我上左水貼,噴左5層TS-13,之後用砂紙將水貼飛邊,最後用☆☆紅蓋捽,捽果陣好「令」,不過冇幾耐就回復原狀....

我到底做錯左乜野..

光油未完全乾透,當然有機會打回原形~ 噴完光油之後擺番個零兩個星期至好卒呀~

我就唔同你啦.我係光滑,但係有好多少花行

唔係用完砂紙之後即刻捽咩??

用完砂紙要再用光油???

唔洗"個零兩個星期"咁耐呀？
你估係AIRFIX等外國模型油咩
果Ｄ真係要等"個零兩個星期"
田宮油我隔夜第二日我就卒啦

then u have to use blue and white cap to make it shiny~~~ only red is not ok

toppo: i i also wait for 2 weeks plus before i start polishing.

超级光油
隔天就得

除非在濕度高的季節／地方噴油
Ｄ油係會耐Ｄ先乾，但都冇需要停2星期咁耐
不過，我亦唔反對，完全乾透是一定要

大佬...你識唔識架??? 唔係我自己"奶"過野我都唔敢教人啦.... 你層光油層左幾厚先????? 如果要個finishing做到鏡面咁,一般都係至噴5-6層除左光油, 所以需要較長時間至可以乾透,而且光油仲有收縮既特性,所以一般都係建議擺兩個星期, 等d光油有足夠時間乾透並且收縮, 有d高手什至焗油機焗, 直至乾透為止至可以用compound卒, 否則光油未乾透就卒就好易會打回原形~


當然可以用完砂紙打磨後就捽啦, 但未用砂紙打磨之前係要俾時間光油乾透可收縮~

[ 本帖最後由 jammy_2002i 於 2007-1-22 09:44 AM 編輯 ]

[quote]原帖由 jammy_2002i 於 2007-1-22 09:35 AM 發表


大佬...你識唔識架??? 唔係我自己"奶"過野我都唔敢教人啦.... 你層光油層左幾厚先????? 如果要個finishing做到鏡面咁,一般都係至噴5-6層除左光油, 所以需要較長時間至可以乾透,而且光油仲有收縮既特性,所以一般都係建議擺兩個星期, 等d光油有足夠時間乾透並且收縮, 有d高手什至焗油機焗, 直至乾透為止至可以用compound卒, 否則光油未乾透就卒就好易會打回原形~


係呀係呀.........我係"新手上路"咋，玩模型年曆短，我都係唔敢係度教人啦，只係吹下水誤人子弟咋
回你問題先:通常我噴10層8層光油咁啦，每層油乾左才噴下一層，隔夜便乾透，第二天就打磨，用磨光劑卒，如遇潮濕天氣，我就放入焗油櫃噴油，焗油櫃付有抽氣可作噴油箱用
死啦....我呢架黃色車幾時會打回原形呢？係幾年前砌架，擺到現在仲咁光亮，希望唔咁快打回原形啦

其實砌模型哩家嘢都係各施各法, 自己收貨就OK. 我嘅做法可能會異於常人 我習慣連灰都拋光, 主色又拋, 到咗噴光油時唔會一次噴到好厚先拋. 會每噴4-5層先拋一次光. 有時到完成時光層會30-40層噴塗... 這是煩, 但我就滿意哩種效果.

真的, 要等全乾才着手打磨拋光, 否則鏡面度會下降. 但如果好似我咁噴法, 剩拋光油就最少要用16星期先處理完光油層. 所以我只會等約3天就開始打磨

我建議如果有時間可以等當然愈耐愈安妥. 但冇時間而濕度又唔太高, 3-4天都可以動手...

而由於我懶, 唔想磨得咁辛苦, 我會在噴油時以高度濕噴為主. 咁可以減少出現所謂橙皮紋的情況. 但弱點是很易失手而出現流淚現象.

下圖是出來的效果, 由於懶冇乜新作, 都係得d十年前舊嘢.... 不過生緊仔好快會有新嘢

[ 本帖最後由 Rox1 於 2007-1-22 12:24 PM 編輯 ]

小弟好認同呢一句∼
Rox1兄做法唔算異於常人呀, 如果話異於常人，我唸我更加....

