在製作時因補畢地而封密了應有的機背頂幪皮線, 用 masking 方法噴出來.

....................................

............................

二戰機還有另外一項特點 : 蓋在副翼/方向舵上的帆布, 會略為顯現出骨架位的輪廓.

模型都有模造出這輪廓, 不過很淺, 如果其上有迷彩的話, 那麼這輪廓便好易消失. 我好鐘意這種細節, 所以.....又係噴出來.

........................

..............................

補充一吓,

雖然我是從 box art 中得到這樣處理幪皮線陰影的諗法, 卻原來,
以上的作法, 在模型上完全不是甚麼新鮮事.

最初我只是想咁做, 還未實行.
有日去了佳旺三樓, 在一堆減價書的紙皮箱內, 買得以下一本書, 是2006年出版的.

FW190A/F Assembly Transfromation Painting Weathering
Histoire & Collections

一看之下, 原來一早已有人運用在模型上.  
不但止, 其中兩個西班牙作者更用筆+噴塗出窩釘線!!!  

井底蛙是我.

嘩! 原來又超過一個月未更新....

想偷懶, 試吓以筆塗為主來做機身的舊化.

先在個別的迷彩色上用平筆掃上水膠彩調成的舊化色.

#36(RLM74) 是深顏色, 所以用較淺的LifeColor UA072 (RLM74) + AV830 Field Grey
#37(RLM75) 則用較深的 UA073 (RLM75) + AV950 Black
乾後分別不規則地印回主色 UA072, UA073.

方法其實同機身兩側的 #117(RLM76) 一樣, 分別只是 #117 的舊化色是噴上 with post-it而非直接筆塗, 這點就是我偷懶的地方.
可惜懶原來是有代價的 : 完成後的比較, 噴上後印是靚過筆上後印.

由於筆痕太著跡及不自然, 又唔想總是吓吓都要回到修噴這絕招, 便索性用筆塗救筆痕!!!

先噴上一浸較稀的郡仕水性消光油 H-20, 作用是讓水膠彩容易食住漆面. 因為之後是用 layering 的方法把調稀至不低於1:3 的水膠彩以闊平筆慢慢一層層薄塗在之前不自然的筆痕上. 這樣除可淡化筆痕, 也可以選擇性透底, 露出不同程度的舊化色.

其實又是借用油兵仔的方法/原理而矣!

以上證實行得通. 不過卻衍生出另一個小問題.

之前提過, 各模型油漆廠出的所謂標準色, 如今次的德國二戰空軍 RLM, 顏色無可避免地有偏差, 細微的偏差對舊化或打破太平均太單調等等反而是 ''好事'', 就如今次同是 RLM74的郡仕 #36 與 Life Color UA072 就是極佳例子.  分別很少, 好易做出滿意效果.

但同是 RLM75 的郡仕 #37, 與 Life Color 的UA073 就差別頗!
等我仲專登買多支 Vallejo 的RLM75 : AV869 Basalt Grey. 點知 LC 同 AV 的色水幾乎一樣!!! 嘥左廿蚊添!

唯有自己溝, 雖然是小問題, 但已違反了我懶的原則.

仲有一單野. 之前都已唔多滿意長谷川的水貼, 今次仲衰!

那條經色 dot line 竟然印刷上出現偏差, 因紅色的發色原因它需要托白底, 但定位偏差而露出白底! 自己又眼幪冇睇清楚就貼左上機翼.....唉....唯有焗住筆塗補救. 這裡就突顯了各油漆廠的 RLM75 的差異了. 即變左醜婦終需見家翁....激氣!!!

......................................

.......................................

.....................................

...............................................

之前買了兩套 Life Color 的 Tensocrom sets. 一 set 六種色. 是尊門做舊化效果的. 今次首試. 我覺得好好用.

它類似透明油但又不是油漆. 它的官網形容為 : liquid pigment

因為好用, 又買了支 Vallejo 類似系列Glaze 的 855 Black Glaze 試試.
我覺得 Life Color 的易控制些. 可能是還未掌握吧. 這種產品的稀釋度是關鍵.

.....................................

死氣喉煙燻的舊化, 幾乎是二戰機的標誌.

我純粹出於口味問題, 不想用太死實的黑色. 加上唔想完全遮蓋噴左好畀心機的 mottles.
但又想突顯這二戰機的特色. 便先以 Tensocrom 筆塗打底. 後噴上 X-19 smoke 來強化. 如果齋噴 smoke 我怕效果太柔......

............................................

..............................................

翼根的掉漆舊化. 又係口味的選擇.

冇耐性考證, 一味靠估.  其實都叫做找過吓網, 但懶是我的原則.

德軍二戰機的底色是???? 當然最底果 D係金屬銀黎啦!  
但之上第一隻色呢?....唔理喇, 估係 RLM76. 都睇過吓有網文話有機會.

點解唔一野用銀色咪包穩陣囉?!

....單調嘛. 兼且括花掉漆唔一定吓吓到肉掛? 決定主要以 RLM76 做掉漆色, 再在其上部份點上再細些的銀色. 用琺瑯漆調出近磅的 RLM76 就得嘞, 因為是掉漆的底層顏色嘛, 唔駛咁準對色!!!

..........................................

................................................