大家好...我叫小明呀，我今年9歲。今日我要講個故事比大家聽，你話好唔好丫？

你們話好？今我開始講故事啦:「從前......」

故事如下:


這次係我第一次手油上色，我一次買左幾只色加支筆，打算用在部 [量產型EVA] 身上。

[attach]364212[/attach]

之後我就用那些開油水來開左黑色同天藍色。

[attach]364215[/attach]

一開始好有期望,上油之前就想:「油好左，應該都會OK令的......」

[attach]364213[/attach]

現在就貼緊模型膠紙啦...

[attach]364214[/attach]

貼好左就上色啦...好期待丫！不知效果點呢？

[attach]364216[/attach]

非常好......失敗左 之後我唔死心啦，用啲黑色試多次...

[attach]364217[/attach]

用來滲線重好過 ...粗口





故事講完 入正題，請問各位師兄可以指點下我嗎？

顏料油來油去都唔平均，係咪我做少左啲野？





P.S.我係新手，唔識係正常的...請不要用蕉皮掟我...

[ 本帖最後由 燕子 於 2010-12-19 06:42 PM 編輯 ]

睇隻藍色...好似稀左d喎...要落少d開油水
滲線確係開稀d既....
點樣油就交俾其他師兄講解啦, 我一來唔係用呢隻筆, 二來我都未掌握得好
另外...樓主真係9歲?

隻藍色我都係落左好小開油水，但啲色都唔平均...
我不是9歲...都不是叫小明

你有冇搞勻樽野先落開油水??

你貼膠紙都幾好心機喎.

手油好難做得好平滑的,減少筆痕的方法是改用平頭筆,薄薄的油一層,乾透后由第二層,第三層加少少延乾液落油到薄油一次.

效果雖不及噴油,但都可以接受.

我知少少,希望幫你.

其實手油真係好難控制, 但又係模型友必經階段.
補充: 最好每次補油都用同一方向油(eg: 你油第一層係左至右油,第二層都係左至右油, 油未乾前就唔好補油住)

有錯請插, 我都係新手

吓...搞勻樽野咩,我不知喎
等我試下先

樓主點會得9歲...9歲的細路又點會知EVA係咩呀

加油呀小朋友!

其實上上面都有師兄提過, 油大面積時要用平頭筆. 要油得平均個人心得係, 第一層左至右, 第一層上至下, 第三層左至右....
要比D耐性, 一層乾左先上另一層.

就圖片看來, 係用光澤油, 光澤油遮蓋力比較底, 所以有時油左好幾層, 都有D半透明現象. 手油有面積時用啞色油僧比較容易控制.
你可以買支 X-21 Flat base  加落來D 油, 將D油變造啞色.

其實你現場油的濃度是可以接受, 不過另一樣要留意的地方是筆吾可以下過濕. 一層一層慢慢油.

手油小弟都玩過，等一層層油乾個段時間係最納悶的 (油層乾左現筆紋個下係絕望的 ) ~
分享個小經驗畀LZ: 用99%酒精(藥房買到) 都開到油，仲會快乾d tim

[ 本帖最後由 MoE_KiLLeR 於 2010-12-20 04:43 PM 編輯 ]