最慘宜家D樓，實用率高到呢......73%
其實你買一層樓，好多錢係比左去D唔知乜鬼地方(有D花槽都計入間屋的面積，大拿拿7K一呎用黎買花槽，又真係好抵~~~)

個用來跳樓一流既露台都幾皮野架喇
我覺得唔好介意新定舊, 最緊要自己鐘意

雖然老婆大人有dd鐘意,但5k果陣我都無$入,何況7k.
仲有我又唔係炒家,佢升幾多關我鬼事咩.
元朗過萬蚊尺............

其實交通都都儿唔方便,入仲可以,出就煩好多.
附近係以前雞地.魚市場d香氣同聲音就唔係個個頂得住.
我就比較鍾意村屋

小弟九龍城長大
飛機大馬路再嘈我都頂得住
要我轉車,坐粒幾鍾車返工一定on way!!
係時候入定紙申請舊機場起的新公屋啦

我去過睇, 唔係好實用, 價錢又幾高, 所以無諗, 而且個view都唔係話好好, 仲有對住條馬路...

果度仲有魚味.....

公屋,你過左limit未?

真係好普通.
對住馬路果邊真係唔使諗.

我去0個日可能唔覺, 但係魚味我都係唔鐘意...

而家出得來做野, 都好難唔過個公屋LIMIT...

還好呀, 十年前我果頭仲有屠房
雖然唔係對正, 但係久不久經過的豬車香到十架垃圾車根本就係垃圾

將你的問題調整一下先:

問:公屋,你部署好未?

答: 未

你行前d就見到批發市場....

d豬香真係好堅

快快部署啦

小弟自少在荃灣長大, 所以希望第時搬都搬返近荃灣. 不過最近d新樓個價高到 (某個話自己近mtr但其實坐小巴都要10min的樓)....."如果用咁o既錢買, 我不如買市區樓仲好" (當然, 就算佢平俾我, 打過5折我都無錢買 )

講真, 如果樓價可以低番d, 令人係"真正有機會上車", 而唔係草來草去都唔夠俾first deposit, 咁大家一樣可以努力, 向目標進發. 但如果低到19歲, 無工作無收入都可以買得到樓, 香港人可能要一起吃"大鑊飯"了...

ps: 不如叫政府將香港打做成"結婚港", 人人有政府幫人買樓擺酒, d人肯多d生仔, 拉低番香港的平均年齡, 香港重新有番活力, 人人有工開, gdp勁升個double, 港元成為國際貨幣, 1hkd=7.8usd, 共創奇蹟, yeah!!

都無乜可能...如果你住荃灣, 可以諗諗屯門, 普普通通既都係160-180萬左右, 如果搵到d裝修不太差, 唔洗大執既, 大約有30萬就上到車, 哩個數都合理既, 如果同老婆/女朋友一齊儲, 都唔係太艱難, 同ok輕鬆既

所以政府幫唔幫唔係一個問題, 就算幫又幫到幾多, 同幾多人? d人唔好成日抵賴, 買少個名牌, 追少部電話,

一個城市以家庭為單位發展長遠點都有利過以個為單位
搞免稅額井納稅一族, 不如搞平d 房屋,交通更有利鼓勵結婚生育

有時諗都ok, 因為我返工返九龍灣o個頭, 見到d元朗/ 天水圍 d 村巴直接到九龍灣, 我連mtr太子轉車都唔駛, 又可以在村巴上瞓下. 200萬樓下我相信好多打工仔都可以供得到, 如果有個degree, 5-6年經驗, 有10k以上 一個月一定無問題 . 2公婆加埋當3萬一個月, 月供9千都只係收入的3成. 應該唔會令到生活水平要降低好多. 最多都係出少2次街, 買少2個LV. 講真租樓都好"金", 難只係FIRST DEPOSIT.

不過香港係 "樓價連繫股市, 股市連繫人工" . 樓價跌 <=> 股市跌-->人工跌. 如果唔係8萬5就唔會咁傷了...

有degree係好, 無又唔一定會死, 我f.5畢業, 但係我做garment purchase都有around15k, 加上我女友都十幾k, 其實供樓唔辛苦~

要睇睇使唔使俾父母.要俾就唔多夠

我都係荃灣大,而家住元朗.交通都叫ok.一粒鐘返工.我好多同事都係屯門,元朗,天水圍.打份工,好難玩豪宅

我覺得你不如睇下黃大仙 / 九龍灣 / 觀塘 d 樓盤 (資料如下)...

黃大仙 - 翠竹花園 (around 200) 已補地價居屋
九龍灣 - 淘大 (around 220~250), 得寶 (around 170~200) 缺點實用率低
觀塘 - 安基苑 (around 200), 寶佩苑 (around 220) 已補地價居屋

我係過來人, 家住元朗返觀塘, 入面樓價係平, 但車資 + 時間亦都好甘, 你諗下每日 OT 到九點幾, 返到屋企已經成十一點, 食埋飯沖埋涼陪下家人, 已經冇哂你d 私人時間... 想起壇砌模型, 明早要六點幾七點起身喎... 日日如是, 間屋三百尺同一千尺對我都冇分別...

[ 本帖最後由 twinsa 於 2010-10-26 12:46 PM 編輯 ]