差唔多收工, 襯著收之前post多件舊野上來, 無記錯好似係前年底/舊年初既作品. 龍記既KT, 換左ABER炮管, PE同FM金屬履帶. 45年3月既生產型.. 車頂果兩粒兵後來係無上到色. 因為完成左無耐個心就去左整第二部, 兵都唔想油... 模友既特質..

louissuni兄, 見笑喇, 小弟今日都係第二日上來, 當然係新手上路啦.

to joe_lo兄: 小弟一直都like係weathering同部車個畫面度下d功夫(較近歐美). 對一般較傳統較近似日本既技巧就唔多用. 但以前睇local既作品, 唔多人會走呢個方向, 所以諗可能香港唔多流行啦. 不過我見國內既人近呢幾年都走緊呢條路, 唔知呢個風幾時會吹到來呢....

聽日我地就係MK行, 大約下午一, 兩點到, 之後就搵地方坐低吹水咁, 你地既行程又點?

michael兄, 小弟係呢度係新人, 當然稱呼自己係"新手上路"啦, 唔敢講"老手上路" 因為小弟都仲好後生, 唔想咁快比人覺得自己好老.....

歐美既風格其實唔一定係多粉彩, 一般來講都比較追求寫實. 照我所知, 佢地依家通常將模型既風格分為三大類:

1.)ARTISTIC(唯美)
2.)ARTISTRY REAL(美學寫實)
3.)REALISTIC(寫實)

我地香港, 台灣, 日本等亞洲地區大都比較傾向第一. 至於國內依家就係由第一過渡緊去第二/三既階段, 歐美就一般都係以第三為主.

其實呢個問題之前都好多人有同樣既疑問, 或者我可以解釋一下, 先講舊化既問題. 大家可能用左一般都市人既諗法, 新車落地, 係街上跑得果一頭半個月, 點會dirty成咁(小弟以前都一樣係咁諗), 但後來對呢方面既認識多左, 睇得實車既照片又多左, 就發現原來咁諗係非常有問題. 好簡單舉幾個例子, 美軍係iraq既戰爭, 大規模陸戰就係唔到一個月, 但大家可以睇下開入巴格達既M1坦克, 佢既WEATHERING情況係好嚴重. 再舉多個例子, 俄軍第二次圍攻軍臣, 前前後後都係好短時間, 但T62, T72呢D坦克WEATHERING一樣非常嚴重. 再睇睇我地解開軍既演習, 短短一個月D車一樣都係全車泥濘.點解呢? 就係佢地行既係戰地, 唔係一般既街道. 試想想大家開部車入去地盤行連續行佢兩, 三個星期, 個情況基本上就差唔多. 所以係戰地上既WEATHERING只要短短兩,三星期, 就比大家十年無洗過自己部愛車更嚴重. 呢D對於我地生活係大城市既人係有誤解. 令到我地成日一廂情願以為新車落地一定唔方DIRTY...

另外有關保養方面, ,我或者講得詳細少少,  就大戰初期, 德軍一般既習慣係完成一整場戰事先會進行部隊既補整, 戰車番新之類既作業, 就好似39年既入侵波蘭. 40既法國戰役, 同巴爾幹半島戰役等, 都係等到整個作戰任務完成先成個師咁調返德國本土進行整編, 到左41年入侵蘇聯之後, 由於戰線過長, 加多戰爭幾乎就無停過落來, 所以補整, 維修工作就由德國調到去前線後方, 係果度設立臨時維修中心, 但去到44年中葉之後, 德軍既情況非常吃緊, 工廠連戰車生產數都跟唔上, 唔好講話D後備零件, 基本上維修中心既情況都唔多存在, 一般就係出發前係結集點進行簡單既檢查就上戰場, 呢個都係直接令到德軍裝甲部隊係戰末個TURNOVER咁大既原因. 一般既坦克壽命由出廠到玩完講緊就係唔到500公里既里數(即係大約兩, 三個月左右). 係咁情況下, 唔好話維修, 基本上連洗車都唔會.  另外就順帶一提係德軍既部隊架構其實無分虎王, 虎式呢D車就會保養好D, 其他就差D呢個CONECPT, 基本上可以叫係一視同仁.

希望以上一大段口水能答到ICE兄既疑問, 同時都令大家了解到真實WEATHERING其實係咩一回事啦..

[ 本帖最後由 GaryKwan 於 2006-11-19 10:58 PM 編輯 ]

小弟剛剛把一篇幾年前寫既有關戰車上色同舊化文章發左去模型制作過程分享區, 其實因為唔知應該發去邊度, 所以就揀左分享區發左先啦.. 發錯左既大家提醒小弟改改....
http://www.hkml.net/Discuz/viewt ... &extra=page%3D1