收到,我以為長期有熱力就會黑

簡直就是垃圾！





看了你的神作，我覺得，我的作品簡直就是垃圾...

流曬口水，搞到早幾日幾乎買只黎有樣學樣

唔錯! 有水準. 請繼續努力做多些軍事模型

附日本模型大師水野之傑作與大家分享
http://www.geocities.jp/shige122112/tank.html

[ 本帖最後由 Boris 於 2008-4-16 02:42 AM 編輯 ]

今次有否用filter之效果?

你那"多層噴法"上左weathering同其他效果之後,係相中感覺其色tone沒有什麼特殊變化....

今次無用過filter
相睇唔出係因為今次唔再用以前filter呢種誇張既表面表達手法, 改而係色塊之間落功夫, 所以變化效果有 "孔"到好close先睇到. 個人覺得咁樣比較乎合番1/35比例

多謝讚賞, 兄弟都係砌AFV既? 個ICON部老虎幾正喎, POST多D相上來等大家分享下啦
水野大師係日本好有名既藝術家 (真係藝術品果種), 佢曾經係日本開過全國個人展覽.
日本國內外都好出名. 佢都曾經講過, 模型只係佢一個用來表達其藝術既其中一個工具途徑來.
佢依家既模型作品好多都可以係日本yahoo拍賣網站度買得到. 價錢由40000-150000日元不等
有興趣既可以上日本yahoo搜搜

難怪
其實早前睇到関sir問隊長部4號嘅表面變化係米噴出黎嘅都應該覺得有d新搞作

好強呀，想問下趕住交稿去邊呀，邊到可以睇得到架？(不過我都會 bookmark 左先)
日後仲有大打時間執番更完美，不過我真係睇唔出仲有咩唔夠 perfect 呢！

其實係趕著交稿去外國雜誌, 法國STEEL MASTER4月15日DEADLINE, 我15日果晚攪到成零晨4點先馬馬虎虎咁攪起, 好多細位都未執, 因為再執既, 第二早返工前就趕唔切影相.....
呢部車會刊係6月STEEL MASTER既豹專集(當中仲有ADAM WILDER大師部豹F呀! 今年西班牙TORRENT冠軍!!), 同埋日本既MASTER MODELERS. 但日本果邊未知7月定8月, 因為6月會上左小弟另一部三突先(不過仲未整好...... ), 費事同法國果邊撞期數..

[ 本帖最後由 GaryKwan 於 2008-4-16 02:05 PM 編輯 ]

以多重色相噴漆方法,換言之是色相比微調之效果,即在同一色相做出反差之效果?那麼大前提的目的都是與filter一樣,但看來噴幾層次既色都會把著色密度高了,顏色整體上更難為一致.
而filter的彈性為之高,可以大面積以水性油開稀來調節色相,而且再用點filter之方法局部調整,那效果之後的整體顏色的Hue也合理地調低了,所以在weathering不用下大功夫就可獲得良好效果.是大部份香港同好一個比較更易上手的方法.

可是關兄的舊化技術超群,我還記得你當年就是以玩pigment重舊化起家的,這後期的處理當然難不到你...而且顏色效果不俗.

既然兩者效果目的一致,我會選擇容易的路走,而且用材簡單...可在一車上用上多種不同base的油漆(acyclics,enemal,水彩甚至幾蚊支廣告彩都得!)容易配搭~因材施器,這才是模型樂趣~我怕單是一隻色調都已經噴夠我噴一日,而且浪費大量天拿水溶劑等物...

