 編輯 ]

多謝師兄讚賞，其實隻野所用d料唔貴，講真最貴係之前所提嘅個64支aber金屬炮管，其他所用嘅料包括膠片膠條，戰艦坦克模型件、補品等全部夾夾埋大蓋千零蚊左右，而且所用的模型件並不太多，用剩嘅可以留番嚟以後用。
反而花最多的是時間和耐力，特別係搜集資料方面，小弟需睇多個網頁和論壇，參考相片及資料。用很多模型件堆砌出來不太難，但若要細節精確，則需要花時間和耐性搜集資料。

艦底收納庫有兩個，其一為主收納庫，另一個則是副收納庫。主收納庫的軌道是以膠條製成，其他的內壁及結構則以膠片和威龍及小號手的戰艦部件砌成，另外再在兩旁加上兩排燈，以加強實感。主收納庫的鉗則根據所得資料以膠條及膠片搭建而成，為增強精細度，我用了威龍戰艦(但己記不起那艘)的蝕刻支架砌出鉗的雙臂。

至於副收納庫，初時我只是以是一個簡簡單單的盒子，但當我仔細觀看照片後，發覺內裡原來還有個相當複雜的結構，只時因為此收納庫太細，又因為角度問題，故難以察覺(事實上電影有很少鏡頭是拍副收納庫)。但要在一個2.5cm x 1.7cm的盒子內做出這樣複雜的結構，委實相當困難，加上小弟技術笨拙，所以做出來的內部結構不合比例兼省略了部分細節，看上去還是頗粗簡。

師兄你所提到及引述 Youtube片中出現嘅 Star Destroyer模型，其實係本港一間專出手辦飛機嘅模型廠「Anigrand Craftarts」出嘅，佢有個系列叫「Sci-fi Dynamics」，專出星戰手辦模型。
http://anigrand.com/AA6003_Star_Destroyer.htm

而師兄你所見到果個鬼佬砌嘅並非翻件，而係如假包換嘅正件貨，隻件嘅藍圖係完完全全按照呢位仁兄嘅CG而造，質素都相當不俗。
http://www.modelermagic.com/?p=5509

Anigrand響出Star Destroyer之前更係比Fine Mold早一步出1/144千歲鷹號，而佢隻千歲鷹則依住Fine Mold隻1/72縮細製成，Anigrand響出完Star Destroyer之後又出過反帝國盟軍嘅「自由級」主力巡洋艦Mon Calamari，以及盟軍嘅Medical Frigate及Blokade Runner，全部都係1/2256，其後亦出過1/144嘅帝國穿梭機，亦打算出隻1/144（約兩尺長）嘅Rebel Transport（盟軍運輸船），由於水準不俗，都頗受鬼佬歡迎，特別係果隻Star Destroyer，我不時響 d鬼佬模型網見到有人砌。

雖然話係正版貨，不過佢地出嘅星戰手辦模型完全無攞版權，正所謂樹大招風，正當Anigrand想響呢個系列大展拳腳時，俾人篤無牌經營（有人話係Fine Mold篤），佐治洛卡斯收到投訴當然要做嘢，立即出律師信禁止佢地繼續出，系列亦因此消失。好彩我響個系列收檔前都入咗隻 Mon Calamari，遲下我都會砌埋佢，正好同隻Star Destroyer湊成正邪一對。

至於我隻Star Destroyer由於d部件太細又很脆弱，係完全分唔到件倒模，就算倒到d件又散又碎兼質素唔會好，生產商見到都灑手擰頭，所以唔會有覆件。

[ 本帖最後由 HAL2012 於 2012-4-9 11:50 AM 編輯 ]

你可以試下靜靜雞send個email俾Anigrand，睇下佢地願唔願出貨。但千祈唔好俾佐治洛卡斯查到。

此為Anigrand出嘅MC80 Mon Calamari "Liberty Class" Winged Cruiser模型，內附一架1/2256（細到離譜）嘅千歲鷹號，相當精細嚇人！
http://www.anigrand.com/AA6005_MC-80_cruiser.htm

1/2256 Medical Frigate嘅Youtube短片:
http://www.youtube.com/watch?v=Osrc-W0kHDU

其實我真係試過響個系列執咗之後send email俾佢地話想買隻 Medical Frigate，佢地又肯賣喎！

師兄客氣言重，「高人」二字實在愧不敢當，小弟只係從書上及網上嘅高手度偷到些少砌模型技巧，又見到 d 鬼佬同日本仔整呢隻野整得咁過癮，所以至膽粗粗走走自己試下，之可以有幸唔使爛尾完成，實在有賴網上d前輩/高手不鄙把資料及技術放上網分享之故。其實小弟隻拙作仲有很多需要改善嘅地方。

