同30歲未婚女友人傾開，而家真係幾悲。

我因為工作關係，認識高中底層好多朋友（肯定比一般職業多好多）。女友人舊年同拍左拖6年男朋友分開，叫我介紹ｄ男人比佢。佢搵萬零蚊，普通過普通ＯＬ，無樓同屋企人住，樣貌稍年長，佢自己知自己事，要求條件真係好基本，絕對唔港女︰

年紀35-40（細過自己唔考慮）
未離過婚或者離左無仔女 （廢時做人後底乸）
無固定女朋友 （唔做第三者）
鍾意細路仔 （友人好喜歡小朋友）
唔煙唔酒唔賭錢 （基本野）
無偶然上大陸叫雞習慣 （基本野）
月入 20+k（貧賤夫妻百事哀，維持一個家庭２人加埋３０Ｋ其實都算勉強ＯＫ）
有一二十萬流動資產 ｏｒ 已買樓有自己房間唔係上下格床 （首期可以一人一半）
非低技術藍領 （體味談吐接受唔到）
身高5尺5寸以上 （佢自己都５尺５）
唔洗著加大碼衫 or 36＋寸以上褲頭 （友人好瘦得９０幾磅）
基本整潔 （手指甲唔捆黑邊就得）

尋晚得閒幫佢禁下電話掃下我ｄ男人contacts ，我手機器set 左 search criteria， 即是年紀，婚姻，職業，等等，禁左二百幾個男人客，居然無一個唔中上面是但一飯﹗

我再細心回想一下友人的擇偶條件，真係好普通，佢唔洗人養，亦都願意自己人工幫將來的家庭負擔，亦都無ｄ好難量化既要求比如有幽默感，正直善良温柔等......

不過無話到一定要香港人......

而家都唔知點同佢講，無理由叫佢返大陸識（佢份工完全唔洗上大陸）。

我有兩個大陸客見過幅相之後都對佢有點興趣。第一友人雖然無讀大學，不過西環名校出身，英文辣辣聲，大陸客話第時仔女學英文不假外求

第二大陸客想投資香港開公司，將來有個自己人睇住放心。

友人就反應冷漠，講真我呢兩個大陸客Quali 高，人品正派，不過我都明白親戚朋友果關好難過，尤其是呢兩個大陸客廣東話都唔正。


呢d咩女人黎架,不知所謂,仲要講到自己好慘咁,想唔話佢係港女都唔得,唉,唔怪得咁多女仔嫁唔出啦