雖然這幾年沒有做模型,但年來在實驗室當上了ink & color management的確令我學了不少基礎知識~得益良多,在此分享~

見笑見笑, 技巧超群真係唔敢當, 一山還有一山高呢
或者可以咁解釋, filter無錯係可以係同一面上面作出整個面的色調變化, 但如果想係獨立每一個色塊上面做變化, filter係呢方面就有所限制, 因為filter只能係同一個面積上起變化, 但要縮到每個面上面各組色塊都出現唔同層次既色階, filter就做唔到呢一點. 而事實上, 就本人經常使用的德軍三色迷彩中, 黃, 啡, 綠三色其實每個顏色既色階都唔同. 如何單靠filter去實現所謂的色調變化, 無錯整個面上係可以做出所謂的色層次感出來, 但微觀去看各色塊上的變化就變得呆板, 或者可以簡單來說明, 一般filter用上既顏色會係白, 黑, 啡, 黃等, 當中有時會加上藍, 灰, 這視乎模型底色係咩來決定. 但其實啡色本身既上下色階中就有紅, 黃,  而綠色既上下色階中就有藍, 黃, 紫等. 如果用filter方面來表達, 那有部份色階, 係好難係某個色階上apply上. 你唔可能點紅色係表面上, 因為只要filter時有一不慎, 紅色就會落在其他沒有此色階的主色地方上面. 另一方面, 就算同一個面上既幾塊唔同的綠色, 都有可能出現或多或少的色階變化. 用filter一籃子作表面處理. 只會令一個面上出現色變, 但色與色之間既變化就做唔到 .

PS: 先強調一點, 我個人都好LIKE FILTER呢個方法, 因為FILTER確實也有佢過人之處, 我都用左好多年. 只係我想提供多個方法可以令色調變化更細微而已

另外更正一點, 一般係模型上用filter係唔會用水性漆既, 因為filter既技巧中有一個要點, 就係需要油漆既thinner揮發性高, 使其在漆與漆之間mix up之前就在表面凝固, 但現在坊間上暫時未有一種模型水性漆既溶劑有此特點, 也因此暫時本人都未發現水性漆作filter. 要是用水性漆OR水彩之類用出差唔多既手法來做, 果重叫BLENDING, 係另一種表達技巧來, 想表達既效果又係兩回事. 其實好多人都會混淆的.

至於J J 所講既包和度高, 其實這點我在技巧介紹上也有提及如何解決. 因為我強調的是: 每層的顏料必須稀, 而且每層噴塗時無須一次就把所須部份全噴, 就一點一點的噴直至最後一個色階噴至包和為止. 而事實上, 要是每層都全噴, 那這技巧就變得沒意義.

至於整體色調不一方面, 我技巧介紹中最後一部用田油性漆作TUNE 色目的就係解決呢個問題.

其實本人並無學過任何有關COLOR STRUCTURE或同顏色有關既課程, 基本上大部份知識都係從多年上色時既實戰經驗得返來.  另外可能同自己有畫底有關. 對顏色一向都比較敏感. 不過做模型, 其實最緊要都係多做, 多塗, 好多都可以無思自通, 正如J J兄所講既意思差唔多, 條條大路通羅馬呢.

[ 本帖最後由 GaryKwan 於 2008-4-16 08:19 PM 編輯 ]

woow 港人之光！
我一定會留意下訂唔訂到本雜誌 “6月STEEL MASTER“

先更正關兄在啡色filter...這得視油漆的pigment而定,而一向啡色的pigment在大自然不多,也就是說市面賣的啡色大多是配色.
既然是配色,即是什麼色都有,也就是說,啡色是具有偏紅,偏黃及偏藍的3個特點.
由於filter明顯是層次的效果,所以不在乎你上多少次,有整體的,有局部的,做幾次效果之後也有相似效果,這得視作者本身用了什麼手法...我想各位玩過filter的同好都試過顏色"走得太快"而控制不了吧~
關兄之"只會令一個面上出現色變, 但色與色之間既變化就做唔到 ."我甚不明白,既然在屠次上做了功夫,目視的顏色已是結果,底色當然有變化.而關兄之"多屠噴法"在於噴上不同層次之toner,而且所用之數色也是相同色相,那麼目視效果應該相差無幾,恕我相中看不懂,或者是的的LCD的色度profile不夠吧~還是看CRT的色會比LCD好~
我懷疑之處是要做出"色調變化更細微而已 "而之後更要以田的油性油統色及舊化處理,那細微的變化早已不復存在,至少,我認為已超越人眼及視覺神經範圍,可能這點因人而異,關兄對顏色如此敏感.可能你察覺得到.但我想連機器也未必量度到,因為我們在所有效果之後所得的光源已經不多了,在低灰度下,人眼覺得顏色柔和已達到優美的效果了...

filter以水性油漆做是非大路派系的做法,我也聽說有外國作者使用過,也曾經聽Antonio Martin介紹過.非blanding,但的確相似~

而你那"一點一點的噴直至最後一個色階噴至包和為止"我倒認為是相似十年來一些同好要表現的 color shading效果,即在一色塊以"同色異譜"來做色域的陰差,當然并不是以你所用的同色系顏料做成,而是以灰/黑/啡色單純的調節而已.

