終於搬晒 d 野翻公司, 可以用放工時間砌下模型.

join 左坦克齊齊砌咁耐依家至正式開工.  因為得翻一個多月時間, 唔攪咁多花臣, 快快趣完成左佢. 但係為左吹起 [情景齊齊砌] 個風, 會加幾個兵仔同埋地台整個小型情景, 一個多月時間我諗都應該夠 (要開足 turbo )

龍記呢副 T34/85 既懸掛系統係唔郁得, 做唔到起伏感. 所以要將連住路輪既部件插入鉄枝然後好似圖中咁屈入, 咁樣就可以做到活動效果.

[ 本帖最後由 Joe_Lo 於 2006-11-16 09:37 PM 編輯 ]

因為想做到多 d 戰損痕跡, 首先車身既 fender 同前後檔泥板全部切走, 換上付蝕刻片. 將蝕刻片稍微屈曲做成戰損痕跡.

另外用開稀既 putty 塗上前後同埋左右既裝甲做出鋼鐵質感.

後面既裝甲同車身組合上留有一條好大既隙縫, 攪左好耐都唔掂, 最後用混合不地補回隙縫.

發動機傘熱網原件完全唔掂, 要劏開中間用蝕刻片代替.

[ 本帖最後由 Joe_Lo 於 2006-10-16 10:48 PM 編輯 ]

Joe兄又出手了

攪左成晚係咁多貨仔, 依家要翻屋企湊仔, 唔係實會比老婆通緝. 下次再會 !!

高手終於出招了.     一日竟然可以攪到咁多野 ?

又要擔定櫈仔等睇戲.  Joe 兄努力呀, 你會趕得切既.

joe 兄終於發功勒~~~
睇黎都係大工程之作 wor~~~

嘩!龍記隻 T34/85 真係可以用惡劣黎形容.......
真係要睇下Joe兄點樣一個月KO佢.
期待!

等睇野~!

龍記出品~~~~眞係瀨梗，Joe兄咁都肯搏，鬥志可嘉………，係呢，啲蝦片係乜牌子~~~~~~~~~~~，等睇好嘢~~~~！！

大師授招，唔可以錯過∼

我見到個d係唔係suspension既彈簧？？
我唔係眼花丫嘛………………雲左(正到雲左)

睇來下次毒發日期不遠已……

btw，我覺得joe兄同buzz兄既手法好相似……

今次一定唔可以爛尾


因為昨日三點公司已經無野做, 所以可以由三點一直砌到十點, 連晚飯都無食, 好耐都未試過, 爽


因為 bb 出世, 成半年有多無砌模型, 呢副志在操翻起個狀態, 所以係唔會攪大工程


買佢果陣時以為 ok, 點知原來 pk, 如果攪大工程一個月時間就真係唔多夠, 所以要直砌


希望有野比你地睇


原先龍記無貨買左副 RPM, 後來買到以為執到筍野, 點知係瀨野
PE 係 C 明, 說明書都有幾多錯處, 要打 pat pat


大師唔敢當, 仲係學習階段


其實只不過係將 d 路輪做成活動狀態, 做法好簡單. 正確來講應該要連裡面條彈簧都要做成活動, 不過無咁既技術, 又唔夠時間, 無謂攪

同 buzz 兄既手法相似可能係大家都常砌 AFV, 我仲有好多野要向 buzz 兄學習

[ 本帖最後由 Joe_Lo 於 2006-10-17 10:22 AM 編輯 ]

又係獅鳴 P/E, Joe 兄最好小心 d, 可以既話假組一次先.  佢地 d manual 一來好 , 二來好多野漏.  或者砌到最尾, 你會發覺仲有 d P/E 要裝, 點知已經裝唔返...

順便問埋, 係基本塗裝定係雪地塗裝呀 ? 會唔會做濾鏡等我偷下師.

C 明塊蝦片真係好唔掂, 將好多野簡單事情複雜化, 說明書更加係離晒譜, 好多 number 都係錯既, 攪到剩係對翻啱個 number 都嘥左唔少時間. 不過我都唔會加好多 pe 落呢架車度, 一來老花 , 二來無時間, 而且我覺得如果原件係可以接受既話, 無需要用 pe 代替.

車身大致上攪完, 都係直砌唔攪花臣, 主要係加翻 d PE 同埋加翻 d 焊接紋.

比 Lion 張 PE 玩謝, 剩係揾翻啱 d  number 都嘥左唔少時間, 下次都唔會用呢個牌子既 PE

[ 本帖最後由 Joe_Lo 於 2006-10-18 11:49 PM 編輯 ]

睇你地砌坦加蝕刻都幾煩喎！。睇到都有D驚

真係開晒 turbo wor joe 兄,
d 蝕刻都上得七七八八~~~

Joe 兄, 你駛唔駛咁快呀.   散熱網係 LR 蝕刻定係第二間廠既蝕刻.  幾靚播

你都知 LR 奶野呢.   想當日我砌架 三突, (德軍坦克奉旨多 details ), 睇住個套 pe 真係想死.

我有幾套 LR 添~~~死囉~~~

  god bless.  你有無開過睇下佢 d manual, 再對下 d parts, 有無 d number 無提過 ?