多謝上面各朋友


AC兄你好. 稀客都黎認真畀面. 多謝.


我唔會掉的. 愛黎留念架! 情你個境! 攞境定贈興?!


乜砌模型唔係愛黎享受, 愛黎做乜??


拿拿拿, 又再答多次. 都話明砌模型係愛黎嘆家嘛, 點會咁低b整四次吖  係整五次
乜你見唔到積木上面有五個絲帽咩?!
自炒車後, 先去查字典  意外  係點解. 充滿智慧的我梗係做多一個士啤啦!

原來F2005的天線有時三支有時兩支 , 我這懶人梗係只造兩支啦, 但之前鑽左三個窿, 好在中間不要的窿有黑色水貼''掩護'', 又過骨.

模造天線底部較粗位. 近駕駛倉的一支黑色似walky talky款式, 用切幼遮蓋膠紙卷至認為啱的厚度, 加快乾膠水確保黐死, 頂部有類似圓形cap的東西用遮利快乾膠點成.

至於車頭7字形天線其實睇真車相好像是沒有底座的, 不過有凸物在天線底部有利固定接合, 打茅波造埋.

因中意試新野, 改用0.3mm膠片, 用長谷川的Tritool TL-13 (它原本是用來沖壓0.5mm直徑的圓形窩釘) 製作成小圚片. 鐵線穿過中央, 便好輕易接合及調整天線的垂直位置.


1 天線底坐用遮蓋膠紙卷厚而成




2 頂端圓形是快乾膠點上




3 車頭7字形天線低座是0.3mm膠片以Tritool TL-13 壓出小圓片




4




5 完成天線







我屬手痕一族, 又多屎轎, 當然有不少失敗的時候.

今次是尾燈. 近代 F1 的尾燈是 LED , 著燈時是紅色, 不著時則似白色多點. 所以不想入面塗銀色. 但就咁把透明膠片蓋上黑底色上更加唔似.......
利華件厚度出晒名, 忽然諗到可否把缺點變優點, 在那很厚的原廠透明膠片內側刻小孔模仿 LED 的眾多小燈泡, 滲入琺瑯銀油, 在外側看會唔會似呢?

結果, 屎轎即是屎轎.  
忽略了透明件容易爆裂白化, 白就是白色了, 但變成一片模糊敝呢!



10 原裝尾燈膠片




11 在內側刻凹孔模仿led燈泡




12  實物的LED尾燈不著時似白色多一點




13 塗上X-11鋃油




14 可惜忽略透明膠片很脆受壓容易爆從外側看變成白濛濛



希望大家有好提議日後交流吓.

20 安裝呔盤........................




21




22 全部完成

噢! 原來上次砌車都隔左好耐, 再砌返........真係聞戰鼓而思良將. 好懷念已執笠的 Modeler's 產品.

第一是炭纖水貼.
幾年前一個post中有討論過邊隻好. 我話我最滿意的是Modeler's 的 D923 及 D924 炭纖水貼. 無論色澤, 紋理, 比例尺寸, 我都覺得好好.  仲要係 made by Cartograf. 如今用剩得返張半.



301 炭纖紋理顏色尺寸比例俱佳




302 不喜歡原廠的S27式紋理及尺寸




跟住就是Modeler's強力水貼軟化劑.
事緣見雙星近期有此項新出品, 還另出一隻寫明**STRONG**添! 即買啦.....嘩!

一試用, 咁樣叫做 STRONG!??
唔好同Modeler's 比, 同郡仕綠蓋比都差成班!  
咁, 雙星隻normal咪可以當水飲左佢?!!!
明天真人騷如果有朋友想要雙星水貼軟化劑, 我送畀你.

我的原裝正版Modeler's 強力果隻只剩低一, 兩滴存於細樽裡, 那較新的已不及原版強力. 雖然說軟化劑太強好易瀨野, 但一到貼大曲位時你就知! 例如今次的懸掛臂位置.

最後梗係唔少得Modeler's 出晒名的 Top Compound 啦! 唔使再講嘞掛?!



300 令人懷念的Modeler's產品




回說螢光紅.

上次話左螢光粉紅染料被溶解做成暈染, 白色部位被染只是問題之一.

問題之二是, 既然被溶解, 即是那原本有螢光的部位變相''掉漆''! 形成紅色有部份沒有螢光, 整體便不勻循了!
問題一可以勉強補救, 問題二就好難了.

問題二是在滲完墨線抹掉溢出黑色時才發覺. 初時還以為未完全抹清所致, 再三望清楚才恍然大悟.

..........又諗到條新屎轎........下次再玩過.



303 Finisher's 的螢光粉紅





我這架 F2005 真係唔知似邊一站, 好似冇一站係咁樣的spec. 呀, 附送一張唔知邊站的有趣 spec 相.

我都有套 micro mesh, 最幼果張係 #12000.....廠方建議係開住水喉來慢慢磨......
老實講, 除非你對油膜厚度有一定要求, 而家都好少見人再追求呢樣野. 多數用 2K 算数了...

的兄, 各有喜好嘛. 玩得開心就是了.
我表面扮野講環保, 實程孤寒d水費 開住水喉唔化算. 盛一碗水, 一路浸一路磨, ok的
由#2400開始, --->#3600--->#4000--->#6000--->#8000--->#12000 磨完晒只換左...3碗水.



成品相在這裡 : http://www.hkml.net/Discuz/viewt ... &extra=page%3D1

多謝各位模友

C兄好勁好細心...學到唔小野啊><
睇到 "頂端圓形是快乾膠點上"果到笑左出黎HAHA
想問一下C兄果支Top Compound係咪絕跡買唔到啦?

過獎喇
可以令人笑, 好事
如果你見到Top Compound 有得賣, 請即時通知我.

好正, 但無時間去睇........唉

象獅兄...小弟見識小...想問下你支TL-13係邊到買架...同埋可否介紹一下用法呢

狮象兄制作模型的态度值得学习。
认真细致的观察，受益匪浅。
考证强迫症确实很难治愈啊···

強哥 你見識小? 唔好玩客氣啦!

那支TL-13是7,8年前在千你達買的. 口徑是0.5mm. 它原本是用來在飛機坦克上壓出小圓形坑紋, 然後滲墨線模仿窩釘. 但我發覺只要在薄膠片上壓至接近 "脫落"(稍後再解釋) 時停止, 形成小圓形的半連接狀態, 用筆刀挑出餘下的連接位, 便得出一顆有立體凸面的0.5mm小圓粒.  

補充解釋 : TL-13 的咀似噴筆的噴咀, 是中空通蕊的. 如果一直在薄膠片上壓至穿為止, 那小圓膠片是會被壓迫入在咀管內, 沒辦法取出的!

我查過, TL-13 應該停產了. 取而代之的是 TT-33, 不過口徑縮小為0.4mm
http://www.hasegawa-model.co.jp/hp/catalog/tt_series/tt33.html

大牌子唔怕買唔到的. 香港買唔到? 搵我們的老友啦  啊刀生呀

多謝誇獎!

關於"考証強迫症".......

模型砌得越似實物越有滿足感, 好正常.    不過,
我相信凡事都有個...."平衡點"吧. 而每人的平衡點各有不同, 即都係果句 : 各有所好
如果我自己搞到有被"強迫"的感覺, 即係唔開心啦, 那時我就會停

考証? 沒完沒了的. 我好buy鬼佬這一句 :
The more you know, the more you realise how much you don't know.
The less you know, the more you think you know.

我恐怕就是後者

唔該曬....獅象兄