HG Origin 025 - Zaku II - MS-06F
完成了紅慧星, 對整隻渣古的結構已有相當的了解. 上次紅渣沒有處理小腳的夾口, 今次砌綠渣時也處理了. 呢盒GTO渣古真係令我愛不惜手, 我仲入手左吾小款, 例如高機動型黑色三連星, 舊渣古一期, PB馬沙用舊渣古又入2盒, 紅慧星都再入左3盒. 好多款出面吾係好見, 都係小炒價入. 個人小小的意見係對手粗番小小就最好. 另外係無縫處理方面相對MG, RG係有小小煩, 都要先處理入面, 噴好, 做遮蓋, 之後再砌要做無縫的外甲, 跟手先噴. 如果我屋企噴油箱長期準備好當然無問題, 但對我呢類朝行晚拆又或去時租場噴的人來講就好煩啦. 好彩條縫本身好細, 用膠水溢出的方法已經OK. 坦白講, 因為懶, 一早已經偷晒底灰, 保護油等步驟, 如果吾係, 又要開多2次檔. 好多師兄提醒我一定要噴保護油, 吾係吾明, 不過真係無心機開檔來噴保護油.
吸收左上次的經驗, 我剪細左支槍尾部位置, 等佢揸槍動作自然點. 但我買個款原來支槍有吾同的, 無左圓形個餅......我唯有係上次盒紅渣拎本來放裙尾個粒來用同痴死佢. 我發覺GTO有好多渣古款, 款款跟的武器都吾同, 吾細心睇真係吾知有乜分別. 不過坦白講, 除左渣古系列同RX-78, 其他款同傳統款有點面目全非, 所以都吾大興趣.
上色方面, 綠渣一樣係用傳統的顏色, 吾似GTO咁深. 基本上用番晒上次RG個時的油. 有左紅慧星的經驗, 所有事都好順利, 該剪的剪, 該磨的磨, 懶得就懶. 見光就搞, 吾見光就算. 為左特別小小, 係吾同地方加了小小色塊, 都係做遮蓋再噴深小小, 小腳因為做無縫時打磨磨淺左刻線, 所以都有刻過, 其他地方就無刻了.
順順利利的又完成一盒. 完成一隻HG所要時間只係8個鐘左右, 同RG比真係快一倍. 每日玩1~2粒鐘, 一個星期都完成到一件. 真心推介俾鐘意渣古的師兄.
Full Size Photo link :
https://photos.app.goo.gl/eGUNfagwcHT3a4Qf9
#ZAKU,#MS06F, #HGGundam, #Gunpla,#HG
分享
