大家近期砌乜?
最近呢20日好hea, 好多晚都俾吾同原因自己吾開工. 係清理自己存貨時, 有時都會同買家吹下水, share下自己的作品.
有一次, 有位買家好有誠意問我呢度點整, 個度點整, 我都儘能力詳細解答. 傾下傾下佢問我最近砌乜, 我答佢呢排無乜心機, 但有諗過下搞隻SD Nu做Double Fin. 就係呢位買家一句, "好期待, 等睇你成品" 令我突然又有動力, 的起心肝開工.
係動工之前, 其實我整緊SD Sazabi. 已經完成打磨及分件, 以及加長對腳的小改做都已經完成. 不過就係吾知噴乜色. 我已經上網睇過好多成品, 仲未有一件令我心動. 所以一直未開工. 金屬? 消光金屬? 普通紅? 陰影? 平噴? 太多不同的想法及再加上未有心水的紅色令我遲遲未郁手.
就係咁, 呢盒SD Nu就順利插隊. 坦白講, 有目標之後係好開心, 因為都第三次砌, 都有小小經驗. 盒Nu的分件吾係吾好, 不過同RG等比仲有好遠的距離. 再加上要補的係我最討厭的橙黃色, 結果仍然係錯誤連連. 黃色, 橙色......好難油.......
點都好, 重拾開工的動力都係好的. 希望日內可完成.
|