其實你係咪係梅窩住?
度度都實有人反對...
照你咁講...
應該間野都唔洗起...
又關咩有錢佬事?
你唔好段定唔起係高樓價地方,
就一定關有錢佬事...
人地有錢無錢關你咩事?
人地又唔係偷番黎?
有錢得罪你?
你又知有錢就一定惡?

[ 本帖最後由 siuterry 於 2009-6-16 03:27 AM 編輯 ]

全世界大部份地方都係金錢至上，呢個係悲哀，亦係真理。
唔理有錢人俾咪大聲D，不過你推議起係繁忙地段根本就無可能...
有無見過任何國家會係金融中心又或者高尚住宅區起精神病院、監獄？

外在因素
1. 地貴，唔合符成本效益
2. 俾其他地方ge人見到俾呢D地方起呢類建築，影響自家形象，減低競爭力
3. 環境上繁榮地方比市郊地方多引誘，對正生書院黎講唔適合

以上無包括市民因素
咁既然去到邊人都會照噪，而external factor市郊又比市區好，點解唔起o係市郊？

而且梅窩居民的反響亦都太過out of range，感覺上無真正理解過任何野，只因為佢地吸過毒就要反，為反而反。

你回人之前睇哂全部未, 我有建議元朗, 亦有人建議赤柱, 因為果到都有殺校而荒廢學校, 可以因利成便唔駛再起樓

而豪宅區係板友 ch_lycab 講起, 你唔問佢點解豪宅區唔可以起正生走黎問我做乜 ?

有人已經解釋過如下, 正生係一間寄宿學校, 俾d 頑劣學生改過同讀書地方, 唔係精神病院、監獄、戒毒所, 高尚住宅區附近有寄宿學校無問題, 九龍塘都大把學校網, 高尚地段是必要起名校先匹配 ?

又入政府數
政府高估了梅窩居民的IQ和EQ

整體黎講，其實我覺得好多時人就係自私，咩好野就好擺係自己隔離，什麽覺得唔中意就要趕走拒，或者激烈抗議它搬入，完全係一種自私心態，如果甘樣既道理成立，就好多野可以抗議：
沙田區（我住果度）：污水處理厰製造臭味、火化場有空氣污染、馬場多賭徒。
東沖：機場噪音同空氣污染
赤柱：大監獄，多犯人，可能引致罪案增加。
西貢：壁屋監獄，又係多犯人，危險（邵逸夫住隔離 ）
九龍灣：艾滋病治療中心，危險，絕症渦！

太多，不能盡錄，（大家有興趣可以加上去），總之唔中意就要通通走！甘就個心涼嗮啦！

扯得太遠，講番正生，我同意Ericni兄所講，其實有好多選擇，不一定要梅窩，一味要求梅窩只會被政府牽住鼻子走，又要對住班無知無愛心居民，有其他選擇也未嘗不是好出路，又或者其他區D人無梅窩果班（包括果 D鬼佬）甘無人味，有愛心同開明D呢！？ 總之，我支持正生！

原址擴建可以嗎？一定要搬嗎？大家有冇資料？

原址無法再擴建, 真係迫不得已先要遷校
http://hk.news.yahoo.com/article/090519/4/c9nb.html

政府原則上支持遷校，因為正生書院設備不足，要增加宿位才可應付到愈來愈多的學生，加上正生現址有山泥傾瀉和塌石風險，不適宜重建，當局曾視察過五十多所村校，沒有一所適合正生書院，南約區中學校舍丟空近兩年，校內設施齊備，很適合供遷校。


引呢一段新閒的:
http://hk.news.yahoo.com/article/090615/3/cpmk.html

真係迫不得已喔！
既然只有118個學生，好多學校校舍都已經可以用，香港每年都殺校，淨番甘多校舍，都唔可以用咩？（教育局係咪有心幫拒地架？政府係咪有心消滅毒禍架？）
無既話，不如就做個統計，邊間學校被抓到多人啪丸，就殺左果 D學校，改做復康學校啦！
到時果 D校長就唔敢甘大聲講話：1000個學生，“只係” 有7個啪丸姐！真唔知醜！

ok,個事實係就算佢係更新寄宿學校，俾人ge印象就係唔好(如果唔係做乜梅窩居民要反對到咁?)，所以為俾外人(i mean 外商，旅客etc.)睇落好睇D，唔會起o係旺區囉...
你有無睇我之前寫ge外在因素ga....睇野睇整體，咪執住D minor野黎講先得ga

