繼續攪雜物.
車尾的蝕刻工具箱的櫃桶是可以砌成熨開的模樣, 由於這軍車是行駛途中短暫停下, 櫃桶應該是閂上, 但望落有點單調和可惜, 便諗條屎轎, 擺塊布在其中一個櫃桶, 等佢閂唔埋增加 “睇頭”!
布用了混合造型畢地來做, 先滾壓成薄塊, 切出合適尺寸方形, 然後便可慢慢堆成想要的大至模樣, 這時才放在櫃桶上再調整一吓便成. 但今次有些阻滯, 因為空間狹窄, 上色塗陰影時仲弊. 下次都係要事先計畫好, 唔好玩即時靈感咁老襯喇!
上次講過雜物轎妙 : 一味要夠 “大件夾抵用”
這件大包袱是雙星舊迷彩服兵仔附帶的 ( 木箱也是, 好抵呢!) 雖然雕刻說不上很好, 但勝在體形幾好, 紋路本身合理, 只需稍加刻線修正吓, 效果很掂呢!
在塗這麼大面積和較 “平坦” 物件的陰影時, 覺得先全件打黑底會較易處理. 所以一早便和其他零件一起噴郡仕 #137 tire black. 寫明是啞的……硝基油就係得咁啞的了! 最後都要補塗 #950.
大包袱旁邊的那塊長方形金屬盤原本是牛魔王蝕刻片工具箱中的一塊格, 但尺寸長左, 安唔落, 正好用來當雜物.
MK 都幾孤寒, 得四格履帶多出來, 好過冇. 後備履帶是軍模雜物的主角.
尾架的當然是另一雜物常客 : 油箱. 但全行都是油箱太工整了. 之前砌雙星 88mm 炮剩下的炮彈箱大派用場. 但其實雙星是出錯了的, 那炮彈箱四周都應該有紋理細節的, 事實它新出的 (其實是舊瓶新酒) 北非版更正了, 兼雕刻精美, 我對那班新模的北非兵仔更有興趣! 唯有張兩個炮彈箱墊底, 打棟放, 因為要讓有細節的面向外, 好睇些, 冇細節的側面現在變成頂位, 便以木箱 “扎” 住佢, 遮遮掩掩希望過骨. 木箱在 155 樓已出過場, 追加側板的木紋, 和在鉸位加些覺得啱用的不知明蝕刻零件.
就這樣便完成了主要的雜物, 不太花工夫呢!
但望望吓, 覺得中排坐位太過空了了, 要攪攪佢.
其實初稿是有多一個兵仔的, 但諗唔到 “他” 的動作, 好似零零舍舍一支公錦有D on 居, 加上唔想三排都是坐兩個人太工整所以放棄. 但現在又太空. 仲有一樣疏忽, 就是那蝕刻片槍扣原來過細, 放不入槍枝, 但由此便想出放支重機槍便合理化了, 引申出機槍的關連零件如子彈盒和子彈排, 再加多支輕機槍放在椅面, 哈哈, 可幫到少少呢!
槍, 子彈….全是龍記的, 初時對子彈排的大角度屈曲有疑慮, 熱力? 唔好攪嘞, 過熱而變形就咸都無謂. 呀, 又是銅片, 真好用.
槍帶是獅象牌PE…..噢! 手文之誤,
應該係鳴 (瑞?) 至真.
分享
