好啦，話說搞左幾日，都解決唔到哩個噴到一點點既問題，想請教各位點解決?



背景:

1. 氣泵本身有一個水隔，係槍尾再加多個水隔都冇改善，水隔都唔見得好多水
2. 作業濕度大約60-75%，開埋冷氣希望降低房內水氣。天氣太熱都唔想噴，驚氣泵過熱
3. 以為D油太濃所以出事，溝稀左，但只係得到小改善，一樣出水點
4. 氣泵既PSI最盡約60，冇附帶air tank
5. 噴槍係郡士PS-289，之前出過POST話整爛左個噴嘴，已由淘X網購入新零件。
事實上，枝筆一開始用都已經麻麻地，依家直頭出現「吱吱」聲，肉眼望落去，出油既量非常不穩定

好耐冇玩過模型，依家一黎就惡夢連連，小弟已經非常frustrated，請問各位先進賢達有冇計呢 ? 期待各位師兄不吝解答

什麼 "泵" any photo ?

過1過  3000番 "砂紙"

[ 本帖最後由 kck22 於 2015-11-24 04:43 PM 編輯 ]

我都係用PS-289
有機會係蓮花噴帽有積油導致一點點

先問一問.... 係一路噴緊期間突然吐兩滴, 定還是剛按下trigger時....  

有分別的.

我覺得係你的油本身未搖勻，我都有類似經驗，有時D微粒比較粗睇唔到，唯有搖到均勻爲止。你用什麽牌子的油？

另外我想講下，我地一般大路都喜歡用Gravity Feed噴筆（個杯係上面），因爲佢容易洗，用到最後一滴，但好多人唔會知道，就係因爲佢係靠地心吸力，所以D未搖勻的粗粒分子會聚在下面，比較容易塞，同埋先噴左粗粒。

下杯式噴筆（Suction Feed) 係靠虹吸作用，將顔料向上吸，開得均勻的會先吸上去，粗粒會聚在底部，較少吸上去，有佢既好處架！當然呢個唔係話絕對，但相對比較順D咯！話時話，我支Badger幾年無用，可以攞出黎玩下

師兄我試過噴緊期間吐幾滴
想請敎下關唔關啲油太濃事?
平時1:3咁開

我之前買支 TB  既老翻HD180, 都會噴噴下積儲左D 油係個蓮花頭到, 跟住就會出現同師兄一樣既情況...

而家轉左用岩田HP-CP 就冇事喇....

附上泵圖

請問關砂紙咩?

多謝你解答先，係前後兩者都有 ...... 後者隨住「吱吱聱」一路有水點噴上去

多謝timng師兄你既回覆先。我想先講一樣野，就係我已經用cheap cheap大陸槍噴左十幾隻，一路都冇問題，反而係換左PS289先中招。

我係用GAIA，一向都係搞暈左先用。應該唔關淡同濃事，因為我都試過曬。

唉，師兄，老實講，我多年來一直係用人仔100以內既大陸槍反而噴到，換左日本槍反而 ...

依家好灰 ...

沒有 Air Tank ?!
過1過砂紙是摩平D~滴滴.

可能是 "穩定壓力" 不好.
一開槍和打到尾, 不穩定壓力造就D~滴滴.

可能"大陸槍"是適合你

sell it out ...

好可能係手勢唔好..... 應該係 按trigger >拉trigger >推回trigger >鬆trigger

如果先鬆trigger 再推回 trigger... 或者唔推回 trigger 就即刻再噴, 係好易會積油係噴咀前面既.


另外,  check nozzle cap 係唔係有漏汽. 就有係果度既絲姣用淨口膠之類既野封. 不過唔好用鑼線膠呢d "半永久"/鎖死既膠.
其實雙星今年有出一個用來封nozzle 既糕. 最好係用呢隻. 不過唔多見香港d 模型舖有賣.


_____________________________________

後者隨住「吱吱聱」一路有水點噴上去

積左油... 試下淨噴氣唔出油先.  
一係睇下個咀係唔係積左油.

[ 本帖最後由 VampireA 於 2015-11-25 03:07 PM 編輯 ]

Thank you! 其實我買個新泵同枝IWATA會唔會好D?

唔該，前面果段我會注意

下面，其實我想講個「吱吱聲」係，只要拉後後trigger就會有，就算唔噴出水點一樣有

係咪氣壓不穩之故? 或者可能我隻泵真係雞野，要買過隻 ...

冇錯呀雙星果隻封噴嘴果隻nozzle sealant幾好用
香港見到清潔set有得買
有一大一細清潔刷,噴嘴手把同高粘度潤滑劑

其實會唔會枝噴針有事
噴針同噴嘴之間有虛位所以有d油係噴帽積聚
一噴就d油唔係霧咁噴左上件到

PS-289 個蓮花頭係容易積油

好啦，得出結論了，多謝各位前輩。

今日天氣咁凍，又乾，係小弟仔細咁洗一洗筆之後，再加上足夠既水隔，其實問題已經不大

但噴耐左之後，其實都開始有番少少問題。所以氣泵可以的話唔好買太雞，有散熱問題同氣壓不穩

最後我想問問，如果按住trigger，未拉後已經有油噴出，即係乜野出左咩問題?

[ 本帖最後由 stuka 於 2015-11-26 07:15 PM 編輯 ]

支針未到位，封唔住個噴咀，可能：1）真係未推到位，2）個咀有D東西（例如紙巾碎）朗住封唔實，3）積左太多舊跡，要大洗