小弟我今年中六…
唯一令我努力ge目標已經冇左

我都有試過 e種感覺, 當時有同自己講為父母,為未來個老婆, 為家庭, 為收入...
但係冇一個得, 直到一次係新聞講起 XX高官, YY高官無能, 小巿民生活又難,又加 tax...
嗰時無明火起, 高官有做過咩, 人工高而又幫唔到市民,
政府冇水又向小市民開刀, 高收入個又好似冇事

所以一心要改變人民生活,另一方面想中國可以強大,當知識及生活水平提高,改變就易得多
(我唔係話中國 bad or weak, 而係西方國家不斷打擊中國發展令我想中國更強大)

same as you~ HAHAHA

_________________

ANYWAY
唔好因為讀得辛苦就覺得冇意義冇目標
其實目標係有
只不過係好似睇得唔清前面條路
又或者係因為E家小小挫折令自己ge信心動搖

樓主不妨諗一諗當初為咩要上中六
又諗一諗 5 年之後 ge 生活係想點過
再推返上前睇下自己要做d咩先可以達到理想ge生活

唔好同自己講為屋企咁偉大
要講就講係為左自己ge將來打算

俾自己一個清晰ge方向~

簡單講，al係最容易入大學既路，入大學係最容易令你有得簡自己想做咩既路
你覺得你吾入u，你有d咩出路可以簡? 倉務定sales?

讀書真係為o左將來... 反正學生唔俾心機讀書根本冇其野好做, 諗與唔諗都一樣, 咁不如做好眼前唯一責任... 讀書~


有好多物事, 係學生時代係唔會知做黎為乜, 因為大家都冇 "經歷", 但當到你真係遇到果 D "經歷", 覺得有需要先走去做, 到時就會太遲...

而家唔讀書唔上大學, 你可能都搵到份好工, 但當你到 40 歲, 體能 + 記憶 + 反應都不再及得上後生時, 你想再 "升呢" 上 Management 級保住個位,
唔通到時先至諗讀唔讀個 Degree~? (怕且到時都冇得你諗)

又, 而家你可能覺得自由生活好好, 但當你 40 歲時個個 Friend 哂婚, 父母要你照顧 (Or 巳不在), 你覺得孤單冇人再同你嘻嘻哈哈傾心事,
唔通到時先去諗搵個女友 / 老婆~? 冇時間去陪養感情 lor bor...

另, 如果到時先想生個細路, 到你 60 歲退休你個仔都仲未讀完大學, 你就可能會後悔一切想得太遲...


最後, 前途就唔好期望身邊父母幫你諗得通 (佢地讀書可能都唔及你叻, 點幫 ? ), 真係有需要可以搵註校 "社工" 傾下, 社會資源就放係面前, 只等你開口問~