HG GunCannon RX-77-2

開始製作之前, 想了很久也未能決定是要製作舊款的HG還是新款的Revive版.  從官網圖片來看, 新版小了圓圓渾渾那份敦厚的感覺, 長高了, 瘦了, 也更接近今時今日的審美標準.  不過我內心一直更喜歡舊版的敦厚.  最後, 因為舊版有大量的無縫要處理, 我放棄了.  還是製作新版吧.  (動手之後發現新版都有吾小無縫要處理)

因為自己的技術不成熟, 其實限制左自己好多想砌的模型.  我想完成的1/144 0079計畫都因為太多舊HG令我卻步,  我自己都吾知可吾可以完成.  不過我會儘力去試.  希望下年可完成.  現時所做的無縫, 細看時總係有缺憾.  吾緊要, 失敗乃成功之母, 技術是要磨練回來的.
講番盒鐳射大炮, 一如之前的HG, 件數不多但可動性高.  不需太多時間便已經完成打磨.  不過發現都有幾個位要處理無縫, 分別係頭, 炮, 膊頭, 股個位.  上色方便, 由一開始已決定用原設, 即係紅加墨綠.  現時大多新出的鐳射大炮都將深綠改成深灰色, 其實都好靚, 但今次我還原基本步, 用番墨綠色.  
話說小弟上網購入一位師兄40支油, 因為該師兄將離開香港, 我見有支紅色幾靚, 於是就試下.  不過噴出來係好鮮艷的嫣紅色.  當我噴晒高光, 陰影後, 我覺得又噴得幾靚, 不過隻色就好似吾夾鐳射大炮.  另一方面, 隻色係光面的.  我真係吾係好睇得慣.  小弟其實從來吾噴灰, 小噴保護油.  噴保護油都係為左水貼.  我一向都係用半光澤油, 噴完即睇到效果.  我當然知道噴半光油係滲線時會吾夠sharp, 但我太依賴即時所見的效果去做修正.  於是我刻意放低2日, 2日後再望下.  都係吾得, 最後係個批油搵另一支紅色去噴.  今次係Gaia-1023, 鐵道用的紅色油.  一噴出來就有點驚艷的感覺, 正正係我心中鐳射大炮要的紅.  原本打算係薄薄噴一噴, 最後都係做足全套, 陰影, 高光再補主色.  墨綠色都有用灰色打陰影, 再溝淺綠色做高光.  不過噴完吾明顯.  關節同大炮係淺灰加深灰做陰影色.  手肘, 膝蓋的關節都有加金屬黑鐵色做分色.

紅色 : Gaia-1023鐵道紅色, 加白做粉紅高光, 淺灰色陰影
墨綠色 : Mr. Colour 16墨綠色, 加白做粉綠高光, 淺灰色陰影
淺灰 : 又係上手留低, 比UC09淺小小.  深灰Mr. colorUC16
跟住手油補色就完成.

總結來說, $100多小小的一盒模型, 絕對是物有所值.  

Full Size Photo link :
https://photos.app.goo.gl/ozA1dWSndzNsBoMc6

#RX77, #GunCannon, #HGGundam, #Gunpla,#HG

紅色靚仔，特別係最後嗰張相 但排氣口和肚池的橙色太鮮艷，又無滲線，同其他地方唔係好夾，頭頂黃色機關炮和長槍照準器就比較自然。

出風口吾記得滲缐都被你見到？哈哈！多謝師兄意見！

...之後發現新版都有吾小無縫要處理...
說過很多次了，bandai 的質量與所屬比例、系列、定價沒掛勾，約七八盒便會有一盒見到有花心思，其他的則不過不失，沒比其他日本廠好多少。



...我想完成的1/144 0079計畫都因為太多舊HG令我卻步...
加油吧，上次的半隊自護軍合照就很吸引人。



...決定用原設, 即係紅加墨綠...
這組合很夾，就是你選的灰色不太夾這紅與灰綠的配色。



...係個批油搵另一支紅色去噴. 係Gaia-1023, 鐵道用的紅色油...
Gaia 油雖然毒，但它的調色很靚。



我是覺得高光陰影太強烈了，之前自護軍的柔和些，順眼些。
所以下隻會是？



我都有打算油 RX-77 系列，但要先買到 The Origins 那兩隻前期型及 HG 的 RX-77D, RGC-83 ...

[ 本帖最後由 ygat 於 2021-11-25 05:32 PM 編輯 ]

我都覺得今次陰影重手左。因為紅色遮蓋力比較低，遮吾曬。

前臂的高光多左，墨綠的高光又輕得滯。

我又反而幾鍾意呢隻灰。手關節位金屬色夾墨綠都幾出

我用四個鐘ko左隻EG.  不過感覺比例麻麻地，要係第二盒搵支槍同搞搞持盾的位置先

我覺個盾太底，要高番D。我砌完先發現，冇改到。

咪就係太彽lor！點會set係個度架！

如果加磁石，用aa膠痴到？

相信不同方法都整到，磁石應較麻煩。