加入 HKML 第一次發貼, 請各師兄多多指教
好幾年冇砌模型, 很久以前一直都係 OOB + 上消光, 所以都算係大半個新手
今次重踏模型路想玩下寫實化 REAL TOUCH (舊化, 戰損...) 加/改少少件
最愛量產渣古, 諗都唔洗諗就買左 MG 2.0 MS-06J 作為出山作, 製作花左個多月
唔係好識影相, 用左 2 個色溫影, 背景用左淺綠
同各師兄既神作比, 呢件肉作要靠邊站
但都請各師兄俾 d 意見, 等小弟可以參考改善
個情景地台太細
:
另一個色溫, 好似寫實 d :
試左做甩青, 只不過做黎做去都做唔到自己想要既效果, 唔太配合自己最初設定既寫實感
所以最後寧願放棄, 以免畫蛇添足, 淨係做左左肩邊緣:
再黎 d close up, 請師兄門俾 d 寶貴意見 :
渣古三寶 :
自問冇師兄們咁好功架又改件又追加刻線同細節
呢隻 MG 2.0 外內構都已經好靚, 要加件都唔知從何入手 (懶人之說)
入門級先黎改下武器
自己覺得邊種黃都好難表現出熱能感, 所以就改用透明膠片然後上不均勻既透明黃
效果尚可 :
第一次做戰損, 本來諗住中 2 槍就算, 但不知不覺中下又一槍, 中下又一槍
不過聯邦都算俾面, 係唔打中自謢個商標,
真係找屎, 做好哂舊化先記得上水貼, 攪到有水漬, 要重做
渣古的輕機係我覺得至型既武器, 外型已經十分
錦上添花改左個把手同上左 d 彈
黎緊會整個格納庫, 先玩個人仔試下
斬斬斬!!! 斬手斬腳重整, 冇外科手術經驗勿亂試
想做一個累極而歇既驚駛員 :
唔識擺 pose, 亂擺
隻眼唔係著燈, 亦唔係彩光貼, 一) 唔識裝燈, 二) 未搵到我覺得滿意既彩光貼
自家製反光既眼, 我幾中意呢個表現手法
可能有師兄會覺得唔夾舊化 :
多謝師兄花咁多時間, 渣古叩謝 !!!
下回作 :
自護格納庫 + dopp fighter
再次多謝各位
[
本帖最後由 kelvin_delivery 於 2010-9-22 11:17 PM 編輯 ]
分享
