你每每用d 極端例子黎講真係冇你好氣, 香港夠大把有錢佬, 咁點解街上仲有咁多未婚女仕~?

又, 唔通中國有錢佬可以包 / 娶哂全國女人~?

唔係0卦?!!
唔通打老婆是為了生存!!!

齋 Quote 一句然後屈我, 唔做娛記真係浪費~

打老婆我話係兩地文化差異, 並唔係為生存 lor~

人搵你, 你搵人,
蘇州過後冇艇搭
中女宅男邊個先係錯失良機?

冇架, 拍拖357年, 都成三十歲先分手, 邊有咁多好盤係身邊
成三十歲, 年齡相近又事業有成/穩定, 唔係已婚就係有感情非常穩定既女朋友, 兩樣都唔係就仰係基既, 再唔係就係沙沙滾....
算佢樣樣都唔係, 好佬一名, 大家係男人, 反正係從新認識, 點解你要捒個三十中女, 唔捒十八廿二既青春少艾?
你又試下代入港女中女既身份, 係社會工作唔努力向上等駁炒?
以前好多人自覺要成家立室, 自然會搵到個伴. 城市人個個都遲好多先諗/甚至唔諗, 時機完全錯配

唔係咁ga意思......當然香港都有有錢佬不過佢地就會搵返個又靚又後生ga la~
唔通要個有事業ga女人?又有極端例子:李澤雞,李家成,馬廷強.....
宜家好多香港女人都係諗住自己有事業再搵個有錢佬,但係百分百有錢佬唔想搵有左事業ga中年女人~

兩樣都中point... 有條件既男人, 冇須要choose 個人老珠黃既中女.. 唔好講性格係唔係港女先, 就當面先有兩個"好女仔", 一個young 一個old, 係男人都個choose個young既先啦, 客觀睇, young既, 要生小朋友都安全過個old架啦..
到冇條件既男人, 唔好話d 女人嫌人冇用先, 做男人都未必食得落, 香港男人點都有d大男人主義既, 軟飯呢樣野, 雖然好多人都話唔怕食, 但到真係食既時候壓力都唔細, 唔係咁易食得落...

好多時d人把口話唔介意, 但真係面對時又係另一面事...

先幾日新間透視講中女, 敗犬, 記得有個女人講d 男仔對佢講返個女人太叻唔敢追, 對, 事實就係咁. 唔係男人冇自信追佢, "追"反而唔難, 因為只要真心對呢d 女人, 真心關心佢地, 佢地依家就係想要呢d野, 俾到就ok, 但之後呢??? 要相處時男既一方要接受朋友指食老軟既眼光架..

到返有"條件"既"好"男人, 呢d買少見少既, 本身"識"追女仔既早就有人mark左, 唔會係市場流動, 唔識追女仔既又會俾人嫌唔夠風趣, 悶....咁呢班唔識風趣又悶既結果未上左大陸搵到d 心思簡單d 既女仔lor... 係.. 大陸仲有唔少心思簡單既好女子既, 當然亦有好多心思唔簡單既, 不過兩樣數目就點都比香港多.

個人淺見,

男女平等應該係
1)男人要盡男人o既本份
2)女人要盡女人o既本份
如果唔係相方都無資格提出平等.

即男性無法獨力撐起頭家(香港常見),
要女方出外工作幫補家計,
男方自然要分擔家務,
可是有好多男人就要女方工照返家務照做,
一點打理不好就話個女人唔好,
有本事o既一力擔起頭家o既開支,
咁個男人就有權投訴(e.g.d衫洗得唔乾淨,飯唔熱,湯唔滾,餸無味)

又e.g.有d女人話佢男人無鬼用乜都幫佢唔到,
但事事一意孤行又唔接受錯誤o既結果,
又話個男人無主見/能力/理據在當時去提點/阻止佢,
要個男人同佢補鑊(補唔到仲有排受).

小弟身邊同事就係一個好example,
個老婆一向好執著,
有次個老婆(我同事)無端端落訂供另一層樓(自住都只供左3年,又唔係唸住抄,只係鍾意),
成3 4 10歲中女離婚收埸(佢老公睇o黎都隱左佢好耐~同事們都係),
仲搞到要走去睇精神科(可必呢!)

[ 本帖最後由 savepilot 於 2010-3-10 01:41 PM 編輯 ]

完全冇風度既婆媽男人<-------

agreed~!

可能香港男士(包括在下) 質素下降了, 所以大部分港女都看不上.... .

找個伴最理想時侯的都是在大學讀書時識, 畢業之後就结婚啦!! 我想起都後悔, 如果之前讀書的時侯識到個好的話, 我就不會好像現在這樣, 找到工之後就被甩, 做工時連找個伴的機會都冇啦!

我都同意,見E家D男士真係無上一代咁有風度

緣份呀c兄  睇開d唔好咁灰啦
有女朋友都唔代表好事泥架!! 同埋媾女e家野好囉你主唔主動
成日諗埋d灰野  不如行動啦  (過來人身份 )

同埋好唔好真係相處落先知......所以唔好咁介意d女好唔好  食左先嚝啦
合得泥咪結婚 合不來就分手  天要下雨娘要嫁人  e d野改變唔到
所以無必要為此灰心

[ 本帖最後由 張國榮 於 2010-3-11 11:03 AM 編輯 ]

$63.8事件你睇過未?咩叫風度?咁鬼佬不嬲都冇風度la~
最簡單你一識女仔可以請人睇戲食飯,但係唔請就等於冇風度?

風度唔係用錢衡量 ga, 你睇下d 老外同女仕出街, 事事照顧幫佢除褸推門拉椅, 搭車搭 Lift 會讓女仕先上... 女仔係睇呢d 細心野, 得到男士照顧呵護, 絕對比金錢來得重要 lor~

[ 本帖最後由 twinsa 於 2010-3-11 03:28 PM 編輯 ]

香港普遍風度量度就係睇你出幾多錢囉~當然佢地好多都會口講唔介意aa制la,但係就同d朋友唱你俾唔起錢~
你唔覺哩d係閒事就冇計la~

[ 本帖最後由 helios1988 於 2010-3-11 02:50 PM 編輯 ]

某程度係既, 不過只因為港女當道... 不過當遇到個唔係港女既女仔, 細心就會用o黎量度風度架啦...

人點都鍾意做對自己有著數既野, d 港女有公主病都係因為d 仔肯制姐, 縱壞既姐, 同教仔一樣, 咩q 都俾佢既, 佢要咩即刻有咩既, 想唔縱壞就奇啦...

咩野關係都會要磨合, 依家只係港女同港男要再磨合過姐.....

你都未明我之前個 "古惑仔" 例子...

而你講係佢d 朋友處唱你 AA 制, 我覺得只會係讀書時期發生, 出咗黎做野大家咁高咁大, 朋友間 AA 制 or 每次輪流俾, 係我見最多, 情侶既話更加唔會計呢d 數~

[ 本帖最後由 twinsa 於 2010-3-11 04:40 PM 編輯 ]

sa 哥, 未情侶前都要追架...

我就真係聽唔少廿幾歲到尾既港女係d 仔背後講d 仔要唔肯俾架. 普通朋友緊係aa 啦, 但當佢一知你對佢有"好感"(追都未追)就會"要求"你請, 唔請就會背後唱...

其實就好似d 仔落老蘭 clubbing, 會預左要俾埋d 女果份.. 不過依家d 女就認為唔止落老蘭果時要, 係樣樣都要.....