由唔鍾意到鍾意一切由Kabuto開始！ - 高達及其它動漫畫討論區

mkk

中尉

UID 14166
精華 0
積分 2
帖子 848
成品數目 2 件
閱讀權限 10
註冊 2006-9-18
狀態離線

#1

閱讀全部

發表於 2008-9-9 07:07 PM 資料短消息加為好友

由唔鍾意到鍾意一切由Kabuto開始！

由唔鍾意到鍾意一切由Kabuto開始！

我一直以來都不是太過留意拉打的任何消息，由劇集到玩具，我都不太熱衷的說，不過在一次機緣巧合之下，我得到了一整套的Kabuto劇集，其實初時我都不太願意去開始睇的，因為話晒有四十幾集咁多，而且那時自己又不太好拉打，所以一直都提唔起勁去煲這套Kabuto。

不過話說有一日，我在家裡無所事事，上網又上到悶，GAME又無心情打，模型就更加唔想砌，所以就睇吓有什麼野可以睇啦！結果就給我找返套Kabuto出來，在沒有任何期待，只是想打發時間才睇的心情就令我開始跌入拉打的深淵了！

我開始睇第一集時，最最最令我感到震撼的就是那隻主題曲和那個OPENING啦！那首主題曲真的超正好聽，而那個OPENING就真的超勁好睇，而之後更吸引到我繼續追看下去的原因，就是主角天道總司啦！在我自己的眼中，天道兄真的無所不能，什麼事情都難不到他，而且他和敵人對戰時，他總是氣定神閑的，就是因為他比面對的敵人強得太多，所以他才可以這樣做。所以我就封左天道兄就偶像啦！雖然在之後的個故事裡，給人有小小爛尾的感覺，不過天道兄在我心目中仍然是一位最正的拉打。

跟住在我睇完Kabuto之後，我就開始繼續追新出拉打的劇集啦！攪笑又溫情的電王，我就覺得不過不失，而現在播緊的Kiva我就好覺得都好幾好睇，雖然Kiva沒有像我睇Kabuto那時，令我感到震撼的感覺，不過我就覺得Kiva的故事表達方式真十分之特別，父與子兩代都是拉打，究竟紅音也和女皇之後會是怎樣的關係呢？那三隻人狼水怪同科學怪人究竟同紅音也有什麼約定呢...............等等？好多問題.....？？？希望到結局時會好好交代清楚啦！千萬不好爛尾的說！

至於拉打玩具方面，初時我又好幾次都想入SIC系列的，不過我一直想等到Kabuto出SIC之後才開始上這條不歸路，不過現在連電王都出了SIC啦！究竟Kabuto幾時才會出呢？在等待Kabuto SIC的期間，我就買了一些SIC匠魂系列，這個系列真的十分之出色，做型一流，不過後期的系列實在太多返抄啦！所以最新的SIC匠魂Special 2我都無買到。而我現在最鍾意的拉打玩具是什麼呢？現在我最鍾意的就是這隻Kabuto大膠啦！雖然可動性十分之足，不過做型同上色我就真的覺得十分之正啦！而且價錢重............哈哈哈! 其實玩具唔雖要貴，唔需要理其他人的感覺，你想一買返來立即拆出來玩又得，你想一買返來唔開盒用來儲的那種擁有的感覺亦得，我覺得最緊要買左返來之後，自己覺得值同令到自己感到滿足就已經十分足夠了。玩具不就是這樣的嗎？