今早同松尾明兄吹左陣水順便問左佢間三樓台灣書店係邊, 結果收工走左去買樓上ching推介既誠哥系列(三), 真係好書一本來! 多謝松兄指路
講番本書, 睇左先發現原來ching討論既topic都0係書既17頁有提到, 而且咁岩誠哥講既幾部MAN出廠既豹G小弟上面既REPLY又有提到(真係榮幸
)...
裡面資料好詳細, 真係值得參考, 但當中佢提到有D資料, 小弟就有D唔同既睇法.
好似佢同我上面都有講到果部2裝甲團既豹G, 佢既睇法就話係防紅加綠, 佢主要支持睇法係因為話車長艙門支撐內側同潛望鏡謢弓位置仲保留原防紅色, 但據我了解, 德軍自44年底生產既豹內部一早全籠改用防紅油, 佢講呢兩個位置本身就係裡面, 而且另一原因係德軍噴塗油漆時, 都係將所有門關上, 呢D位置當然唔會比油漆噴到而留下原身內籠既防紅漆, 所以誠哥既論據小弟覺得唔太成立. 至於佢提到話嚴重掉漆後補上白漆.. 可能小弟中文水平低, 唔多明佢UP呢度同部車係咪防紅底有咩關係, 但我唔知佢有否參考埋其他同期運去巴頓博物館既德車, 基本上部部有留有彩照, 但十居其九車上既CAMO都係美軍事後重噴, 當然呢部豹G都唔例外..但最重要一點既係, 美軍雖然盡量跟番原色噴塗, 但當中有幾部唔知點解會自己YY噴左D白油點上去, 包括左部獵豹同GRILLE M... 如果誠哥係講呢樣野, 我就覺得參考性好低...
至於佢提到幾個FORUM既討論, 我之前都有睇過, 其實唔止PLANET ARMOUR有討論過, ML, PANZER ARHIVE同THIRD REICH FORUM都有討論過..但大部份人得出既結論都認為佢所舉例既車應該係綠底/啡條..而且仲有一組同一批次生產既豹G照片, 係屬於HG裝甲師, 照片從車頂上拍過去, 整個車頂位置既色調明顯都淺過防紅... 呢組照片我搵左好耐都搵唔番出來, 如果搵到既POST上來比大家睇下...
其實睇睇MAN廠既地理位置, 再留意下較近佢既德軍工廠, 就會發現, 留係西線既工廠幾乎都無出產過防紅底漆既戰車.. 就好似係MAN廠以北既VOMAG廠(生產L70/(V)驅逐戰車), 到終戰時最後一批出廠既L70/(V), 都係用緊CLASSIC既綠底三色CAMO...所以幾乎同時間被佔領既MAN廠, 點會就得佢一家無油用咁奇怪?
另外誠哥提到係巴拉頓湖既MAN廠豹G最期型(最後一個WHEEL係全鋼製), 佢話係45年1月出廠, 其實唔係, 果兩幅相都係屬於1SS裝甲師既豹G, 係45年2月中係MAN廠接收返來既豹G, 到1945年2月前, 都無一部尾輪鋼製既豹G, 最少生產編號121330之前既豹G都唔係(因為121330有照片留低). 事實上MAN第一批出廠既尾鋼輪豹G應該係2月中開始生產. 而生產數量應該AROUND60-65部左右. 呢個數主要係以從MAN廠接收既部隊豹式數見估算出來. 包括
1SS裝甲師: 5輛
HG裝甲師, 30輛
11裝甲師, 25輛
2裝甲團2營, 5輛(?)
仲有零零碎碎戰後係捷克境內影到既尾鋼輪豹G 3-5輛照片 (估計係17, 19 或者20裝甲師)
所以數目應該唔止50輛咁少
最後佢都有提到毛毛參考果部四突, 誠哥就話係44年10/11月出廠, 但我認為呢部車應該係45年2月出廠, 原因有兩個
1.) 如果按佢講係44年10月/11月出廠既話, 咁之後出廠既四突點會又會用番CLASSIC 黃底既三色CAMO? 因為1945年5月係南斯拉夫投降既34步兵師四突, 就係45年1月出廠, 但全營投降時D車一排咁排哂係度, 都係黃底三色CAMO, 有咩可能用用下防紅油反而走番去用三色? 事實上45年1月前出廠既四突九成以上都仲係三色CAMO.
2.) 果部防紅四突係屬於明登堡裝甲師, 該師係1945年2月底建成, 而建成既車除左部份係原KUMMERDORF戰鬥群帶來既舊車外, 都係新出廠既新車, 佢又係邊度搵到部44年10/11月生產既四突?
再加上車上既特徵, 所以我個人認為部四突係45年2月生產..
以上只係小弟個人既小小睇法, 可能有錯, 希望大家一齊討論下
[
本帖最後由 GaryKwan 於 2011-3-24 08:52 PM 編輯 ]
分享
