終於搬晒 d 野翻公司, 可以用放工時間砌下模型.

join 左坦克齊齊砌咁耐依家至正式開工.  因為得翻一個多月時間, 唔攪咁多花臣, 快快趣完成左佢. 但係為左吹起 [情景齊齊砌] 個風, 會加幾個兵仔同埋地台整個小型情景, 一個多月時間我諗都應該夠 (要開足 turbo )

龍記呢副 T34/85 既懸掛系統係唔郁得, 做唔到起伏感. 所以要將連住路輪既部件插入鉄枝然後好似圖中咁屈入, 咁樣就可以做到活動效果.

[ 本帖最後由 Joe_Lo 於 2006-11-16 09:37 PM 編輯 ]

因為想做到多 d 戰損痕跡, 首先車身既 fender 同前後檔泥板全部切走, 換上付蝕刻片. 將蝕刻片稍微屈曲做成戰損痕跡.

另外用開稀既 putty 塗上前後同埋左右既裝甲做出鋼鐵質感.

後面既裝甲同車身組合上留有一條好大既隙縫, 攪左好耐都唔掂, 最後用混合不地補回隙縫.

發動機傘熱網原件完全唔掂, 要劏開中間用蝕刻片代替.

[ 本帖最後由 Joe_Lo 於 2006-10-16 10:48 PM 編輯 ]

攪左成晚係咁多貨仔, 依家要翻屋企湊仔, 唔係實會比老婆通緝. 下次再會 !!

今次一定唔可以爛尾


因為昨日三點公司已經無野做, 所以可以由三點一直砌到十點, 連晚飯都無食, 好耐都未試過, 爽


因為 bb 出世, 成半年有多無砌模型, 呢副志在操翻起個狀態, 所以係唔會攪大工程


買佢果陣時以為 ok, 點知原來 pk, 如果攪大工程一個月時間就真係唔多夠, 所以要直砌


希望有野比你地睇


原先龍記無貨買左副 RPM, 後來買到以為執到筍野, 點知係瀨野
PE 係 C 明, 說明書都有幾多錯處, 要打 pat pat


大師唔敢當, 仲係學習階段


其實只不過係將 d 路輪做成活動狀態, 做法好簡單. 正確來講應該要連裡面條彈簧都要做成活動, 不過無咁既技術, 又唔夠時間, 無謂攪

同 buzz 兄既手法相似可能係大家都常砌 AFV, 我仲有好多野要向 buzz 兄學習

[ 本帖最後由 Joe_Lo 於 2006-10-17 10:22 AM 編輯 ]

C 明塊蝦片真係好唔掂, 將好多野簡單事情複雜化, 說明書更加係離晒譜, 好多 number 都係錯既, 攪到剩係對翻啱個 number 都嘥左唔少時間. 不過我都唔會加好多 pe 落呢架車度, 一來老花 , 二來無時間, 而且我覺得如果原件係可以接受既話, 無需要用 pe 代替.

車身大致上攪完, 都係直砌唔攪花臣, 主要係加翻 d PE 同埋加翻 d 焊接紋.

比 Lion 張 PE 玩謝, 剩係揾翻啱 d  number 都嘥左唔少時間, 下次都唔會用呢個牌子既 PE

[ 本帖最後由 Joe_Lo 於 2006-10-18 11:49 PM 編輯 ]

今次真係開足 trubo, 未試過咁快手, 我估呢架會係我最快完成既坦克. 不過仲要加兵仔同地台, 時間其實都好 [忟]


散熱網係 LR, 比起 Aber 仲差好遠, 尤其係 d 網紋.

LR 既 PE 除左好多 number 錯之外, 最大既問題係將好多要一同組合既部件分散黎擺, 要花好多時間黎揾. 上次我砌果架 King Tiger 既 PE 都係用佢, 都無咁多呢 d 問題, 可能呢張 PE 係出左好耐, 所以問題多多. 我覺得張 PE 真係失敗之中既失敗

[ 本帖最後由 Joe_Lo 於 2006-10-19 10:46 AM 編輯 ]

真係小工程黎呀! 都無 scratch-building


比起你果 d 大作, 我呢架真係唔見得人.
其實我都唔係加左好多 PE, 因為我覺得如果原件可以接受既話係唔需要用 PE 代替

其實當年愛記出果架有內構既 Tiger 1 真係唔錯架, 質素高之餘價錢又經濟, 真係抵食夾大件

其實我自己都唔係用晒成張蝕刻片, 因為老花

唔洗驚, 比起你砌果 d, 呢 d 都係簡單野黎啫

呢架真係好野黎架, 所以你要快 d 砌起佢

你買埋咁多好野, 屋企有無位擺架! 如果無位, 放 d 响我度啦

另外有無興趣 AFV 鴨仔團

http://www.hkml.net/Discuz/redir ... o=lastpost#lastpost

响呢度 post 太嘥料, 快 d 自己開條新 thread 出製作過程

咁就要一路排隊 post 製作過程喇

可以 push 自己快 d 完成佢嘛


情景已經度好左, 唔會做 captured version, 因為一早已經油好左幾個俄國兵

其實都係個簡單小型情境, 想快 d 完成佢, 同埋至在吸引多 d 兄弟玩情境.

[狗毒] 唔係咁容易解喎
秘方只有一條,就係要砌多 d 情境同埋油多 d 兵仔


多謝潘 sir! 你好似都做埋 [鴨仔] 喎 星期日又可以見面, 好開心啊

粗糙既炮塔注造紋係俄國坦克既觸有特性, 尤其係 T34/85.
通常啤膠模型都唔可以好理想咁表達到, 所以要另外加工.
先用雙星不地直接塗在注造紋表面 (雙星不地粒子粗糙, 適合用來製作注造紋), 然後用手指抺平, 通常做一次係唔能夠造出理想既注造紋, 乾後可以再做多一次,最後用水磿沙紙輕輕打磿表面. (圖一, 圖二)

另外焊接紋亦需要重做.
如果係好似德軍坦克既焊接紋, 因為比較工整同細緻, 可以用廢膠料拉幼線來做. 但係好似俄軍坦克既焊接紋手工相當粗糙, 所以用混合不地來做會比較適合.

1. 先將焊接紋用铅筆畫出, 方便記認
2. 將混合不地搓成細條狀 (圖三)
3. 將混合不地沿着铅筆所記下既位置舖上, 為被免混合不地黏於手中, 工作時可先用凡士林 (Vaseline) 或清水塗在手指上. (圖四)
4. 用筆刀將多餘既混合不地挑走, 並刻上焊接紋紋理. 如果無信心在短時間內完成, 可用比較慢乾既混合不地. (圖五)
5. 最後用毛筆沾點清水將銳利既焊接紋掃回平滑自然一點便完成.

坦克大致上完成, 履帶會同地台一拼製作.

參考過 d 圖片, 係唔需要補既

多謝 louisuni 兄同 iv-s 兄補充小弟所講既不足或者錯誤之處, 達到左大家互相流既真正目的.

正如 iv-s 兄所講, 不單只鑄造紋可有多種形式同多種做法, 其實任何一種效果也可用不同既手法來表達, 沒有所謂那一種手法是最好的. 又正如 louisuni 兄所提及既焊接紋做法亦有同樣道理.

iv-s 兄, 單看你對不同鑄造紋既做法同埋兩幅貼圖, 已知你是 [模] 林高手, 如你能在此多多發言, 實在係我等網民之福