HG191 Gundam RX-78
剛完成了一盒EG, 有點不滿, 於是上網買呢盒HG Revive來比較下.
第一印象係充實好多. 關節有小小內構, 吾會有罅隙見光, 外型上沒有EG膊頭大, 拳頭細, 盾太低的問題. 跟來的槍同炮都不錯. 不過當然吾係完美. 最大的缺點係分件. 個頭前後夾, 要整好塊面先可以做無縫, 極其不便, 其他需要無縫的位置有槍, 炮, 小腳. 不過頭部的無縫係最難處理. 另一被比下去的係肚個V字, EG都有分件, HG要自己做遮蓋.
外型上, 除了之前提到EG的問題, HG同EG分別不大, HG 跟EG都是身軀比較小, 手腳比較長的. 整體比例上HG比較好看. 坦白說, 除非你超級新手, 初初接觸模型又或需要極短時間完成, 如果吾係, 我真係揾吾到原因去說服自己買EG. 當然, Bandai出新產品, 你又想去支持係完全無問題的.
比較了幾款1/144的RX-78, HG Revive, EG, GTO, RG, 可以說是各有缺點. 個人來說, 沒有一款是完美的. GTO 整體是比較好的. 不過紅色腰部過幼, 胸前的出風位是突出來的都是我不滿意的地方, 不過GTO 的頭是眾多1/144中最好的, 眼細, 很兕猛的感覺. RG分色過份碎, 完成之後感覺有點不穩, 很容易散的感覺. 而且腳板過小, 手腳過幼, 不過身驅方面是最好的. HG的身軀過小, EG的問題跟HG差不多, 不過手腳關節有罅隙見光, 個人來說是不可接受的, EG可能對象是小孩, RX-78眼睛大大的, 是走可愛路線嗎? 簡單說, 沒有一款是完美的, 個人認為如真的選一個1/144代表, 我會選GTO.
完成上次EG之後同開始製作HG之前, 剛巧自己租左工作室, 收拾, 搬倉等真係忙不過來. 呢2個多星期我接近完全無動過手, 精神上極之疲憊. 如今工作室佈置已經完成得7788, 剛巧第一件作品又係RX-78, 元祖高達彷彿係我砌模型的原點. 今次好似係一個新的開始. 希望快點收拾心情, 可以開開心心去玩.
Full Size Photo link :
https://photos.app.goo.gl/tALHeGLesj124cw89
#RX78, #Gundam, #HGGundam, #Gunpla,#HG
分享
