非也~ 小弟行年26,單身左4年...月入都唔係多....自己又懶...唔死去進修....
只係自己觀察自己的友人的"狡猾" 另外自己再加一些 "狡猾"來而已....

咁你第時咪好有用???

搵$8K同住公屋好似無乜關係, 除非佢呀媽係賣女唔係嫁女

就算係會俾人鬧都要講o下, 樓主你咁無品真係唔好再拍拖, 人地母親咁講可能好多原因, 就算真係佢把口咁賤都唔應該發爛, 仲要連女友都唔理, 你有無想過佢會點, 返到屋企又會點, 只要你仲有d腦就會知, 條女拍o左幾個月拖就叫你返去見家長, 可想而知佢係有幾喜歡你, 但你咁對佢你問問你自己有幾喜歡人? 如果咁都接受唔到就唔好再見人啦, 免得將來麻煩.
又想問o下樓主如果有個女兒, 想同一個人結婚, 但可能要做到好辛苦先可以生活, 你會點睇? 由得佢兩個話之佢死? 又或要佢想清楚睇o下呢個人係點先再算. 點知問多幾o下就發爛, 如果第二時真係結o左婚, 但無錢開飯唔通發老婆"老皮"? 又有何用?
樓主都成28歲人都唔係小朋友啦, 連呢d咁都忍唔到? 叫人地點安心交個女俾你呀, 仲想你照顧佢? 如果, 真係如果, 下次仲有呢d事發生的話樓主一定要保持有禮貌的態度(等將來可能灣可轉), 用一d 較柔性的說話對話(呢樣好難教, 自己學), 例如公司好有前途會好快昇職等等的癈話, 如果真係真係頂唔住, 就去洗手間打個電話叫朋友兩分鐘後打返俾你, 咁你就出返去等, 一有電話到就話有急事要走先, 等大家好下台(以後再睇o下可以點).
最後又係最要就要問下自己有幾喜歡條女, 自己想下先啦, 唔好乜都話人地唔好, 條女的父母都只係想個女好.

我的一個朋友也是用呢招，而且佢老婆斯斯文文，甚至加埋"老馮"，破左佢既鄰家女孩、玉女形象，外家真係貼埋大床添

咁樣都得???仲要貼埋俾佢????

緊係啦，當年個女既都近3張(約28-9)，咁既年紀重要俾人搞大左，千年道行一朝喪
而且個男(我fd)既搵9千幾左右，佢地之前係同事，同居埋而間屋重好似係老婆供添，明食"唔硬"既飯

做人做到咁不如唔好結婚啦, 有生理需要的話北上就可以得到解決. 攪咁多做乜?
小心呀, 自己都有可能生女, 人地咁對你個女就..............

不論窮又好富又好，結婚都唔係兩個人既事，你聽過愛屋及烏未？你隨左要愛你既愛人還要愛佢全家。如果你諗著同佢做人世，咁這班人將來就會係你既親戚。錢係重要，親情同樣重要。唔好做個「賤男」第日又話要離婚，到時生埋仔女仲要害埋下一代變單親家庭。

你諗得太多.......我成段文都無話要有性行為......

agree x 1000, 好多人成日講, 結婚只係兩個人的事, 如果真係要咁除非兩個都係死剩種, 否則兩個人要去一個無人搵到的地方住同工作, 呢一生都唔好見同理大家的家人, 咁可唔可以? 唔可以的話就已經唔係兩個人的事咁簡單, 每一年有幾多個節日/ 生日? 仲要 x 2 (要去兩邊家庭),  每一次去完都唔開心的話, 咁有幾多開心的日子? 就算關係唔係好好, 但都唔好面左左, 第時結婚後真係會好麻煩, 因各自家庭而另到兩公婆鬧交呢d事見得太多.

叫佢啊媽幫個女搵個櫃圓機結婚囉 ~

有無噤誇呀....不過如果係真都離譜, 我一定都會走但唔會講求@$#^@囉...仲要話自己女友塊嘢 ..

無錯成成段文都無話要有性行為, 但兩性相吸到結婚, 最後唔係又係呢樣, 如果唔係人類一早就絕種啦. 真係完全無性的話又何用拍拖o黎煩自己? ok 唔講呢d啦, 但用d咁的方法咁樣拖住條女, 到人地人老花殘的時候想去搵個第二個都唔得, 真係唔好教人用d咁賤的方法. 點解好似咁激? 小弟真係識個女仔被人咁拖法, 一時話事業未成, 一時又話要自已創業, 攪到拍o左十幾年拖成35歲人都未結婚, 後來佢條仔仲識o左第二條女(後生果隻), 咁就無o左啦, 而家成四十歲人都無結婚, 連拖都唔敢去拍. 咁就害o左人成世. 真係講嘢時要用腦想多一想.

而家我知道點解d港女話香港d男人無用, 真係一d 羞恥心都無, 真係唔好話d港女呢樣那樣.

呢位師兄的確太激....已經分唔清係你會錯意還是我表達得有問題....
其實我的方法只係用來對付外父外母.....自己條女係自己選....係同自己過人世....理應係對佢好....

另外你個FD個EX識左第二個.....已經變成"男人的責任心"問題....

嘩,各位大佬,唔好越扯越遠好嗎???

可能係我會錯意啦, 不過用拖字決o黎對付人地個父母, 最終的受害者到底係邊個(有無想過條女的感受)? 可能我年紀太大啦, 同而家d人的想法有太大的出入, 古人話"已所不欲, 勿施於人" 但而家d人係 "自己有so, 話之你死" 就算係自己條女又so what? 無法係我錯, 我無嘢可以再講.
ps: 老人家 / 老婆 好記得呢d嘢, 可以講好多年都繼續講, 佢地會話"當年xxxxxxx......... " 到小朋友出世後都會繼續...

咁咪講成世都仲有得講???

原來你條友o係各大網站都 Post 相關主題，老老實實究竟有何居心？

http://www.google.com.hk/search? ... p;start=10&sa=N