首先要多謝Danielpig師兄的意見! 強烈推介!
RG Z'Gok MSM-07
我终於發現有乜野可以令我即開一盒模型來砌. 話說我上網買左盒RG 紅蟹. 比街舖平小小. 交收之後發現盒野好似霉晒, 個盒同說明書拎上手都好似有d粉咁, 連入面的透明膠袋都好似開始變得矇...... 個一刻真係覺得周身痕, 二話不說拆開剪件, 說明書, 膠袋, 盒等立即掉. 既然剪左件, 當然就係排隊準備開工.
由好細個已經好鐘意魔蟹, 肥肥地好可愛. 當年RG一出時, 我係第一日去模型舖買, 開盒, 睇完一晚, 收番埋. 當年係因為已收所有架生, 只可以素組, 睇完覺得好多件, 又因為吾喜歡魔蟹對手過長, 所以無砌. 於是收入床下底多年, 係上年終於放走埋. 吾知點解, 總係隔一排就吾記得晒之前對佢的不滿, 又會想入番來砌, 如是者, 我又入, 又放. 今次係因為幾個月前可以訂PB藍蟹, 反正訂左, 順手上網搵埋隻紅蟹. 入完之後有時見又有人放得平平地又會入多隻, 最後入左3紅2藍.......
一如以往, 我都係會不停係網上睇下其他人的作品搵靈感. 睇左好多, 都係認為RG版太碎了, 同埋分色分得吾好睇. PB藍蟹還可, 紅蟹本身的分色完全吾靚. 其實呢類RG分色, B記吾知點解好鐘意將本身係同一隻色的地方改為上面深, 下面淺. 其實我一向當呢類的分色係陰影的一種, 只係好似卡通化, 漸層比較明顯. 問題係, 上深下淺係吾順眼! 類似的分色係新RG已經開始小見. 只係呢類舊RG的分色真係走火入魔, 舊款RG真係小掂為妙. 雖然我說了很多我不喜歡的地方, 不過同HG比, RG蟹比我更強的機械感, 比較一輪之後, 都係以RG蟹為主. 其實所有魔蟹 我個人最喜歡MG版. 比例可說是最完美, 不過家中真的容不下太多MG. 只可以係1/144入面搵.
打磨的過程比想像輕鬆, 同極度變態的Hi-Nu比, 真係吾算多件. 每天磨45分鐘, 大約3天就磨完. 上色方面, 我自己比較喜歡藍蟹, 但又剪左紅蟹件, 都未決定噴乜色. 直到見到網上一位師兄的藍蟹成品, 吾好諗啦, 砌藍蟹啦. 由於想改色, 都好掙扎噴吾噴灰好. 有睇開我成品都知我係懶虫, 吾噴灰, 吾噴topcoat, 懶得就懶. 諗左幾日, 最後都係直上. 直上的問題係由於底色吾同, 係吾同紅色件上噴出來出來的淺藍色係有分別的. 算啦, 時運高, 睇吾到. 反而最猶疑係條骨的處理. 上次綠揸條骨, 一砌就斷. 但今次得師兄提醒, 知道都幾多見光位, 膽粗粗噴一層鐵色, 好彩暫時為止都無慘劇發生. 至於其他部位, 今次吾係吾想分享, 而係不停溝油, 自己都吾知點溝出來. 再加上每隻色都噴高光同陰影, d色真係亂晒籠.
開始砌起, 心情是非常興奮. 因為好靚. 好多細節位都好靚同有心思. 我放棄左色塊, 跟番原色調, 個人認為減小左一點點亂, 反而去番個平衡位. RG本身多細節, 成隻蟹砌起俾我好強烈的機械感, 不過完成後想搵個位貼張自護軍Logo水貼都搵吾到, 實在太碎了.
誠意推介俾各位想砌魔蟹的師兄. 我已經急不及待想入倉拎隻紅蟹再砌多次.
Full Size Photo link :
https://photos.app.goo.gl/LBK7otQX9yX4zqpA8
#MSM07, #ZGOK, #RGGundam, #Gunpla,#RG
分享
