多謝各位師兄鼓勵,"新手上路"係呢度被我嘅稱號,貼切不過,已經好幾年冇砌過嘢,今次係笫一次post上呢度,新手是也.
先感謝wingzz兄幫忙壓縮D相,令佢地可以重見天日,唔該哂!
MatLeung兄,支"膠水"做過手腳都被你睇出添
Victorcw兄,D相係用我最近買嘅新相機影的,呢部相機仲可以打電話........就係iPhone!佢好處係焦距短,景深長,仲可以近對焦,低角度相只要將電話倒轉影就可以了.
教學post??咩呢架??係唔係MIG或Adam Wilder出嘅DVD呀?
呢度咁多前輩,無謂出醜喇.不過,做呢架車都吸取到一些經驗,可以係度分享下.
其實我都係用咗今期流行嘅噴髮膠甩油法同pigment啫.
先噴上深啡/深灰等想在掉漆後要見到嘅郡氏嚦架油,再噴上噴髮膠.隔一陣就可以噴雙星arcylic黃色(自己雕出來).之後就可以將漆面整濕,水就會透過arcylic油去到噴髮膠層,將噴髮膠溶解.要襯油未乾番時就要用工具做刮漆....沙紙,牙簽,毛筆等等.但這噴髮膠方法有些地方要注意,例如唔可以用郡氏歷架油,因為佢隻thinner會傷到果層噴髮膠,油面就會付著底漆,無法甩掉!最好係用可以溶係水嘅arcylic油........雙星arcylic最正!唔好用Vallejo,呢隻油付著力低,一刮就會成塊漆膜甩掉. wingzz兄提及果張凳就係用噴髮膠方法再噴層光油做成的.
D泥係用MIG粉一層一層做出來,做好一層之後,D泥嘅分佈滿意嘞,就可以噴水去固定.可能好多師兄已經有pigment fixer,伹有師兄話呢隻fixer會留下硬邊,不太好,其實噴水喉水都可以!至於D油漬就係用油彩,X19,X22做成,效果都幾好架,大家不妨試試.
講住咁多先,多謝各位師兄用你嘅保貴時間聽我亂吹.
Happy modeling, have fun!!
Jaffe
分享
