一間又一間


美好的，沉殿了，沒有火花，寧願不要燒。九十年代，漫畫業火紅火綠，十八區龍頭之一的龍城漫畫店，分店開完一間又一間。千禧年後的網絡世代，每格每圖被免費複製及消化，買書人少，分店執完一間又一間。被譽為沙田市中心最後一間龍頭漫畫店的「龍城」好運中心總店，下月終亦要說再見。

廿年前，老闆楊聯輝只得廿歲，在好運中心租了個百呎小店，專賣漫畫。那是香港及日本漫畫最輝煌的時代，日售至少二千本，每本利潤七元，日賺1.4萬，而那時候，月租不過八千元。

但千禧過後卻是另一個時代，網上的侵權連載漫畫鋪天蓋地，令行業衰落。日售漫畫只有三、四百本，利潤每本跌至五元，但月租卻升至六萬元，吞食了賣書的大部分收入。楊老闆卻認為，租金其實已不算貴，加幅也不大，但利潤已微乎其微，他覺得無謂再在時代邊緣掙扎，趁火花未滅，光榮結業。


http://hk.apple.nextmedia.com/realtime/breaking/20131106/51876584

真係好慘~電腦上網年代入侵左漫畫
就變成漫畫絕症

因太阻地方，好少買日本漫畫，主要租來看，可惜租書的地方都買少見少，影碟都係，成百銀買隻碟看一次又無謂，租碟店又執哂！

又少左個買漫畫地方 RIP

比起MK, 龍城賣的漫畫多完化好多. 唔會因為hit一樣就成架都係. 有時會有d小漫畫出現,
我有之行過, 買左一本 <兵齊步>, 台灣服役的4格漫畫, 幾好. 在MK暫時未見過.

好運中心總店，以前經常去，個女掌櫃好惡，成日鬧D執貨嘅靚好。

唉！又少咗個買漫畫嘅地方

間餔睇住我大，我就睇住佢執

果幾個商場近呢一、兩年已經好少行，去龍城買漫畫都係一個月大量咁買一次算

舊時果個商場真係動漫、摸型、FIGURE既集中地(價錢係唔平，不過有得行下都好)，依家因為自由痕，執下一間又一間

頭先行過 聽到老細同記者講 都係鋪租貴賣得既野回本低 好難做

唉,仲有果間十大書坊又係,摺完一間又一間,依家得返MK一間
平時都會去下CWB 果間坐下,有時等人未夠中,放工唔想即刻返屋企,都會上去
依家又摺埋......

遅下香港咩都無曬,得返金鋪同藥房,都唔知點算.......

老實講，鋪位轉向服務遊客而忽視本地客（因爲賺多D)的現象，好似全世界都發生緊。

我早輪去到外國，逛一條步行街，以前只有大街係大鋪賣名牌，橫街都係小店買本地地道野，
而加連橫街都翻新嗮，全部唔係時裝就係手袋名表，我係遊客都覺得好齋！

外國唔同，總有所謂"舊城區"，所以點都可以搵到，不過果D區就好考你外語同"身體語言"
但係香港就因為各區都近，所以區區都咁既"樣版"

係網上見過一幅圖，係講猶太人(或者外國人)做生意同中國人做生意
猶太人(或者外國人)做生意，開左個油站，其他人會諗到入油既人可能會食野，就開餐廳，跟住D人見到覺得佢地可能要買野，就會開小型商舖，咁一個小社區就係咁開始
中國人做生意，開左個油站，其他人見到佢好搵，就一窩蜂咁開油站，務求分番一份

中国有样野叫政策市，阿爺果輪比某樣優惠政策，要扶持某種新工業或者行業，淨係做果D至有優惠 ，所以聼甘多產能過剩都依然繼續投入資金，例如光電、化工............
所以，你只能夠順著潮流至搵到食，呢D係計劃經濟的威力了，死未？又唔見香港係甘？