我從來沒有想過我會再砌一次MG Zeta 2.0
上一次係十幾, 二十年前, 當時應該已經係用噴筆, 自己溝左淺藍色, 配灰色, 係一個好舒服的色系. 當時幅骨應該無上色, 同埋係無砌槍的. 佢一直存在係我展示櫃, 未有離開過. 即使今日再睇番, 我都好滿意個佩色. 今次會再砌完全係因為MG 百式. 砌完之後莫名奇妙又想砌番Zeta, MK-II, 於是衝動入貨. 放埋個零月後, 費時拎入倉, 於是開來砌.
年小的時候其實我吾係太欣賞Zeta. 我只喜歡上半部, 覺得對腳太笨重, 背包大排野, 吾知想點. 到了呢幾年, 反而越來越喜歡. 但作為高達的續篇, MK-II好像是正統的主角而Zeta及百式好似配角咁. 就好似黃小虎永遠先係主角, 黃小龍同石黑龍永遠都係側邊的配角一樣. 可能就係呢份配角的感覺, 我喜歡百式及Zeta遠比MK-II為多.
講番盒模型, 開盒之後, 剪件的感覺是今次大件事了. 吾小的水口都係粗大而位置明顯, 零件都係大大件, 有點精細度不足. (一早已經有成品企係度陪你20年, 你吾知佢係點咩?) 剪到灰色內構件時, 知道今次又係地獄. 剪極都未完, 事實上每次砌RG Zeta, 呢個感覺都好強烈. 因為要就變型, 都係好多細件. 不過我從來都吾玩變型, 對我來講真係搵野俾自己做. 上網睇到有部份好精彩的成品, 真係嘆為觀止, 更明白自己的能力跟專業的距離. 事實上, 呢盒Zeta 2.0係外型比例上我認為係咁多盒以來最好, 不過就真係寡左小小. 假如多番小小細節就完美. 以今時今日的要求去睇, 佢分件係差小小. 佢連黃色件都無分齊, 有部份是用貼紙的. 其他則問題不大. 雖然係變型機體, 佢都算實淨, 當然吾可以同非變型機體比, 不過相比RG, 我拎RG上手都有點驚. 唯一美中不足係對腳要就變型時向前屈, 返而有點企吾直, 兩隻腳版亦都吾貼地..
係噴油過程中, 其實越來越感受到自己未能純熟控制噴筆. 對漸層的控制不到家, 好多時都係一撻撻, 挫敗感都幾大. 只好不停左修右補. 另外今次除白色外, 有特別溝多支加白色的去噴高光. 不過搞完一輪吾係太覺眼. 小腳有部份黃色位係先噴白, 做遮蓋, 再上黃. 結果又漏.....最後都係磨走漏出的黃色, 用原裝膠紙做遮蓋再重做. 另外為左補救噴陰影的失誤, 結果成隻越噴越輕陰影. 自己一向鐘意紅色的喉管, 小腳後方的紅色好好睇, 不過支槍就有點吾夾. 最後的起心肝噴番灰鐵色
白色 : Mr. Colour 107, UC09灰色上陰影
藍色 : UC14淺紫藍色, Mr. Colour 110藍色打陰影, UC14加白噴高光
關節 : Mr. Colour UC09淺灰色, 部份用Gaia-020
黃色 : UG21黃色加UC20桃紅色陰影
紅色 : UC20桃紅色, UC22深紅打陰影. UC20加白噴高光
黑色 : Mr. Colour 14深深藍色, 加白噴高光
本來買左好幾張專用水貼. 不過質素吾得. 最後接近全部用通用水貼. 由於本身都幾寡, 我分好幾晚慢慢貼, 想睇落豐富點. 影相的時候真係有點頭痛, 好似拍不出佢的味道, 最後都係抄個封面Post, 影幾張.
完成今次MG Zeta之後, 越發現自己的能力的不足. 而家每次噴油都噴得慢左, 揾緊吾同方法去好好控制支噴筆.
Full Size Photo link :
https://photos.app.goo.gl/g7S9JnASRZ58hfxB7
#ZetaGundam, #MSZ006, #MGGundam, #Gunpla,#MG
分享