師兄你隻1/220 Ex-S都唔講得少，要響這樣細比例嘅件度顯出1/35嘅效果，實在非常精細，小弟希望可以快d見到成品，努力！祝馬到功成！

[ 本帖最後由 HAL2012 於 2012-4-9 01:57 PM 編輯 ]

繼續講翻未講完嘅製作過程，而家講嘅係艦身邊結構嘅製作。此部分係本模型最難攪嘅部分，理由係除咗相片之外，真係乜圖都無得參考，依家仿製緊道具模型嘅個位仁兄都未整到呢部分，而且艦身兩條邊凹凹凸凸，有一定深度兼且層疊交錯，若無藍圖，根本無可能知道每層嘅結構係點，所以解決方法只有一個，就係揀最/較顯眼的部分集中解構，再根據解構圖用膠片及膠條砌成該部件，如有模型件合用則最好不過，但其實有好多部件因為沒有合用的模型部件，故此真的是唯有自製部件。

至於d較模糊，或者甚至是睇唔到嘅部份(例如艦邊嘅天花及最入個層)，唯有發揮自己嘅想像力，用模型或自製部件堆砌而成，不過size及厚度要準確，否則上下兩邊艦身夾不埋。

再嚟製作中嘅艦邊結構相片！

[ 本帖最後由 HAL2012 於 2012-4-11 08:25 PM 編輯 ]

對住d資料及相片砌咗咁耐，我發覺啲detail位鋪排其實係有條紋路跟進的，就是：原模型內裡有大量艦橋，亦有很多炮管打橫，以及有很多喉管打棟咁鋪在地板及天花上，再加上加上一些炮塔(去炮管)及坦克部件鋪搭完成的。原模型其實仲有好多包著燈泡嘅heatsink(吸熱器)，但以依家嘅科技，唔似得30多年前咁，d燈唔會咁熱，隻嘢無端端有咁多吸熱器不合情理，所以我將所有heatsink省略晒。

執埋d手尾，製作過程終於到尾段：引擎部分。
引擎主要由膠片、膠條、威龍、僑雙星及小號手嘅1/72坦克部件、自製部件及扭蛋嘅蛋殼砌成。
引擎部分由3個主噴射器(用半個扭蛋蛋殼倒模及雙星轆令製成)，及4個輔助噴射器(由某模型部件以樹脂膠倒模dub出來)組成。
小弟按照相片模樣，以上述部件搭砌出來。

[ 本帖最後由 HAL2012 於 2012-4-14 07:24 PM 編輯 ]

由於扭蛋蛋殼是軟膠不能上色，所以另行用樹脂膠翻dub幾個，以便上色，dub件前先以畢地打磨原件(即蛋殼)，以便dub出來的主噴射器平滑。至於輔助噴射器，同樣亦用原件以樹脂膠翻dub。
( P.S. 為確保dub件品質，小弟事前用了幾件扭蛋玩具試dub練習，都浪費咗唔少矽膠同樹脂膠。不過由於蛋殼實在太薄，仍然係好難倒！ )

[attach]388581[/attach]

整好嘅噴射器裝上燈後便可嵌入引擎框內
[attach]388582[/attach]
[attach]388583[/attach]

引擎係後期製作，所以需時較少，只用了個多兩個星期便完成。

[ 本帖最後由 HAL2012 於 2012-4-14 03:56 PM 編輯 ]

噏咗咁耐，終於去到尾聲，小弟再次多謝各位師兄肯花時傷神聽我吹咁耐。

裝燈：但最緊要係買光纖，光纖是本模型裝燈嘅靈魂所在。本模型所用上的是0.25mm光纖，由於響香港好難有得買，唯有響網上買，外國有好多賣光纖嘅舖，如果大家有興趣砌模型裝燈及光纖，可以入去以下嘅 Optics Fiber Store 度入貨：
http://thefiberopticstore.com/

至於啲燈嘅套件(包括LED燈，閃燈及電阻等)則可以響鴨寮街買。本模型有幾組燈，包括噴射器、艦身及艦邊嘅建築物及艦底收納庫各有一組，加上一組紅色指揮燈(可閃動)，全部可調校光暗。

另外，本模型嘅座係用從宜家傢俬買翻嚟嘅畫架，以及亞加力及鏡面亞加力膠製成的。

所有製作過程到此亦噏完。以下幾張相係模型完成後與電影模型嘅對照。(上面為電影模型，下面則是本模型)

[attach]388590[/attach]
[attach]388593[/attach]

[attach]388591[/attach]
[attach]388592[/attach]

[ 本帖最後由 HAL2012 於 2012-4-14 06:42 PM 編輯 ]