現在係政府唔比你慢慢傾,係要你硬食,(係食硬你班蟻民).

起西鐵都可以打通新界各區, 起高鐵就得西九一個站, 好大分別...

咁睇尼位人兄都係小朋友,唔駛交稅,用6xx億尼快2min ,多謝哂o,得閒睇多d報紙你就知起完有幾廢,仲要拆人屋企a....

睇完所有post喇!

我o既感受只係
1)只得兩種人 A>只睇高鐵對自己有幾多利與害 B>以整個中國發展架構去念,以長遠及整體多元化去考慮
2)有些人只是集中討論"起唔起"為先, 如果起先唸$同配套. 而有些人一起討論不理先後.
3)出發點 A>大陸靠香港, 所以亞公要比部份$  B)香港靠大陸,為了提高競爭力吸水(比起其它省份),唯有全資起 C)各不依靠起唔起無所謂

如果要辯論先要定
1)高鐵對"香港人"有可益處 or 高鐵對國家發展有可益處
2)由(結論1)來決定起唔起
3)如起先決定"地點, $ & 配套"

大家o既立足點都唔同,已失去了辯論價值, 只為了爭辯而爭辯了又傷感情, 大家可以以砌模而聚在此地是一份緣啊!


(為了不傷大家感情,我只好睇post, 同砌模好了 )

[ 本帖最後由 savepilot 於 2010-1-13 02:04 PM 編輯 ]

西鐵同東鐵我都曾經搭過好幾年，因為我都試過係天水圍同北區返工
西鐵放工時間都基本有位坐，就算企都唔係好迫
但係東鐵......唔5點半前上車，一定迫死你

講返高鐵，正如好多大大咁講，我再反問你一年返幾多次北京、上海、武漢、雲南、西蔵先?
而且好多港人返大陸活動區域都係廣東省一帶，用腦諗都知啦，香港最多咩人?西蔵人?上海人?北京人?湖北湖南人?
而且你知唔知政府吹到高鐵每日有9萬到10萬人次......
重有，以香港到福田咁短既路段，根本就做唔到每小時300公里既高鐵，只可以淪為每小時200公里"高不成低不就"鐵路
用6百幾億做條掛名"高鐵"出黎，咁呢d錢邊個出架，咪又係我地

兄弟，果班支持起高鐵既所謂"50後專業人士"都咪係為自己既利與害為先，佢地會為中國發展架構去諗
咁點解回歸後呢十幾年，又唔見佢地為香港發展架構去諗，而返晒上大陸搵真銀

而家過關上大陸有三個口岸有四個 : 羅湖, 黃崗,落馬州, 西部通道...

赤立角係機場, 唔係去大陸既口岸...

另, 東 / 西鐵係因為要配合城市規劃人口發展而興建, 係有計劃, 唔似高鐵靠估就洗咗個天文數字...

天曉得十年後大陸可能開放到唔再需要靠香港衝出世界, 高鐵到時變廢鐵 (香港重要不停注資供養), 需知而家大陸只會越黎越開放, 唔會走回頭路...

[ 本帖最後由 twinsa 於 2010-1-13 02:13 PM 編輯 ]

都未計到時保養,維修高鐵要幾多錢...

有一日睇now既2字台，講德國高鐵既一次意外，就係因為用左劣質既車輪導致金屬疲勞而車箱出軌

最初嘅啓德機場唔係政府起嫁, 係私人做吓做吓, 交比政府做落去, 唔係點會叫 "啓德", 而唔係叫香港, 九龍城, 皇家, 英皇 .....
所以有用, 有錢賺, 私人公司會參與.
基建要有, 由政府比錢亦合理, 但要合適合用. 無奈呢幾年政府嘅决定錯漏百共, 傾清楚D得唔得先

[ 本帖最後由 SIMONLLM 於 2010-1-13 02:52 PM 編輯 ]

基本法寫左香港d 稅唔洗分俾大陸, 依家大陸就用方法收啦...

條野罷到明係亞公要起來俾人睇"中國現代化", 有條高鐵連通"全國", 有冇人坐唔緊要, 起左先算. 香港人有幾多人真係想要"坐"呢條野入大陸先?? 想起既都只係想有基建起會有工開, 而唔係想坐佢入大陸會有幾方便.

長遠競爭力?? 呢條只係坐得人唔係運貨既鐵路可以點增加競爭力先?? 依家來香港好難咩, 未來要來香港又好難咩, 又點解會有幾萬人係每日係北京, 武漢坐鐵路來香港呢?? 做生意既, 唔會省果少少錢唔坐飛機, 時間貴過果 D車費.

又或者呢個其實係一個香港政府"長遠"人口居住政策重要一部分, "冇錢係香港買樓就反入大陸住, 香港只會留俾d有錢佬既姐", 蟻民要返香港就有條野俾你坐啦, 所以咩用一半錢可以起公屋緊係唔肯過你啦, 起左仲點趕d人走呀. 仲要起左個站係新界, 到時d人要轉車先出到九龍咪又要再起過.

香港人一向冇愛國主義唔係今日既事, 英國佬一直教出來既係咩都為自己打算先.. 依家香港人真正開始明白香港係香港人自己既了, 唔係以前上幾代咁係大陸移民過來, 政府唔係鬼佬, 個政府唔洗下下都為左個電髮亞媽先. 點解會有97年前既移民潮, 除左6 4 有加令多左人走之外, 都係因為果時果 D人唔覺得香港係自己既根, 再加上對大陸既不信任. 好了, 要走既走左, 驚死既都返晒來了, 依家香港人過左百年之後終於認為香港係自己既, 用返香港人只係為自己打算既logic, 你搞香港, 即係搞到自己既野, 點會唔放過你. 到左呢班80後, 真真正正香港長大, 由細教到佢都對香港有根, 自然會為香港著想先... 班所謂學者高官仲以自己果種以錢行頭, 用錢/物質就可以收賣既既心態去套落班由細到大都唔多點洗擔心溫飽既, 自然係對牛彈琴. 所以知溫飽以後廉恥, 個社會相對係溫飽左, 自然會對物質以外既有要求啦... 成日話香港文化沙漠, 到香港開始唔係只有錢文化就唔識對應.. 所以可以睇到政府d官幾無能, 仲要話香港係行政主導, 唔死就有鬼啦...

哀d 講, 西鐵係有晒人係新界西住先開始起, 唔只有計畫啦. 真頭有須求啦...

機鐵就係靠估啦, 如果唔係有東涌線, 真係又變成廢鐵白象啦.

一個城市, 唔係靠有咩"靚靚"先進building既, 係靠有咩人"住"既, 但政府就永遠唔會明, 只會學迪拜不停起d 市民用唔著既野, 以為咁就可以打做一級城市... 好彩之前天幕叫停左咋, 唔係又多隻白象..

[ 本帖最後由 VampireA 於 2010-1-13 02:18 PM 編輯 ]

政府傾乜都無理誠意！西九如是，現在又係咁。吾怪得人反對你喎

有高鐵無疑係好形，我都好鍾意鐵道
不過造價太貴效益唔高又影響民生，最憤怒係政府同警方的態度，就算最後一定會通過但唔可以比佢咁順利

如果機場起在Chek Lap Kok都冇問題, 高鑯駛乜去到西九......再講, 西九都唔方便....唔明唔明

可惜,一日無普選,反都反唔來.

咪就係，有d話高鐵唔起係西九就唔去.......咁機場你又係去，認真搞笑

我們,,,不再沉默...撐高鐵,撐香港!!

突然想D膠登人一句話 " 用成700幾億, 點止可以起高鐵, 高達都起都到LA "