原帖由
icqboy 於 2011-3-3 12:31 AM 發表
因為我淨係諗左車胎既消耗快慢..但係冇諗對車高方面既影響..
丫..我仲想問問個氣流問題,
我自己所知,一般既賽車(不包括方程式),如果兩架車距離好少,咁前車既空氣阻力就較後車大,
但係之前有場 ...
問得好. 因為好多賽車迷都感到混淆 : 一時又話勾氣流 (slip streaming, tow) 有著數, 一時又話畀前車的亂流影響跟唔貼?!?!
1. 先講勾氣流 slip streaming.
在直路高速行車時, 前車會成為破風者, 它的車尾便會形成一個細小的低壓真空區(<--- 其實不可能是直空, 只是一直沿用這名詞方便明白), 如果有後車跟得夠貼而能進入這個真空區, 便會發生勾氣流 slip streaming 現象.
後車不但迎面風阻大幅降低而有著數, 最大的得益是那低壓真空區因壓力差異而拉扯後車, 變相加速, 所以又叫做 tow. 千奇唔好睇少這度力, 換算成馬力數字便知道是好可觀的. 我一時搵唔翻那例子的數據
不過都可以舉一個實例證明 tow 是何等重要:-
澳門東望洋房車賽 WTCC, 星期五下午的第四節計時練習賽, 各頂班車隊便同時一pair pair 地出車, 目的是命令前車的 *車手a* 做破風者, 由漁翁灣開始一直製造 tow 讓後緊隨的 #隊友b# 賺取那額外的速度優勢, 真至葡京灣前 *車手a* 讓開給 #隊友b#, 那麼下一圈便輪到 #隊友b# 破風, *車手a* 食tow搵著數了.
2. 輪到講亂流.
其實以上那個低壓真空區已經是亂流之一. 不單止, 其實側風, 尾風.....所有不是迎頭而來的風都不是賽車空氣動力學設計範圍內.
因為所有賽車空氣動力學設計只能針對迎頭而來的氣流.
一來是現實所限, 二來, 賽車不是停係道好似諸葛亮等東風到. 而是賽車本身主動高速向前移動而產生的相對氣流!
所以一旦前面近距離有障礙物干擾到那相對迎頭氣流的產生, 便等如癈了車頭空氣動力學零件的武功.
而方程式賽車極倚賴的頭尾翼等空氣動力學效應, 所以前車所產生的亂流對緊隨的後車會有極大負面影響, 尤其是在灣道. 但直路呢?!?!
直路雖然都是有負面影響, 例如尾驅動輪胎的抓地力 (少左尾下壓力壓住尾胎加速), 但還有其他有利因素例如講過的風阻下降.
假設, 在大直路, 後車能緊貼前車而進入勾氣流 slip streaming 那個低壓真空區域時, 便一樣如 1. 那般, 壓力差幫助後車加速, 製造爬頭機會.
現在 F-1 的難題是, 實力接近的賽車想爬頭極難, 就正因為 F-1 賽車的空氣動力學發展極有效率, 其尾翼所產生的亂流極大. 想要在直路之前果一個灣緊貼前車 (尤其是高速的快灣 <----- 代表極倚賴正常的氣流來維持下壓力"襟"住架車去過灣), 變得極困難, 這樣便不夠時間趕及在直路尾前勾氣流爬頭喇!
最慘的還是, 某些賽道的設計變成是難爬頭的"幫凶", 令到實力差距較大的賽車都未必爬到頭. 例子 : 巴塞隆娜
從上述事情, 便領略到某單一結果的產生, 好多時是 n 咁多種因素互相影響而得出. 太過簡單化......未必明白透徹.
更加避免 "想當然"
好多時你會事後發現, "想當然" 出錯率極高!!!
試舉一些 F-1 界內的科技誤解實例.
連行內的 F-1 工程/設計師 當時都得出錯誤結論 :-
1. 1976年的六輪 Tyrrell P34. <----- 起初認為它的成功是額外的頭輪增加轉向抓地能力所致.
答案是頭輪胎尺寸縮細而對空氣動力學大有幫助!!!
2. 1990年 Tyrrell 019 的高鼻頭翼, 當年連設計師自己都不能確定, 是現今實證了的理論**註(A) 解釋翻轉頭.
3. 1991年 Benetton B191 的高鼻頭翼 (之前是認為它才是首創, 現在推翻 **註(B) ).
當年理論是車鼻升高, 空出鼻錐原先霸佔頭翼中間點的面積, 頭翼便可以造成由左至右一塊過.
相比傳統頭翼, 多出了那中間點的迎風面積便提升空氣動力學效率.
以上解釋當然是對. 不過原來是少部份, 主要原因不是那多出的面積.
答案是: **註(A) 現今實證了的理論 :-
高鼻的最主要貢獻, 是可以讓更多的空氣流入車底!!!!
而家明白點解後人把高鼻頭翼始祖寶座由 Benetton B191 **註(B) 還翻畀 Tyrrell 019 了!!!
到今時今日, F-1 空氣動力學設計的焦點已集中到去車底!!! 是 First Priority !!!
車頂的翼s ??? 已不是主角了!!!!
即係表示, 早在70年代 Collin Chapman 的 ground effect 原來最堅, 亦最具前占性. 好野!!!
".....用眼睇落應該好順.....?!?!......感覺車形流線.....?!?!"
風阻等等唔係用眼可以睇得出喎, 係用風洞來測出喎!
又舉一個令我印象深刻的實例:-
1983年睇車書, 那年的 Audi 100 四門房車, **睇落**外形極普通, 毫無特別. 不過, 它成為汽車歷史上首架 CD (Drag Coefficient) 風阻系數不超越0.30!!!!!!
1983年的法拉利308 由大師 Pininfarina 設計外形, 嘩! 流線形到暈呀! 不過, 風阻CD是.....超過0.4
2004年非常流線形的法拉利 F430 CD 都要0.34
順便講埋早在1983年 Audi 100 的風阻"秘密"
: 平貼式車窗