Originally posted by
buzz at 2006-10-2 13:58:
想了好耐, 唔知post 唔post 好
終於完成! 減咗D泥同雪粉, 履帶及車輪同步泥化, 車身及固定位作漸變色的泥化(下面深色, 上面淺色, 希望帶出乾泥同濕泥的分別)。
車身上炮塔附近加上D泥漬, 模擬士兵 ...
buzz 兄如果你覺得自己既作品未夠完美, 而唔 post 出黎, 咁我既製作過程咪更加獻醜.
以我呢個新人而言, 我只抱住膽粗面皮厚既態度, 務求學到更多製作 afv 既精妙, 事實上得各位大大指點, 近來所得的, 真係大開眼界. ( Joe 兄既 Mig 文章更是一大豐收, o岩哂口胃.
) 好開心近日有咁多 afv 前輩係呢個論譠開腔, 我反而覺得唔襯呢個機會求教, 真係錯失一個難得既機會.
回顧 buzz 兄以往既作品, 件件在小弟眼中都係水準之作, 從中都偷師不少.
在幾位前輩帶入既新靈感, 新觀點後, 我同你都一樣, 需要一段時間去吸收, 去再理解. 我架三突都停擺多日了. 不過, 千祈唔好唔 post 作品呀. 呢個論譠就係因為可以互相交流, 先至有佢既價值.
好希望 afv 會係 hkml 佔得一地位, 漸漸成為一個熱愛者既交流區.