....................................

唔係吹牛, 真正極 pro!!!
你見, 約....3, 4年前已開始有多一對頭 brake, 控制它的是呔盤右側的銀色把手, 是但只是對某些要重 brake 的場作輔助, 左腳控制的單尾 brake 仍然是收車的主力, 十幾年前我玩的時候, 4遮浮動卡鉗已是舊到冇人提! 而家的前 brake 是給車手玩操縱重量轉移多過去幫助收車!

車架起碼有五, 六個 senors 玩 data logging, 有冇留意5樓, 圖20的車頭 panel 特寫, 那個膠 housing 是用來裝 on car camera, 不過唔係車隊的乜野玩意, 而是最新的 FIA/CIK 國際賽例硬性安裝, 用來監察車手的 on track 行為, 所以它的照射角度是向車頭地下的!!! 臨出賽前由大會發放, 一賽完即收集. 冇得躲避! 一個, 請注意是每一個鏡頭連系統, 成本價值約十萬港幣

車身駕駛席左邊的水箱, 睇落好普通........本地業餘車手的已用到, 由8. 9年前約千二蚊的到而家成二千蚊的貨式, 都算係 "靚野" 嘞掛!?!? 點知前年這些廠隊大佬們黎玩, 才知他們用的水箱, 成本都要 6000 港銀!

揸一轉.... 不是一個遙遠的夢想, 是絕對可以達到的!!! 比心機吧!!!

都好安慰
結果我都做了有少少少少引導作用. 希望大家向真正的賽車概念了解多些吧.

極速方程式 Capeta,  是作者非常苦心, 嘗試向大家透過一個, 與現實的賽車世界很接近的故事來介紹賽車.

一如烹飪, 今時今日, 甚麼才是真材實料??? 甚麼是充斥四周的假味, 味精? 甚至是垃圾?!?!
可惜現實是9成人鐘意墨當當的垃圾.......

我都知你實去睇,本來都想叫你予埋我,可惜有個親戚昨日擺酒.唔去又唔得,話時話,今年是不是免費入場??

哇~辛苦晒獅兄了~
真係第一個feel就係cepeta !
如果香港的小朋友有得玩就好la ~好想玩呀!

從來都是免費入場!

今年兼有免費巴士接載, 因為賽車場位於路環, 在澳門來說等於香港的沙頭角, 去就冇問題, 走呢就........截的士? 不如買鋪圍骰機會仲大!
電召黃色的士咪得囉? 但它唔覆外地 (包括香港) 電話的! 好彩我有 Macau friend  今年醒少少, 買張澳門電話咭, 因為, 11月21, 22號會再黎過, 唔驚用唔晒!

路環, 我好希望 " I'll be back!"

旨意香港??? 早抖
疊埋心水去澳門/國內玩啦!

以勝平太做榜樣!!! 支持你!!

唔係指係hk搞，係hk人去macau玩~
依家好少有呢個安排比小朋友玩... 真係好可惜。

太耐無留意小型賽車，原來而家ｄ專業小型賽車上面ｄ設備去到呢個程度，同以前果ｄ有極大分別.......

強呀!!!
thx for sharing
c hing 有冇落場呀~!?

好 pro 好熱鬧既小型賽車賽事，多謝獅象兄分享， 如果比我揀部車 揸個圈就好 lu ~ (唔炒既話) ...

其實 kart 仔就是最原始的方程式賽車, 和所有方程式賽車級別一樣不斷有研發, 只不過約在2001 - 2005 年年因環保呼聲高賬, 想迫 cik 張 kart仔由兩衝程改為四衝程, 就如 GP500 轉 Moto GP 一樣, 但問題是成本, 四衝程的成本, 最重要的是日後維修等等, 所以 kart 仔界一味用拖字訣, 結果 "成功" 約07年再確定維持兩衝程......... 亦解釋了自2001年至2007年是 kart 仔界的不明朗期, 好多野便停滯不前, 包括世界冠軍賽.


梗係冇啦!!!!  根本冇資格呀!!!


唔駛客氣, 我志在介紹吓啦!

有得睇呀!!!!
有埋 on car camera !!!

http://www.youtube.com/watch?v=qdAVcSPgjqw&hl=zh-TW

唔好咁睇小自己= =
如果hk搞就好la~

大家在上面網址看到的就是官方澳門電視台的片, 當日香港有 Now TV 直播, 而歐洲亦由 Euro Sport 直播.

以下的則是 "私片"   是由我的車友自己私伙 "架撐" 拍攝的, 他參加的是 support race, 3百號開始的參賽編號, 記唔清楚是 Rok 定是 Rotax Max 級別了, 總之是我們俗稱的 "老人杯" 啦!

可惜始終是業餘拍攝器材, set 唔到個別圈速, 秒錶一直行, 轉數和速度計亦有問題, 只得 Free Practise 頭一兩個圈的數據較齊和準, 因為它是由 GPS 定位技術發射及接收. 例如在直路尾的最高速數據便出了技術問題, 在 Free Practise 片段第 1份42秒紀錄到 132km/h, 之後就出了技術問題收唔到

係呀! 係去到 130 kilo 以上架!  

97年我們玩的時候, 有在直路尾擺了警察用的測速儀, 當年只是風冷 reed valve 引擎, ( 現在全部都是水冷喇) 最慢果位都過 120 kilo, 科技進步, 十幾年後的今日, 連 support race level 級別都快過以前正式賽事級別, 莫講話 world champ 的最高 SKF 級別了!!!!

http://www.youtube.com/watch?v=MLINOLqma5Q     free practice 畫面最正常
http://www.youtube.com/watch?v=lnYSj6IE9R8         Heat One      已變斷斷續續了
http://www.youtube.com/watch?v=cg_u5GoJ5bc       Heat Two

但始終 heat 1 & 2 是正式比賽, 氣氛同 practise 冇得 fight! 尤其是 rolling start 剎入第一灣! 正到痺!

[ 本帖最後由 獅象 於 2009-10-21 01:22 PM 編輯 ]