此文係轉自高登, 文容所講的人正好反映香港的腦殘病年輕化

親眼見香港中學生係郵局...... (原作者見到)

尋日去郵局見到一個中學生，以身高估計係中三以上。
呢個中學生去寄包裹我排佢後面，拎住袋野走埋去問郵局職員

對話如下
中學生：「我想寄呢袋野.」
郵局職員：「你包好佢，填左份form再過來」
中學生：「要包好佢？我袋起左law。」
郵局職員：「用紙袋裝起，我地唔收架」
中學生：「點樣包？」
郵局職員：「你可以用個紙盒pack好佢」
中學生：「要我執紙盒？」
郵局職員：「我地有得賣紙盒」
中學生：「咁要裝起呢袋野要用邊個紙盒」
郵局職員：「你試下呢個啦，$X 蚊姐」(我唔記得係幾錢)
中學生：「要而家比錢架？」
郵局職員：「咁你而家買就而家比law, 你想轉頭買就轉頭比」
(學生唔多情願地比左錢)

郵局職員：「要填份form, 你寄郵去邊」
中學生：「我寄去香港仔，我要空郵」
郵局職員：「空郵？」
中學生：「係呀，最快係空郵麻？」(佢唔似講笑)
郵局職員：「唔好意思，寄去邊到話？」
中學生：「都話香港仔咯」
郵局職員：「小朋友，寄本港係無空郵架」
(呢個時候排係後面的我忍唔到笑，嘰嘰咁笑左出來)
(亦有一兩個人都有偷笑)
中學生：「仲乜叫我小朋友？我覺得你咁好唔尊重我，我係來寄野，唔係來比你笑架」

中學生怒氣沖沖無寄到野拎埋d野走人...
呢d就係香港教育出來, 社會未來的主人翁

每一個年代都會有好人壞人蠢人叻人

中學生咁都唔識? 哩樣野普通到無得再普通
香港寄air mail, 笑左XDDD

佢係咪要掛號

都係果句，自從80年代香港引入菲佣之後，屋企事無大小都係姐姐搞掂，D細路唔係動個手指頭，父母也照顧得太好了，我聼過有D中學生十幾嵗仲係阿媽幫佢沖涼，有D做唔嗮功課阿媽幫手做埋，有D二十幾嵗出黎做野，都未入過廚房煮過一個公仔麵。
呢個十幾嵗既中學生已經唔錯啦！雖然係比人笑（我都忍唔住笑左），但始終行出第一步，好過佢做隱蔽青年丫！

我覺得而家有好多中學生都好好笑, 我聽過有個十三,四歲既中學生講 --- 我乜事都睇化曬喇, 你仲細, 遲d會明架喇...

最快係自己搭車去香港仔, 一定快過搭飛機~~

9 UP 唔緊要...最重要係帶出 "腦殘" 的重點

通識應該要加入香港郵政先得了

香港既未來 ．．．．．．．．．．

寄LOCAL要填FORM ?

掛號就要填令加13蚊. ...

呃,確系幾搞0既,港內寄空郵

郵包記得係要, 小郵包好似就唔洗...

真係唔明而家d"小朋友"(or未來主人翁) 點解唔識用腦諗野.........再咁落去, 香港O既未來都好危危呼........=.=

可以笑阿伯 唔可以笑細佬    我支持學生哥

作為中學生都覺得依位學生智力有問題

笑左
但好可悲

低 B