[港事] 重大鑊・日食肆自爆非用日食材・多数來自中國
日食肆自爆非用日食材聯署登廣告救亡　圖挽港食客信心

炮製壽司的食米來自澳洲、俄羅斯甜蝦作刺身、大根（蘿蔔）產自中國……有連鎖壽司店聯同數十名同行，刊登報章聯署全版廣告，首次向公眾自我「大踢爆」，絕大部份大眾化日式食肆的食材九成非來自日本，以挽回日本食材不斷被驗出輻射超標而打擊了的食客信心，希望食肆生意止跌回升。記者：蔡朗清、翁煜雄

位於尖沙嘴的金田長壽司店昨日場面冷冷清清，只有一、兩枱食客，該店執行董事尤子威表示，經營兩間壽司店五年多，生意不俗，但自 311日本地震以來，生意越跌越急，由最初下挫一、兩成，至現在急跌一半，「你睇吓數簿，生意額由每日做二萬幾，跌到𠵱家只得一萬。情況仲衰過沙士嗰陣」。他隨手將數簿交給記者檢查。

經營慘淡部份打算結業

受日本核災影響，本港日式食肆場面冷清，生意額急跌一半。

尤子威表示，聯絡其他同行獲知，各人經營狀況同樣慘淡，部份更有結業打算，決定聯同其他日式食肆下周在報章刊登全版廣告，向公眾披露「真相」，本港逾九成日式餐廳，食材九成非來自日本，以挽回食客信心，「香港大約有二千幾間日本食肆，只係有百幾間店全部係用日本嘅魚生等食材」。尤向記者展示一大堆食材，檢視其來源地。不說不知，急凍食品如甜蝦、牡丹蝦、蟹柳、鰻魚等，分別來自、泰國及中國。港人愛吃魚生如三文魚、北寄貝、吞拿魚來自挪威、加拿大、印尼等地。國內更供應大量日式食材，計有咖喱磚、吞拿魚罐頭、拉麪汁等。他說，壽司店過去採用的日本食材如帶子，因地震早已斷貨，蘿蔔則改用中國蘿蔔等，日本玉子則在地震前入口，仍有一個月存貨，「玉子存貨用晒後，我哋自己研究用本地蛋做玉子」。尤子威說，目前已獲 20多間日式食肆集團、合共 50多間店舖支持刊登廣告，並於下周一餐飲聯業協會召開救亡大會中提出，召集更多食肆參加「最快喺下周初刊登」。經營八間日式餐廳的八海山飲食集團亦參加聯署救亡行動，董事總經理張建航表示，集團全線食肆生意額大跌五成，「港人人心虛怯，好似盲搶鹽咁，唔敢嚟食日本嘢，反而餐廳有唔少日本人撐場。」他強調，集團旗下走大眾化路線餐廳，大部份食材並非來自日本。

暫未發現輻射超標樣本 記者走訪多名巿民，大部份均不知道日本餐廳的食材均非來自日本，「吓？我都唔知原來日本食肆食材，大部份都唔係日本嚟。」餐飲聯業協會會長黃家和承認，日本食肆的大部份食材非來自日本由來己久，「啱啱去過清遠一間日本開嘅竹筍加工場，啲食材會運返去日本賣」。他說，受核災影響，日式食肆生意額輕則跌一成，重則跌一半，日本食肆處於生死存亡之秋，議會下周一舉行救亡會議，有業界表示刊登廣告澄清，食材來源地方非來自日本，是可行方法之一，但食物安全中心需要加強日本入口食物檢驗，才能讓港人恢復對日本的信心。食物及衞生局副局長梁卓偉表示，截至昨午 2時抽驗了 317批次經海、空兩路運抵本港的日本食品，除了前日公佈食物輻射含量超標的兩個蔬菜批次外，暫未發現其他超標樣本；昨午禁止日本福島等五縣食品運港的禁令生效前，也未發現任何 3月 11日之後生產、收割或包裝的產品由該五縣到港，呼籲市民毋須恐慌。海關截至昨午抽驗了經空運的 9,880批次及經海路的 44個貨櫃抵港日本貨品，未發現輻射超標。保安局副局長黎棟國強調，漁護署每日從四個本地魚場及四個魚類批發市場，抽取出售的魚類或養殖的魚類樣本化驗，全部結果正常。他說食安中心繼續在各市場抽取本港附近海域的海產樣本檢驗。
放大圖片

《食少少唔怕》彭先生　學生
「唔知原來日本食肆食材，大部份都唔係日本嚟。不過我本來都唔擔心輻射，就係食都係食少少啫。」


《暫不食日菜》周小姐　文職人員
「講真，無論你𠵱家話食材係咪由日本嚟都好，我暫時都唔敢去日本餐廳食嘢，因為始終都驚輻射 o架。」


日本餐廳食材來源一覽 類別：急凍食品食材：甜蝦　來源地：俄羅斯食材：牡丹蝦　來源地：加拿大食材：鯛魚　來源地：台灣食材：蟹柳　來源地：泰國食材：鰻魚　來源地：中國食材：烏冬　來源地：香港食材：玉子　來源地：日本（地震前存貨）類別：乾貨/罐頭食材：咖喱磚　來源地：中國食材：吞拿魚罐頭　來源地：中國食材：拉麪汁　來源地：中國食材：雞粉　來源地：中國食材：珍珠米　來源地：澳洲類別：魚生食材：三文魚　來源地：挪威食材：北寄貝　來源地：加拿大食材：吞拿魚　來源地：印尼食材：白肉豚　來源地：台灣食材：魷魚　來源地：越南食材：帶子　來源地：日本（已斷貨）類別：蔬菜食材：蘿蔔　來源地：日本（現改用中國）食材：南瓜番薯　來源地：日本（改用香港）食材：西蘭花　來源地：中國食材：甘筍　來源地：中國資料來源：金田長壽司店


壽司店董事尤子威表示，餐廳九成食材如蘿蔔、魚生等，均非來自日本。黃冠華攝

日本只知有輻射・來自中國就有乜都唔知・港式日本餐・未加煮熟・少吃為妙・

海胆來自深圳,我一直都知.
當然要看那個質素.

我樓下間力場超市
佢入面間築地壽司,之前寫話日本直送,但而家又話所有材料非日本進口
可唔可以告佢呃人呢

一早就知啦.....

三文魚來自挪威?
唔係大陸化工三文魚就偷笑啦

下,某D日本餐廳咁平,佢地會意為D野係日本黎,咁出奇,

難道佢地意為明將/元氣/元綠果D係日本黎,唔好玩啦..!!

公開的秘密。

去過日本都知, 人地根本唔會用三文魚做壽司, 吞拿魚亦唔似香港有陣 "膠" 味...

上星期約朋友食日本野, 佢話驚幅射污染, 我先講幾百蚊食倒真正日本野, 就如相信五蚊串魚旦裡面真係有魚肉... 咪傻 la~

香港人不嬲好多野都係"不求甚解"、"懵然不知"

正宗日本餐廳要幾舊水一個人，幾十蚊?係日本食都唔得啦

[ 本帖最後由 ch_lycab 於 2011-3-25 12:08 PM 編輯 ]

油魚都夠胆坤人,仲有乜唔敢.

幾十蚊,你指任食果間..

x 2

同意

依家市場求自保
就算係都話唔係啦

一早就知
當我仲系3歲細路就知la
$<100放題邊做得到,晨早玩完

可能真係橡膠或塑料造

一早就知~~
如果唔係點會叫日"式"料理 , 唔係日本黎既料理