HG008 GOGG MSM-03
完成了勇士之後， 開始想製作啡色的MS. 於是便選中GOGG。 由細到大，我都叫佢做愛爾蘭魔蟹， 我吾知點解， 都吾知呢個名啱吾啱。係水產型MS中， 我比較喜歡魔蟹， GOGG一直吾係我特別喜歡的MS， 如果吾係要完成0079， 我估我未必製作呢盒。 咁耐以來， 只係製作過一次SD版. 剛巧早幾個月有貨返， 於是即刻入手。
有次係FB見有位師兄完成了GOGG， 配色非常合意，影低相便去買油。 由於係冷門的油， 都係得個幾間會有。行左一轉旺角吾覺有， 走去官塘買。 係買油時有件事係令我不快的。小弟才疏學淺， 好多野吾識， 於是好有禮貌咁問店員幾支膠水的分別。（ 已經放低６支油買， 吾係只係問野吾買野） 我好清楚指出我要用來做無縫， 屋企一早有綠蓋， 高流動性好似吾係好理想。 點知個店員吾單止無解釋， 仲用一個望住白痴的眼神望我， 同我講支支膠水都係咁啦。於是我好清楚指住2支膠水問佢有什麼分別， （一支寫Deluxe, 一支無寫)， 佢又係講到一舊舊， 吾知佢講乜。 我明白佢未必知道所有產品， 不過吾識吾駛扮識同以一個嫌人煩的態度去招呼我。所以吾好怪人點解成日上網買， 上淘寶， 幫襯小店好多時都係受氣。
講番盒模型， 本身分件好好， 基本上要做遮蓋的只有手臂一環跟一環之間的連接位以及小腳至腳板的部份。整盒模型要做無縫的位置吾多， 但非常顯眼， 不做不可， 就係小腳正前方以及腰的位置。 不過有小小問題就係原件的分色好奇。 明明眼下方係黑色， 佢竟然俾貼紙你。（佢係有黑色件， 但都跟係淺啡件俾你)， 小腳關節俾藍色件都係莫名其妙。中間紅色出風位中的白色， 我係取考用水貼的。
前天請了半天假去噴油， 無諗過4小時竟然吾可以完成。因為真係吾算多件， 我以為2小時便夠。可能自己要求多左， 同埋要即時做遮蓋再噴， 所以用的時間比較多。
淺黃色 : Mr. Colour 39泥黃色, 陰影用Mr. Colour 520深啡色， 高光直接用Mr. Color 107白色
深啡色 : Mr. Colour 520深啡色, 陰影用UG16深深深藍色， 高光直接用Mr. Color 107白色
關節 : Modo-MX02淺金屬鐵色
紅色 : Gaia-1023鐵道紅色
黑色 : UG16深深深藍色， 高光係Mr. Color 107白色
同其他0079的MS一樣吾想貼到周身貼紙， 都只係加自護標誌算了。
模型本身係好舊的HG, 以今時今日的水平來說真係差了一點。 外型上吾夠霸氣， 可動性低得離奇， 想放過好小小的Pose都吾得。 整個組裝過程都很簡單, 如果對佢有愛就入來玩下。
Full Size Photo link :
https://photos.app.goo.gl/rfCZiXTjRwcbmMu48
#MSM03, #GOGG, #HGGundam, #Gunpla,#HG
分享
