這也是近幾個月才變遷的，幾個月前根本就沒人覺得玩正版是有錢人，甚麼二世祖、傻仔也是這幾個月才收斂了

先指聲明：我都覺得非法 dl 係唔好 ge 野

睇左 5 頁
我好睇唔過眼 dl ge 人話真金白銀買 game ge 人傻
用真金白銀買係一種尊重同鼓勵
正正就係有呢舊錢先可以繼續開發
當然做生意毫無疑問係要賺
唔賺又搞黎做咩
e 家唔係開善堂

其實上面都有好多人講出左 dl game 不外乎「貪」
貪小便宜絕對係香港人最好 ge 形容詞
返工會貪公司資源o係公司上網偷筆
師奶買菜會貪人地塊薑條蔥
一家大細都會貪酒樓 ge 牙簽
由細到大都有唔多唔少 ge 貪心陋習
貪係已知 ge 事實
要停止人貪基本上係冇可能 ge 事

政府咁做同嚴刑峻法有冇分別？
係唔係有 d 矯枉過正呢？

ps.: 有人話冇錢咪唔好玩 or 冇人迫你要娛樂
我覺得呢 d 說話真係好難聽好唔尊重好有風涼話 ge 感覺
呢 d 悔氣說話無助討論

回應返最尾，無錢唔好玩其實係回應某些人說自己是窮而玩老翻，但窮是藉口嗎？

有得做BOR!!!!!!!!!!!!-口-
好諗頭

[ 本帖最後由 肥龜 於 2008-7-7 11:09 PM 編輯 ]

嗯
窮一定唔可以做藉口
但係都唔應該咁講野
有個錢可以娛樂
但同樣唔係大晒

人人都想發大達 ga la
有邊個唔知有錢唔駛買 A 貨

但係講野都要識尊重人
冇錢係可以唔玩呢 d
但係講「無錢唔好玩」真係好大口氣

你還是弄不清楚，這句話的真意當然不是說無錢就唔好打機，每個人都係獨立個體，你要點我阻你唔到。此句真正想表達的，是無錢不是藉口，窮並非藉口，真正的窮人是不會打機的。

有錢買game既就叫做 "有錢人"~? 咁只顯出你地班人有幾 "膚淺" (又或以此作籍口繼續 DL)...

一隻新 PSP Game 只係 $300, 而 PS3 既 Game 最多都唔過 $500, 好貴 ma~?

但有冇諗過 :
- F5 畢業出黎一個文員, 月入 $7,000 左右, 勤勤力力不斷做上去, 最高應該可以去到 3 ~ 50,000 左右...
- 大學畢業出黎一個 Marketing, 月入約 $15,000 左右, 勤勤力力不斷做上去, 最高應該可以去到 100,000 左右...

相比之下, 出o左糧拎一千幾佰出黎買下 Game, 咁就叫有錢~? 同女友出兩三次街食餐飯睇場戲都唔止呢個數 la, 笑話...

反而如果因為 DL 隻 Game, 俾差人捉o左黎 "祭旗" 留o左案底, 第日出黎大機構 / 政府唔請,
只可以打d 小公司幾千蚊人工, 最多只能去到一萬鬆d , 到時睇住其他 Friend 個個事業有成,
自己就仲計住 3~5 百蚊黎渡過月尾, 樓又供唔到, 老婆又養唔起, 咁就一世...


以小博大, 博得倒你就係叻仔...  相反而家你地以大博小 (自己前途 = DL 幾隻 Game), 博唔倒斷正既話, 到時你就真係 "傻仔" la...

係 ga~! 係我眼中, 窮係要被人歧視, 得唔倒應得既野, 咁窮人先會上進發奮, 忍到其他人忍唔倒既 "痛", 先可以上位...


反而而家果 D 乜 Q 平等, 窮人不應被歧視, (仲要得到尊重?) 加公援, 設 Free Lunch, 送家電 / 上網云云...

個個窮人三餐有著落, 係屋企仲有電腦電視娛樂, 個個窮人生活無憂 (睇公家醫生仲有特權),
返工俾人鬧兩句就軟弱無力, 示威鬧人就充滿精力, 人人排隊等領公援 lor...

