【明報專訊】立法會商界代表黃宜弘昨日在香港電台《香港家書》中為功能組別護航，他指《基本法》無列明要取消功能組別或廢除分組點票機制，認為普選的重點並非取消功能組別，而是如何擴大選民基礎。他又警告，一旦全數立法會議員由直選產生，會使香港走上福利社會之路，減低商界投資意欲，最後導致失業率上升。

李卓人斥言論無知

職工盟李卓人批評黃宜弘的言論無知，是侮辱香港市民。「如果他所說是真的，那麼歐美那些履行民主制度的國家，都會嚇怕所有資本家？那為什麼全球大部分富翁，都集中在歐美國家？」

黃﹕商界被敵對 減投資意欲

黃宜弘在《香港家書》中指出，功能組別及分組點票的制度，都是扮演一個「安全措施」，讓香港免於走上福利主義的道路，他又以早前的高鐵爭拗為例，「泛民提出大量修訂，拖長議會辯論，如果不是有分組點票，香港經濟必定會被邊緣化，那麼商界如何可以生存及發展？」

他警告，一旦商界的投資意欲受到約束，本地職位恐怕會減少，令失業率上升。「如果商界及專業界被人敵對，這又有什麼好處呢？」

「好想加夥計人工」惹台下一片噓聲

自由黨繼續成為「城市論壇」的追擊對象。自由黨中常委田北辰出席論壇時多次被台下市民質詢，尤其在提出「好想加夥計人工」時，即時引來台下一片噓聲。而自由黨黨員其後又與市民因發言權問題險生衝突，幸得主持人及時制止，才免去一場風波。
田北辰昨日出席城市論壇時除提出「流轉公屋」外，更指該黨關心市民利益，更言︰「我地老闆都好想加夥計人工，佢地做得唔開心，邊有工作效率呀？」隨即引來台下一片噓聲，更有市民翻舊帳指，該黨張宇人「20蚊」的言論，諷刺該黨假惺惺，令現場氣氛升溫。


田北辰：希望大家理性討論


及後，市民又因發言權問題與在台下的自由黨黨員發生爭執，雙方更一度站立對鬧，更有人揚言動手，令現場氣氛進一步升溫。此時，幸得主持人謝志峰及時介入，「呢個係體現民主制度既重要關頭，你地係想動口定動手。」雙方始沒有動手。
田北辰會後被問是否認為市民表現「過激」時，他指，每人都有言論自由，不認為市民表現過激，只希望大家理性討論。新報記者

[ 本帖最後由 fourson 於 2010-5-10 11:28 AM 編輯 ]

真係一個咁既人都可以生存到呢家，冇天理。

呢d人真係將道理妖魔化.

fw:MO's notebook 3 to4 曲線挺公投
http://martinoei.wordpress.com/2 ... %E5%85%AC%E6%8A%95/

政府同土共走狗成日都想打壓公投，事實上，佢地驚到要死，甚至曲線挺咗公投。黃宜弘嘅膠論，正係好例子。

作為商界中人，小弟可以講，成日諗住利用政制著數嚟生存嘅公司，根本係最無競爭力果隻，一早應該執笠，以免浪費地球資源。小弟睇唔到，要依靠功能組別至可能喺香港生存嘅公司，喺地球上仲有存在嘅必要。

黃宜弘成日喺議事堂上訓覺，做嘢唔多，係一早要被罷免果挺議員，唔公投嘅話，香港市民就要繼續嘥米飯養呢啲個腦唔知用乜做嘅垃圾。

所以，五一六，記得去投票。

或者輸贏唔係睇呢刻
呢次公投引發既討論 令大家都見到民主同民生既關係
亦令大家記住2020全面普選既承諾

如果特區政府繼續認為而家呢種政治經濟模或可以繼續呃到人既
到左2020 經濟又搞唔好 民生又搞唔好 應承過又唔算數 80後既10年又有一定既社經地位
眾多條件加埋 暴動都似

我相信拖到回歸50年後~

但都不等於唔可以用選票去"表達"足50年.
(雖然得少數席位)

[ 本帖最後由 savepilot 於 2010-5-11 10:46 AM 編輯 ]

咁60席都係功能組別香港係唔係就會全民就業先?既得利益者最喜歡作呢d狼來了故事~

這樣下去,一代會比一代難捱,基層處於弱勢係咪可以一直被欺壓,永遠只向商人低頭,最低工資已經証明政府忽視弱勢,大商家賺小d係唔會死,基層市民每賺少一蚊都會影響基本生活...政府為弱勢同大商家取個平衝點都沒有,只聽到很多籍口,社會和諧其實一直都冇,貧富懸殊和很多社會問題,我們一直不作聲,社會變得和諧,政府經常說已聽取擴泛民意,真正聽到又有幾多,今次公投,在我的意義黎講,投票結果,可表達真正民意.....我會投下依一票.

取消功能組別，呢班無腦精既失業率梗係升啦

咁我想問你所有topic又有冇得版權持有人同意
真係好笑, 你睇下自己以下既post:

http://www.hkml.net/Discuz/viewt ... 5146&highlight=

請問你有否得到明報同意你翻印、複製、散播或製造由下載內容而衍生的作品?

你可以看到別人眼中的刺，但卻看不見自己眼中的樑木

果然係正宗小人

報紙轉貼有咩問題?有晒來源logo囉,仲有就算我copy本書唔過5%都係合法~
睇下法律先學人串77吧la~真係唔知佢係假膠定真心膠~

copy本書唔過5%唔一定係合法o架, 要有一定的條件先可以有豁免權. 如果copy 後攞去賣或當自己作品作商業用途都係唔得.
有關條文太長自己去睇o下啦!
http://www.ipd.gov.hk/chi/intellectual_property/copyright/faqs_copyright_exemptions_c.pdf

重點係果位小朋友幾無聊囉,
之前就話我post新聞係犯版規,
知道屈唔入又話要咩取得人同意先,
我上forum咁多年真係第一次見有人咁問,
如果佢係x登一定俾人叫小學x