HG - X-EX01 - Gundam Calibarn
6月中的時侯, Bandai公佈2023年下半年的新品, 真係無盒有興趣. 期待中的PGU渣古又無, MG又無, MGEX又無, 得盒MGSD. 而我一向對HG高的MGSD都吾大興趣.....奇怪Bandai竟然放棄聖誕/新年, 完全無新品, 可能佢再販又再販都已經賺夠.....總之好似無野值得期待咁.
完成1/60 Nu之後, 都係處於休息的狀態. 開左盒MG Nu, 剪晒出來之後無乜心機打磨. 又見到個6條浮游炮.....收埋吾想搞. 去到工作室覺得亂七八糟, 再加上屋企無位放1/60Nu, 於是決定執一執整齊個工作室, 搵個位置dispaly個1/60 Nu. 其實得個50呎地方, 又可以點大搞? 最後就係不停將吾係好想砌的出積放上網賣. 我又吾係旨在賺錢, 基本上10盒有9盒都係輸錢. 於是好快就放晒一大堆PG, MG, 而家吾計SD, GUNPLA得番個37盒.
跟住隨便開左盒HIRM GOD來玩, 每日磨小小, 進度極緩慢. 磨下磨下, 水星異靈推出了. 雖然我個人其實吾覺得佢特別靚, 因為太白, 不過無新品, 都追一追, 打算來個快砌.
星期四入手, 一早打算係星期四磨完, 星期五噴, 星期六水貼滲線. 結果就係完全大落後. 有時諗, 駛乜咁急, 有時又想儘快, 好似人格分列咁. 最後當然係放過自己, 慢慢來. 星期六已經完成打磨, 不過假期對我呢類有小朋友的人來說, 跟本就吾會有機會噴油, 諗住星期一早上去噴, 結果又打風. 最後連續三日都係6:00起身, 一早去噴一陣. 夜晚反而完全放空, 乜都無理. 當初好多的想法, 邊度要遮蓋, 要用銀色....最後完全無做. 只係想快手噴完. 有一個感覺好強烈, 我真係一個吾入流的模型人, 什麼都馬馬虎虎, 好多東西都差不多就算. 有時見好多模友係好多細節位極度執著, 我又覺得駛吾駛呀. 不過其實佢地認真, 一絲不苟的態度真係令人敬佩.
完成了噴油, 發現吾見左一粒parts....所以個掃把尾吾可以孔雀開屏, 因為只有3粒關節件. 出奇地我又無特別吾開心, 可能對異靈的愛真係吾夠. 回家補下色, 加點水貼, 算是完成了. 總覺得異靈同鐵血一樣, 好適合金屬骨, 所以我用了2隻金屬色去噴骨. 腰個紅色位本身係整個異靈小數有顏色的地方, 我想加強搶眼度, 就用金屬紅. 白色等都係一向的做法. 本身太白了, 我特意找了多一點紅色的水貼加上去. 大炮同背包有好明顯的無縫要處理, 小弟技術差, 吾理了.
白色 : Mr. Colour C107
紅色 : UG20, UG22噴陰影, 白色高光
金屬紅 : GAIA-038
手, 炮 : UG09
關節金屬 : GAIA-MX20
淺關節金屬 : MODO-MX03
黃 : C58, 紅色陰影
就我自己以言, 我覺得3隻主角機中, 風靈係最靚. 特別係FM100. 風靈改太似GP01FB, 異靈太白了. 套動畫睇左6集左右就無再追, 不過好高興Bandai做到個熱潮. 其實以一盒$130的HG來說, 這盒模型都可說是交足功課. 之前HG風靈的超粗大腳也都修正了, 比例改善了很多. 只是我對異靈本身真係無愛, 所以砌完都無乜特別感覺.
最後, 小小題外話. 我被台灣某大模型Group直接踢走了. 我估可能是我分享及討論1/60 Nu. 真心說話, 我也明白難為板主,公開討論這些產品本來就是不對,但什麼都不說直接踢走, 始終有點難受. 算了吧. 我其實也不喜歡這些, 我都會是原廠沒有的情況下才玩. 當然明白這不是理由, 只是對於板主的手法不太喜歡. 所以我的作品以後也只會在自己的專頁分享. 我本人是十分歡迎大家分享我的作品, 只要reference個出處就可以. 如果有一天連自己的FB都被Block, 咁可能真係吾再分享了. 雖然大家會說, 砌模型是為自己, 不是為了分享, 不過跟志同道合的模友有說有笑去討論模型也是很快樂的.
Full Size Photo link :
https://photos.app.goo.gl/nzzTavS6tboC6D8XA
#Calibarn, #GUNDAM, #HGGundam, #Gunpla, #HG, #XEX01, #水星之魔女