進 "激"  的藍衫姐姐... ...


http://www.youtube.com/watch?v=klf76YwURU4&feature=youtu.be

乜香港d人個個都系“鬥拍”架？？

不知所謂, 支持香港警察

比大家睇到事件真相 ,  從影片可見到犯左幾條法... .....


差人哥哥警告佢 個下好型 :  小姐!!  你唔好阻住我 工作！！

[ 本帖最後由 ▲▲27▽▽ 於 2013-9-14 12:23 PM 編輯 ]

真係一螌不如一蟹！香港人的品格越來越差！

同場加映 --- new yorks 警察點對待挑呢類刁民

http://www.youtube.com/watch?v=3lKwkn6JT74

Good Job !
係非常時期要用非常手段

所以大家吾好以為所有香港人都咁自律先得.

條女上左車...  仲要躂埋車 ... 呀 sir 重企起車頭....   


單野方向報有講

http://orientaldaily.on.cc/cnt/news/20130913/00176_058.html


該段名「元朗炮仗坊可愛大胸美女 亂泊車愛罵人」短片，自前日上載互聯網至今，已有逾三萬點擊率。事發於前日下午三時許，當時一名身穿藍色連身裙，駕白色七人車的姓朱（卅二歲）女子，疑不滿警員向她派「牛肉乾」大發雷霆，眾目睽睽下狂鬧抄牌警員：「你無權抄我牌」、「你咩意思先？我已經走緊，係你截停我。」
女事主為地產公司董事

擾攘期間，朱擬伸手搶走警員告票簿，更一度搣走行車證力阻警員抄牌。一名拍片網民聲稱目擊事發經過：「我見到阿Sir喺前面叫佢（女司機）走，但佢轉頭又返嚟！」朱隨即舉機反拍對方，又問「你係咪有精神病？」、「點解你要做架兩，係咪好得閒？」該網民不甘示弱，反唇相稽：「我只係盡好市民嘅責任！」朱其後返回車廂欲驅車離開，但被警員制止。警員同時通知上級增援，不久多名警員到場包圍七人車調查。


警方調查後，鑑於已多次向朱發出口頭警告但不獲理會，故以涉嫌「妨礙警務人員執行職務」把她拘捕，目前獲准保釋候查，在本月下旬向警方報到，警方會繼續跟進女司機涉嫌違例泊車事件。據悉，朱是元朗一間地產公司董事，網民更爆料指有人經常在地產舖內與顧客爭執。

片段前日曝光後，旋即引來網民瘋狂轉載熱議，除有網民直斥朱行為離譜，亦不乏有人主持公道：「其實可能係阿Sir嘅指示唔清晰，不如睇埋女司機車頭段片至定罪啦！」

姓朱女司機回覆本報時澄清：「當時有畀行車證給警員抄牌，但最終都冇收告票；又指當時有網民拍片阻住晒，搞到精神緊張！」她又指座駕攝錄鏡頭已把過程錄下，可證清白，惟警方沒有取閱。

[ 本帖最後由 ▲▲27▽▽ 於 2013-9-14 05:46 PM 編輯 ]

个警察抄牌前好似冇同事主講wo

違例泊車出告票從來都唔須要同事主講架喎.

再講, 唔通要事主同意先可以抄?
再衰d講, 到阿sir 拿左本簿出來, 抄你係道理, 唔抄你先係人情.
乜依家求人地俾人情係靠兇靠發爛碴架?

據拍片網民話....

較早前差人叫左佢走 ( 即係已經比左 1 次人情 )  , 佢渣左出去, 轉頭又返來泊車 ,   重點係人已經離開左車箱....  同 網民  "互片"

个警察咪渣正來做 抄牌,   同埋如果違法泊車,  唔通个警察要企起架車旁邊,  等到車主返來 ( 但唔知車主幾時返... 可能半小時....一小時..... 半日)   

个警察咪好唔得閒 ...   

[ 本帖最後由 ▲▲27▽▽ 於 2013-9-14 09:33 PM 編輯 ]

講真依家啲人！不論種族，不論宗教！不論學歴！不論年紀！只論人品！都係以為自己係啱！


PS：包括我在內！

香港警察太斯文啦。new york 就系警察大晒所以d人都唔敢好似条女咁烦。

其實有時好難直接比較
美國每個人都可以有槍，體型比較大隻
就算手無寸鐵 一個二百幾磅大男人的拳頭已經係好好的武器
在咁的情況之下，美國的警察好自然採取較強硬的手段
當地市民唔會覺得有問題因為佢地都明白當中的道理

換轉香港，唔會有人隨身有槍，亦甚少出現傷害警員的行為
在發生口角/受到不禮貌對待的時候，警員好難有充分理由使用武力去制止對方的行為
如果仲記得另一單交警抄牌比人用剪刀指嚇，警察反而可以毫無猶用槍指返佢
警員用配槍，成件事就唔會係抄牌咁簡單，絕對有刑事成份，告唔告得入判幾多碌又另一回事了
其實好多人都係知道警察的底線在度作出挑釁
悲觀D睇係警察的弱點比人知道左，樂觀d睇係大部份人都害怕警察的進一步行動而唔敢超出果條底線