原帖由 Joe_Lo 於 2006-10-21 04:25 PM 發表
另外焊接紋亦需要重做.
如果係好似德軍坦克既焊接紋, 因為比較工整同細緻, 可以用廢膠料拉幼線來做. 但係好似俄軍坦克既焊接紋手工相當粗糙, 所以用混合不地來做會比較適合.
1. 先將焊接紋用铅筆畫出, 方便記認
2. 將混合不地搓成細條狀 (圖三)
3. 將混合不地沿着铅筆所記下既位置舖上, 為被免混合不地黏於手中, 工作時可先用凡士林 (Vaseline) 或清水塗在手指上. (圖四)
4. 用筆刀將多餘既混合不地挑走, 並刻上焊接紋紋理. 如果無信心在短時間內完成, 可用比較慢乾既混合不地. (圖五)
5. 最後用毛筆沾點清水將銳利既焊接紋掃回平滑自然一點便完成.
我會用畢地黎做焊接紋. 先係要做焊接絞既地方上下黏兩張膠紙, 中間濶度隨自己想要條接紋有幾濶黎做. 跟住係條隙度塗上畢地, 再用棉棒沾少少 thinner 塗一次, 加強畢地既可塑性. 畢地既厚度可以跟住膠紙既厚度已經足夠, 多餘既用筆刀削去, 再用筆刀慢慢畫出紋理.
最後慢慢 c 開將膠紙, 如果邊位唔靚既話, 可以用筆刀修補一下.
係雜誌亦見過其他人用幼身膠條 加 thin cement 黏係焊接紋地方, 因為 thin cement 會溶左條膠條, 所以係佢溶既時候, 可以用筆刀畫條.
分享
