由細到大 都係去深水步福利模型店
好:幾乎乜野種類都有 價錢又適合 油呀都好齊 仲有1樣好處係除左有個老d女人之外 其他都係美少女
壞:唔知係咪近年既來貨價格愈黎愈貴既關系  e家連買1支gundammarker都要成$18  5~6年前都係$13


不過都好心提提大家  無論同個老細點樣好點樣差  鋪頭大定細都好  你同佢既關系此終係客同老闆
大家之間既關系永遠只有利益而已  千其唔好太深入  而你入模型店係為左買自己鐘意既野  唔係要同佢做朋友    搞清楚關系永遠唔會傷害到自己

或者D毒男真係想關係  深入

因為近年來MG 差價越來越大, BB戰士復刻又炒到失常.
D人成日問幾時幾分到貨, 以為人地店有電話就打去煩.
D小白識少少又問一大餐
模型鋪生意又唔似業主加租咁發, 無笑容/禮貌 都唔奇.
想服務有笑容 不如去金舖

另外, 住新界買平過9龍,9龍買平過島. 所以住島的常過MK吧

吓 ........美少女 ........
近幾年日圓升得好犀利，所以D模型 同模型油 都貴左好多。

而家上網年代，會上網有矛平模型放出o黎，工具同材料就去福利同英明，矛話好同壞o既，見o岩價咪買囉，不過老環o員工就，真係好離普，開工時間o向舖面公然泡馬經報紙，不過佢老闆set到o的價禁貴，拍晒烏蠅又難怪員工hair到咁．

其他都係美少女？ 　唔係呀話，頂多係個家姐係美女，其他都只可叫少女咋喎，你果然係日行一善．

我以前都係由三和,福利,環球開始,十幾年前福利個太子女都幾正架,個時就真係美少女啦, 著住校服看舖, 一邊望模型, 一邊望女, 我到而家都有間唔中行下,佢都認得我, 以前串d, 而家反而好禮貌,唔知係咪比個老公收服左,

後起之秀就應該葵涌廣場啦, 老闆同呀 may 姐都有商量, 雖然佢唔識模型技術, 但對模型界嘅銷售就好有經驗, 做左二十幾年, 佢都算係薄利多銷嘅擁護者之一.

而家由於老餅左, 少左玩高達, 轉向軍事方面, 但香港軍事模型牌子就比較少選擇, 好多時都上網買lor  (唔係因為平價)...

我玩軍事模型，一般模型鋪都係買賣關係，看鋪的一般都當係做野，唔會當你係Friend，對我黎講，唔寸人已經唔錯啦。
以下是有軍事的模型鋪所見所聞：
我見過寸人的（好彩唔係我）：英明、三和。聼講 千里達都有，不過我未見過。
同客可以傾計的：Tristar (熟客），輝煌，生煇，康田。
好明顯，有些人係自己都熱衷於模型，有些人只是當做一門生意，為了生活而已，無可厚非！

去模型玩具鋪,只求唔好有以下已經ok....
1:睇多陣已經有店員眼睥脾,人盯人,驚死你偷野咁.
2:買十蚊八蚊野同買一仟幾佰既客兩個樣.
3:平貴都好,最緊要明碼實價,最僧睇人開價同海鮮價.

我小時都常去北角中記的！隔離仲有間英華。
中記可以話係記憶中最大的模型舖，但d女索唔索就冇印象

遠d會去禮頓道還球，果時有好多靚完成品display，飾櫃部電視仲會播日本動畫

d正既模型舖好似都只在記憶中