車既表面處理有好多野可以研究落去.
噴灰噴邊隻;
用唔用其他色做底;
色漆點先噴得滑LUKLUK;
色漆打唔打磨;
光油噴邊隻;
噴幾多層;
噴幾厚;
用咩來磨;
點磨;
等幾耐先磨;
點洗走痴上去D麈;
用咩來捽;
點捽;
捽完用唔用WAX;
滲線用咩色.....

以至到用咩牌子既油,光油.....

係咁衣都可以數到有大把野去試
做法唔同效果亦可以好唔同
而自己把尺亦可以好唔同人地個把尺
有人覺得已經捽到最令既車,可能俾其他人就會覺得未夠令....

就小弟來講, 我唔太著重色漆噴成點,過到骨就算了
其實係可以再加強的,只係練唔到點先可以噴得再滑D
光油我依家坐底等個半月,冇兩個月個心重係有D怕...
事關光油未完全收縮就磨架,佢再收縮既話,橙皮就會再出現...
所以我一定會等,起碼求個心安...

如果光油都未乾就捽,除左白費心機之外,又要噴多次,重要面對多次痴麈既危險....所以懶到出汁既我, 一定費事煩....等就好了

[quote]原帖由 Rox1 於 2007-1-22 12:21 PM 發表



嘩！嘩！嘩！靚到不得了呀
首次見你作品，眼前一亮，勁
期待新作，到時畀我見識下，學下野

唉...........從事左模型行業廿多年，年近退休，現在畀人話我識唔識架
真係好心灰意冷
在這裡，我只是同人分享心得，說人知我上色係隔日我就卒，我沒出現問題，而且上文亦有提到要"完全乾透是一定要 "及"亦唔反對"，Ｄ油我認為乾透我咪隔夜去卒，我有何不對呢？做錯乜野呢？，再者，我亦冇叫人一定要隔夜才對，只提及"田宮油我隔夜第二日我就卒啦 "，這是我個人做法...............唉！以後，都係小Ｄ上來，唔再誤人子弟算吧，或者我唔太適合這裡了

唔洗"個零兩個星期"咁耐呀？<<<
你估係AIRFIX等外國模型油咩<<<
果Ｄ真係要等"個零兩個星期"<<<<
是你說的吧..........是你先對人地的心得反對 , 而d語氣都唔見得好lor>>寸寸地個隻

你同人分享心得 , 都唔好講到自己岩唒咁  ,  這只是你個人做法......

等耐d先卒也有它的道理  , d油收縮可能會影響效果吧...

閣下提出的考慮要點十分有啓發性, 值得深思. 如果能在這些項目中做得七七八八, 想信出來的效果已經很是理想.

砌模型真的要多試, 多思考. 很老套, 但實在無比. 某一種做法可能很多新手都會知道, 但就是做得不好, 這很多時候就是他(她) 對該項技巧欠缺了`掌握能力'. 而這種`掌握能力' 就是靠多次試煉中悟出來, 沒得教, 問也無用.... (有感而發, 只是分享, 不敢說教)

過譽! 過譽! 真真唔敢當

其實我都响度學緊嘢咋 (即係吸緊水).. 哩度好多勁人, 如果每個學佢一d, 真係都咪話唔盞鬼.....

唔好! 唔好! 點解要少d上來??

模型forum最重要是每個模型愛好者都有不同的經驗, 不同的製作手法. 而這些方法可能是其它人想也沒想過的. 像這樣交流才有意義. 若果製作手法被編成一式一樣, 那為什麼還要10萬9千7個會員?  

所以會員哩家嘢就真係: 一個都不能少....

P.S. 如果你少d上來, 我咪又少d水吸?

[ 本帖最後由 Rox1 於 2007-1-22 11:35 PM 編輯 ]

前輩
好難得網上遇返你
我地班舊客仔都當你係寶
無須心灰

其實深思,係落手落腳做個時已經唔係一個問題
最緊要既,我覺得係要知道自己做緊乜~
呢一樣野係之前兩位師兄指教的(一位唔係HKML度)~

什麼用咩油,噴幾厚....其實只要知道....明白....了解咁做既原因,加上多加練習,自自然然會得出一個系統...應該就係ROX1兄所講既`掌握能力'吧~
理解左每一個STEP每一個唔同做法既OPTION既分別之後,自自然然會知道係咩情況要用咩方法,一D都唔需要問人點算好
所有事都變得合情合理同自然~
....咁講唔知有冇人明呢