聼見都驚！突然間聯想到，萬一正生真係塌石死左人，就真係大獲咯！

係呢度，想問下果 D反對搬遷的梅窩居民，到時候，拒地夜晚訓唔訓得著覺？或者訓到驚唔驚發惡夢？

講下咋，當然唔好發生啦，最好就和氣收場啦！

做人父母，個個都想D細路無論點錯，都可以浪子回頭啦！人地既細路都係人呢既！

咁你又有無睇到我答其他人, 赤柱, 元朗就係你所講既市郊, 赤柱連監獄都有, 叫唔叫市郊 ?  

如果比d梅窩人如願以嘗
咪即係間接認同/包容佢地歧視囉

乜你咁講架
咁比政府如願以嘗,咪即係間接忽視梅窩居民姐

總之都係政府衰啦,搞到咁大

我認同梅窩居民係歧視班學生, 我睇全香港都 FEEL 到, 但唔代表認同佢地做法, 所以政府更要以身作則下試唔同地方, 證明香港係一個包容社會, 唔好比梅窩一班人影衰香港

[轉貼]離島區議會昨日討論正生書院遷入梅窩空置校舍新界鄉議局南約區中學，約220名梅窩居民遊行至海港政府大樓外表示反對。居民手繫紅絲帶，高舉寫上「出外返學4小時，原區就讀最適宜」標語等紙牌。（余俊亮攝）

如果當地居民真係咁支持,當年就不會收生不足.大澳比梅窩更少人口,交通更不方便,間中學都收到學生營辦.起碼暫時仲辦緊....
而大多數這類地區的家長有兩類想法,想子女出外升學的是比較上進的一類,知道外間學校的質素多少都比當地好.起碼都想出東涌.
另一類是希望唔洗煩,天生天養,老豆都係讀呢間(或以前都無得讀),阿仔你有本事就自己出去讀.

[ 本帖最後由 ice 於 2009-6-16 01:39 PM 編輯 ]

我覺得政府今次中左招, 以為梅窩得 3000 人易擺平, 但就估計唔到因為人小所以更團結, 結果反響不斷

如果佢將 正生書院 放係赤柱, 元朗, 因為責任分散心理, 到時分分鐘除左議員外無乜人會理呢件事, 就算有, 元朗幾十萬人有百幾人示威, 百份率都無 1-2%, 而且地方大, 佢選址偏遠小小照辦學都唔會有人專登搭車去搞班學生

反而梅窩 200 幾人就差唔多 10% 反對, 而且地方又細, 班公公婆婆真係日日晨運係學校門口玩野都得, 今舖政府令哂野

我從來無反對過你呢個論點,不過可以想像到就算起係元朗赤柱都係會有人反對
依家既然人地學校申請係梅窩,而個位置又合適,政府點解要改地方黎令到多一班人反對,令社會覺得政府更無能?
撇除居民反對(因為每個地方都會),睇唔到點解已經決定/通過jor ge申請要作出更改

要睇下吹雞反對o既係邊個?
政府和鄉事派的沖突都不是第一次,多數都是一些環保或保育問題.

離島學額一向供過於求

梅窩居民以區內學額不足、原有南約區中學校舍應再辦中學為由，反對正生書院遷址該區。教育界人士指出，南約區中學已荒廢多年，被殺前收生不足，被殺時無人惋惜，被殺後無人申請辦學，區內學生對中學學位根本沒有強烈需要。
....香港教育政策關注社主席張民炳直言，居民所指與事實不符，離島近年多間學校因學生不足被淘汰，加上學校選擇不多，無法提供英中學額等，許多家長寧願讓兒子前往市區上學，「好似長洲每日好多學生搭船出嚟（市區）返學，咁長洲啲學校咪一樣被殺。」


(轉自蘋果日報)

歧視就歧視啦!! 又死唔認!!!

[ 本帖最後由 wingzz 於 2009-6-16 01:58 PM 編輯 ]