其實加入HKML 都一段時間,,
但係小弟作品真係馬馬地, 唔見得人..
而且多數爛尾收場, 所以成品區一直與我無緣..

我一開始都係砌高達模型先,,
點知有一日, 本來睇緊日本高達模型網站,,跟住就link左去一個日本大師 Vispo 既網站
見到佢既人形作品,,就中左毒啦

講番呢件人形, 收到件後,,係好有火去set件,
但維持左一陣,,就拖左幾個月,
一件自己曾經好有heart 既作品, 竟再次淪為爛尾之作,,
希望師兄們關注下佢,,借我力量完成佢..可以post係成品區啦
因為先前無諗住出post,,,只係得小小隨手影既相~


今次要完成既人形, 1/9 柏崎星奈




set件中, 夾口無可避免,, 0second + 爽身粉必備 !
睇番相發現, 背景歐國杯直播中,,無限回憶湧上心頭...




好重既實心沙灘球.. 之後 set件有一定難度




用雙星磨光膏拋光後, 順眼好多.
背景一堆新開既火頭...





必然發生既悲劇..小零件整斷左.. 修補前




修補中




完成 !!



鏡頭一轉, 已經準備噴油... 無影到set件後既照片..留待完成再影...(大家要多多支持, 唔好俾佢爛尾!!)
呢套件有2個頭,, 雖然只係用到1個頭,,我都會用2 種唔同風格去完成2個頭,,當係練習




噴油既設備, 格局.. 呢張係遺照..
屋企人一直以來, 強烈反對屋企噴油~ 所以我出去時租地方噴油..




唔好誤會..呢隻豬腳係先前既爛尾作品,,
點解會放出黎呢? 因為我自己噴透明膚色好易噴深, 或噴淺唔覺,,
所以放sample出黎, 有個指標會較容易控制




噴到黎呢度,係最後一件膚色
我以為噴好晒膚色既時候,,我突然發現膚色偏灰,,,
原因係打底既光油唔夠''乾淨''
歸根究底,,噴筆洗得唔乾淨累事..
忍痛天拿水洗件重噴!!




再一次上好膚色, 個頭都係膚色參考既爛尾人形
陰影係白色+小量111+小量112+極微量透明橙+極微量螢光粉紅
(其實陰影色同112差唔多,,)
主體色: 50%陰影色 + 50%光油
(我自己都係心急,, 好在今次無噴深到)

透明膚色份量無絕對,, 件比較黃,, 我會落多小小螢光粉紅, 件比較白, 就多D透明燈, 加小小透明黃,,


消光後.. 本體大致完成,
相片質量馬馬,, 大家將就一下..

製作過程暫時發佈到此,,
實際進度已經畫左1個頭,, 泳裝上色完成, 未噴頭髮, 差一D 小零件
所以至少可以發多一次進度,,,
多謝觀賞..謝謝

膚色很好看
透明膚色才是王道
加油!不要爛尾!!

師兄加油! 千其唔好俾自己爛尾

加油啊~~ 進度唔錯~
期待成品啊~