昨晚去了我朋友間的樓上cafe 小店, 是朋友朋友之間夾錢開的, 生意ok 了, 過了3個月收支開始好轉
不過有一個問題, 是有一兩位客成日落到場吹水, 一留就留4-5個鐘. 佢地一位失業, 一位freelance的, 朋友又見講得下兩句, 送 杯咖啡+少少餅食, 有時叫lunch都一齊叫.....
freelance的無所謂不過間中走咖啡數(至今以成本計還是百多元)
失業的是大學生, 大陸讀完大學....對住佢真係想講粗口, 日日來, 家下好似死磨難磨, 不得之佢仲食煙食到成身煙味, 弄走了其他熟客.  

想問下有開鋪, 或者在鋪店做生意的師兄, 我同我朋友好唔好落逐客令? 如果真係落的話, 要點做?

[ 本帖最後由 kl122002 於 2014-2-15 08:09 AM 編輯 ]

老世一定知係我朋友, 不過佢唔知有背後有幾多位老世.

freelance果位我可以半理半唔理, 事實上大家無話咩問題. 反正佢現實d, 自己知自己事, 唔會發白日夢.

之不過要對付內地大學生果位.
點解佢有錢去買煙, 但無錢去買本咖啡? 一個半個鐘食一支wo, 得個廿幾歲...真是...
開最低消費都可能未必有用, 事關一定死磨難磨...

大學煙友唔係我度食, 反而係落街/後樓梯食完, 返來時成身煙味.
我真係唔合佢食咩牌子可以甘大陣味. 可是迫到有d熟客走人.

開單方面真係要考慮下, 因為成間鋪本來唔打算用單而是記帳, 一週消一次.  出單有少少難.  
都係因為甘樣我先知freelace只是百幾蚊的小數目; 至於果位無業大學生的真是我的首要目標.

我朋友天生慈心佛相的人, 做惡人都唔似惡 ,
我同其他朋友都好想去做, 不過要返工, 放工後去到不是大學煙閃人, 或者唔佢無野講.
我唔怕少一個客, 不過你知了家下網絡發達有咩事上左youtube的話就....

事實上賣咖啡的價一直都唔平, 不過引了一只死磨難磨的, 真是好苦惱.
或者必要時要租場出去做下event, 或者可以停止d麻煩人？　

之前無包場, 因為上來的大多是朋友托朋友介紹, 做的只有熟人生意
當中出現了這個爛橙也不知是誰引來的,  所以一直客客氣氣面對

有客一早講有煙味了, 我諗果大學生佢都知
不過學大家話, 有d野一家要三口六面講清楚. 明天再去睇下環境先.

當初俾人賒數, 是為了唔想下下一出一入找數. 因為人人用的野唔同, 大家在櫃台錢來錢去感覺麻麻.
直至現在不少客的帳戶都很好, 就只有freelance同成身煙味的爛橙大學生有少少問題.

我會參考下你的method, 睇下work 唔work.
有新消息再補.

好"生積金"的感覺
點轉先??

今日上去好似做....成過過程都有少少暴力
在送餅給大學生時我故意拉走了碟餅, 大學生無咩為意就向我方向伸手來. 我用另一隻手擋住, 講出左個真相.
講真,  我見你甘多次, 你以為我是朋友, 只是你未知我是老世之一, 唔該唔好擺出好吃驚的樣.

大學生可始發難, 死磨爛磨, 真是好shit, 話遲d俾遲d俾, 又話已努力找到工, 不時又轉下口.
大家問佢有無考過HKCE, DSE, 或者送份成績出來, 佢轉下轉下, 最後話無, 又咩都唔知.
佛相果位嘆氣, 我呆左,還有 一位朋友火起上來........一步步迫上去,  親自扯衫領扔佢出門口, 用粗口趕X佢
(大家嚇左一跳, 我都是第一次知咩叫"青筋"

我明日要上班, 未知freelance果位會被點樣

似乎電子貨幣好d, 考慮緊點樣set, 收幾多information
多謝建議.

今次是一個好教訓, 對大家而言至少如是.
Freelance 條數還是先隨便, 可以不理. 至今爛鬼學生打走之後, 似乎多了人上門. 有人主動清帳, 又有人自動入數...
似乎惡佬的形象太鮮明了
現在又未至於拉屎怕抹屎的地步, 我地大家當初選佛心朋友看場有一定的原因. 之不過今次真是忘了守好對門.

今晚討論過了, 電子野都提過, 最後還是要用原有的方法. 或者真是要送佛心朋友去日本修行下才行.
店內賣的不只是一杯喝品, 一個場地. 仲有機器, 手工. 有人會帶豆上門公開沖, 又有人借人/機磨豆走人, 有人真是借個位要求沖杯超市野 (佢俾3倍starbuck價)之後忙自己的東西.
條數不是pacific coffee 一樣一杯一個價, 有時真係都唔知點計錢.

[ 本帖最後由 kl122002 於 2014-2-17 09:57 PM 編輯 ]

間小店真係由熟人帶熟人先上得去, 入面是發燒友. 路人白丁免問.也是聚腳地/清磨時間地方, 咖啡發燒友聚會, 甚至是私人工作間都係, 因此真是看看有什麼用途才可以開價收錢. 有朋友玩cold brew, 你叫我開佢幾多錢先得?? 一晚俾佢滴....
(事實上好怪, d客會沒約定下現身, 大家又會表演, 除非是有人在位上放了"請勿打擾"  

B被A帶過一次都唔可以隨便給B再入, 至少位佛相朋友或者同埸人都有交流下先可以自己摸上門. 所以位佛相朋友好重要. 事實上介紹位大學友的人我地都找不回原主人, 真是好莫名奇妙.
機器/用具是已大家買定了, 回本已好早回了. 的確, 你提起機械壞的問題我地都要諗諗點處理. 除左部炒豆機 好似都無野會比較易壞? 暫時都無人甘黑心會用機器整自己吧

總結少少了, 今次真是佛相朋友走漏眼, 大家的把關鬆散了. 被人入到關我地真是無辦法.

飲下甘樣, 唔係真的有好深入的研究
自己想要一個靜的地方做野, 又朋友話開咖啡店, 之後變變下變左今日的小店lo
我上到去都只是普通的越南滴滴下