窮係應該無得打機~咩叫窮人打機唯有d/l?
家下打機係天賦人權o黎架?!唔打會死架?!
打機只係娛樂,仲要係無數娛樂之中其中一種
大把好平什至唔洗錢娛樂~

d/l game即係偷野,只係唔係行入人地鋪頭偷咁解
而係用數據傳輸o既方式接賊贓,無論道德定法律上都唔許可

當然,現實o黎講,大家想省錢,反正社會風氣如此,唔係非要企係道德高地不可
但要高談闊論咁把錯事大義化正當化就好無恥

家陣d後生上晒腦=.=
買lv買bape就幾千幾千咁比出黎，買隻碟就連果一百幾十都吾肯

一懂事既時間，社會風氣就係聽歌睇戲玩game都係dl既，就點都覺得咁做冇問題
仲要扮聰明去諗咁多混淆視聽既所謂論點去反駁
老套d講句，世風日下=.=
吾一定係你班後生有意識地去做錯事，好可能係成個社會既問題
不過都係應該要改一改"非法下載冇問題"呢個想法

吾係叫你地吾好，我相信家陣只有幼稚園老師先會話吾睇綠燈過馬路係吾岩
反正叫你地吾好，你地都吾會聽，仲會dl多幾套

只係想你地有番個概念，自己決定種既因，自己預備受個果
睇鋼鍊果時就口口聲聲等價交換，要你真金白銀買碟就多多事實，一係比錢一係博拉二簡一jei，有得你簡ga wo，都仲支支左左，想點ar，玩晒佢ar=.=

你自己決定要非法下載，冇人會吾收錢又浪費自己寶貴既時間去阻你一個三吾識七既人
家陣只係話你知有班收左老闆人工既叫海關，做既工作就係捉一班非法下載既人
而且係光明正大攞正牌奉晒旨去捉
你自己好自為之

p.s. 捉字蚤玩文字既"天才"，可惜我身邊冇人用刀行住我，所以好抱歉我吾會同你晒口水

計我話, 商人天堂當平民甚至窮人係一堆數字, 每月只懂看國際評級倒不如將香港注册為有限公司, 那些田氏只弟在政府常常話"我管果間公司都不是這樣"那麼他不是議員是CEO 如果可以註冊為公司好多人包抱田氏一定開心, 而且歴史上, 地图上香港是係第一個以有限公司名字出現 中文係~~中华人民共和国特別行政區香港有限公司~~所有窮人炒得, 趕離香港, 並史上首次再重現奴"弟"制(对不起那個字不懂寫) 所以人不可再出糧!!!最低工資!!!米想呀

窮人當然有生存既權利 la, 人地都冇講過呢d 野, 你咪乘機 "老屈" 人先得 la~

你呢d 一味淨識撥火既無恥年青人, 可能認為d 窮人冇生存既權利, 所以就想借人把口, 再加上自己意見黎一招 "借刀殺人" la...

真正的窮人是不會打機的.....

如果你以為拎綜緩等於最窮ga人你就錯la~

拎左綜緩果 D唔叫窮人=_="
如果拎綜緩家庭有未成年學生,佢會有每日零用錢至少$30(食飯車錢另外比)
佢地一個月零用錢咪即係$900,兩個月都夠買psp有多 la~
仲多零用錢過我la~

真正ga窮人係有經濟困難都唔向政府求助,如果佢地拎左綜緩.....唔覺得d未成年學生冇錢玩囉~
但係事實上綜緩家庭好少機會俾子女全額零用錢,可能係買左部機俾佢地....難於拎錢再去買game,
所以好多野都多方面ga~

你話阿魯多"一味淨識撥火既無恥年青人"算唔算人生攻擊呢!?...係咪要俾人封post先安樂?

你講得完全正確~! 屋企有電腦有 PSP, 識 Download Game 仲算叫窮人 ma~?

開呢個 Post 個位人兄好明顯唔係窮人, Download Game 偷人野為o左娛樂 (PSP 喎), 仲要扮乜鬼受到壓迫咁, 真係人唔笑狗都吠 la~

每一個人身邊總有d 愛撥火既友人, 佢地會以 "撥火" 令自己有成功感 / 存在價值, 我只係道出佢個行為, 咁都叫攻擊佢~?
除非佢都認為呢個行為唔o岩在先 lor (但佢又走去做喎)~

"無恥" - 就係我對佢 "老屈人" 行為而作出既評論, 佢 "屈" 人就得, 而我指罵佢呢個錯誤行為係 "無恥" 就唔可以~?



至於封 Post, 我倒不介意...
呢個 Post 觀點一開始已經係錯, 偷人野係唔o岩 (Download Game), 而家政府而家立法防止, 佢仲要話人立法有問題, 呢個乜世界 ar~

跳躍性思考...在下可沒定義何為窮人嘛

真正的窮人是不會打機的。

但香港的窮家子弟都會打機~夠簡單未 ?