見壇裡好多兄弟同身邊好多朋友都呢兩年內結婚/已經結左婚
小弟都諗住呢幾年計劃下
始終呢畢錢同酒席既比例都佔好多

歡迎已婚人士報價

未婚人士請小心報價，可以參考模型報價，以免得罪未來另一半招致殺身之禍 ，本人概不負責

以為係人情添...

如果係禮金...最好就係1盒500YEN模型左右啦...

如果可以報埋全年收入就好了

年收入 / 禮金

我記得(四年前)當時好似兩萬，另加佢老人家個別少少直接收到的酒席入場費．

真係睇你外母係嫁女定賣女，同你條女係點(所謂求婚介指已洗了兩萬)，不過講真外母嫁女都要洗錢的．

如你條女OK好，會同外母傾好的，可能你只要象徵式意頭數或等同預算開支條數．要說服你條女先探口風．

個人覺得普通萬頭人工的打工仔，外母要幾個都OK，十幾廿個就要叫條女一起儲錢，唔好唔記得你仲要為地產商打工的，一齊儲夠先結啦（如果儲夠時仲係佢的話）．

Ichijo

淨禮金實數唔講喇， ....  如果你話 禮金連結緍 大數既話，詳細實數我唔係好記得，

大約用左接近 30 萬倒 (未減返酒席既人情) ，價錢包括：婚莎攝影，禮金，酒席，渡密月，雜費等。


.

[ 本帖最後由 williamgundam 於 2009-10-12 05:24 PM 編輯 ]

年收入＝禮金

可能我覺得自己那個唔值．．．．．．以已婚人士身份說的心內話．

師兄小心講野，比阿嫂知道既話 ~ ......

不過 年收入＝禮金 以而家世代黎講又真係貴左 d 喎，除非樓主好有米 ! ~

我都差唔多,不過講到尾,禮金比幾多,最後都唔係你話事,祝你好運啦

自己都係搵緊萬幾蚊一個月

依家既情況係重有2年就供完父母既居屋，到時就要自己再供一層用黎結婚。希望樓價唔好升太多，息率就keep住。
至於未來外母，已有暗示十至十五萬禮金走唔開，女家酒席數目就唔需要多5-10席我諗佢都ok掛，可能全部唔要都重得。我自己既親戚朋友，保守估計都要20-25席。所以三十幾圍都無得走雞。

女友就……唉，幾buy佢阿媽(有d港女特質，思想同樣貌一致，佢有童顏，至慘無巨乳，唔係既借大耳窿我都借番二、三十萬禮金番黎)，而且又一定要酒店擺。真係要落d咀頭，又要咁多禮金，又要婚後俾番女家屋企……

真係有d衝動話……. 頂~依家我入贅妳地女家，妳地俾番十幾萬禮金我地，唔要你酒席人情。

十至十五萬

O....O...O work hard la brother.

十至十五萬禮金 以小康之家黎講又真係金左 d 喎，又唔係賣女，最緊要兩個人真情相對，情投意合，禮金既野而家多數，象徵式幾皮咪得羅 (可惜唔到你話事) ~

淨係你親戚朋友，保守估計都要20-25席 ? 又幾多喎，咁加埋女家都成 三十幾圍，我都係 26 圍，已經覺得幾煩 !! ~

佢有童顏，至慘無巨乳 -----> 小心阿嫂聽倒，到時唔止十至十五萬禮金架喇 ~

酒店擺亦有平有貴，慢慢搵下資料先 ~

最慘呢樣 ~

好彩既 個外母同老婆 都開通明事理既 就一天都光晒 ~

其實手頭上已經有呢個數目，最慘係重要預埋新屋既首期，如果禮金少d就唔駛咁辛苦，否則攞成50萬出黎都唔掂


我會

唔結婚, 攞住十萬八萬
半年前買005,388,1211, 2628

現在的話, 等跌市啦

唔導左 唔好打頭
我其實係想問禮金佔左年收入幾多分之幾

話說，我Feel 到未來外母o個關=打大佬....................

我而家好淆底

最好同外母傾下, 我同外母都係坐底傾, 最後都係萬多元禮金。

小弟未結婚,重頏耿書家陣18歲,

我家姐下年1月中到尾其實結婚,我呀媽就無咩所謂,

只係意思收二萬,二萬銀我計落去其實都蝕硬,

買金器都食左萬5銀(前排金價去到9字頭果個位我叫買定,家下升到無人性..

重有我婆婆呀果 D去飲衫呀果 D,呀媽D衫啦,我自己西裝自己出錢訂做一套,廢事曬佢地兩位錢,

都所剩冇幾,

小弟個姐夫我係我5年班就識佢,佢果時其實經已係我家姐男朋友,不過我唔知,果時我重十下十下,

家姐又係由細鍚到我大,佢地最近租左個新單位住,

我重送佢地樣野,IPOD NANO播放器(連差電同聽電台果隻...

好在我屋企有個家姐,俾我預計下自己結婚要用到幾多錢,

姐夫個爺爺都出左10萬銀幫佢地,

如果咁計計埋埋我估計要用35萬多,

- -,我家下銀行戶頭得1萬銀..(利是錢同零用..

各師兄,祝你地成功..!!!!

wow~~師兄搞咁多野~~
個袋無返佰幾萬都有點兒緊喎~~