至於田油性作tune色...是否可以說是以單一的色來作全車的單一色filter層呢?這點以任何性質的油漆看來都可勝任~

講太多,好浪費工餘時間~繼續用寶貴既時間砌模型先~聽關兄說:多做, 多塗, 好多都可以無師自通~
各師各法,砌出黎靚就係好辦法.正如打機唔睇攻略,好玩好多~

[ 本帖最後由 J.J.Lam 於 2008-4-16 08:59 PM 編輯 ]

首先多謝 J J既指正, 正如之前提過, 本人真係無讀過任何有關COLOR學理論既課程, 所以有關啡色pigment係大自然多唔多呢類學術性既資料真係唔識.甚至乎係模型都未必用得上. 我之所以講啡色既上下階階係紅, 黃等, 只係從我上色中感受出來. 同書本知識當然差得遠了.

至於filter同多層噴色法係唔係得出同一結果, 我想好難三言兩語解釋得出來, 其實最好還是大家有機會親自試一下兩個方法, 出來既結果就係最好證明. 我只能說在我觀感角度而言, 想做出某重不同色塊產生的不同效果, 我覺得有時FILTER未必可以做到.

至於用水性做FILTER, J J兄所舉ANTONIO MARTIN為例, 我想應該是用錯例子, 因為我所知他從來未用過水性漆去FILTER. 我諗你指果個方法, 係佢用AV油來點塗, 他那個方法其實叫MAPPING, 基本上完全唔係FILTER, MAPPING所追求既效果也跟FILTER出來完全唔同, 詳細可以參考 XTREME MODELLING第四期他一篇文章, 有十分詳細既說明. 至於其他用水性FILTER, 本人的確從來無見過及聽過會用在模型上, 或者是我孤陋寡聞吧.

至於COLOR SHADING跟我那方法是否相似, 似乎有點對錯題, 入錯位. 因為按J J兄所說要是多層噴色法跟FILTER是大同小異, 那又怎可能對上COLOR SHADING呢? 換個角度來說, 要是COLOR SHADING真的能做出FILTER的效果, 那大家又為何要用上FILTER呢? 不直接用回COLOR SHADING就是吧.

另我說用田油性來TONE色只是我個人的習慣(因為我的示範帖中是用田油性的, 所以說的也理所當然說用田油性), 當然用任何顏料都可以勝任, 這點我想不用說大家也明白的.  

其實也十分多謝J J兄對顏色之講解, 始終很多做模型的人大都並不具備對顏色這方面的學術知識, 以後真需要J J兄多講解些有關這方面的知識. 讓大家多長見識啊.

[ 本帖最後由 GaryKwan 於 2008-4-16 10:22 PM 編輯 ]

呢版好多 notes 要抄低...

不過好多抄低左都未明佢講乜.

一次過消化唔晒，要日後慢慢咀嚼

我都吾係好睇得明...
不過做filter後,底色既彩度會有點降低... 飽和度亦會有點影響.
多層噴色則比較複雜... 但兩者作用都不同,最好兩樣都識...要邊種效果用邊種方法

[ 本帖最後由 matleung 於 2008-4-17 12:21 AM 編輯 ]

我唔知有冇理解錯
関sir嘅意思應該係filter固然係方便好使，但係缺點係對e种十分虛嘅3色迷彩黎講，要做到每只色都有想要嘅合理細微嘅色彩變化就唔係好適合？
而用唔同特性嘅主色分別微調出變化，可以更合理、更精確，特別適合需要close up黎睇嘅效果？例如我地出psot發作品，或者再高d：上雜誌。

不過有冇理解錯都好，其實起碼對我黎講真係好難，例如將陰影色填左去高光位，咁就真係盞搞