搞事就等於有做事?

到你出黎賺錢交稅至講啦....細路~

制度有問題... Right~!咁係出咗咩問題~?


有一班 "保皇" 議員, 令好多應改既法冇得改, 仲為咗奉迎上面以 Cap 更多水而成日做d 妄顧市民利益既事,
呢班人從來唔攪事, 最多開會打瞌睡, 間中仲會俾d 小恩小惠市民, 但... 咁係咪就叫做對香港好先~?


冇咗長毛一眾攪事份子, 你而家分分係網上講一句得罪政府既野, 第二日就已經有差人拍門搵你返去問話,
咁既 "大同" 世界, 而家大陸發生緊, 但你恨我唔恨 lor...

那他是未浪費到我的錢而已

佢拖到選舉後會開始再 "做野" ga la, 選舉前告佢地, 咪俾人睇到政府點繼續 "打矛波",
激化d 人為公義出黎投民主派票, 到時 "保皇黨" 失利, 阿爺問責起上黎點擔當得起...

當日冇 "長毛" 行出黎, 而家你電腦有張 "咸相" 都預備要俾差人拉...

浪費金錢~? 淨係佢逼倒d 差佬出黎澄清, 呢鋪已經係 "值回票價" 有凸 la...

師兄，呢度好多細路都係人講拒又講，無咩獨立思考能力，叫雞買六合彩就叻，呢D要用腦既野就.....唉！
我都講過啦，我地睇到既野，D靚仔未必睇到架，你想教精拒，拒仲當你係仇人添，算吧啦！

現時教育制度下考試要睇Marking Scheme...教出好多量產型...想再進步就要靠自己啦

佢地覺得長毛攪事, 只因佢地未經歷過...  


我地d 中坑見過六四, 知道 "一黨專政" 當遇到反對勢力會點殘忍法,
我地又上過大陸, 知道貪污有幾可怕, 講冇淫業存在, 但又通街都係淫業, 醫院超屈錢,
連係上面上網, HK Discuss 及 HK Yahoo 都會被 "金盾" 所封殺...


我地仲見識過 97 後被中央控制既 "老懵董" 政府幾無能,
令到經濟蕭條,人工由幾萬跌到得幾千, 辛苦供緊既樓由幾百萬跌到百零萬,
好多人費盡半生所建立既一切於幾年間化為烏有, 當時 "水深火熱",
但政府就乜都唔做, 偏偏為討好上面而想 "霸王硬上弓" 整個 "23 條" 出黎...


正因我地見識過一個政府唔聽 "民意" 會有幾恐佈, 所以先唔想香港變成上面咁樣,
所以先知道長毛 & 癲狗呢d 不畏 "政治權貴", 肯企出黎發聲既人有幾可貴...


其實香港好多人都知呢一點, 所以長毛 & 癲狗先可以高票數當選,
如果佢地係攪事者, 即香港有好多選民其實心底裡都支持佢地繼續攪事,
繼續維護我地係香港 "天生" 已有, 但好多人遺忘咗佢存在既 "自由"...

[ 本帖最後由 twinsa 於 2008-9-9 03:20 AM 編輯 ]

完全認同, 現時d靚仔, 逐漸被共產黨遂步洗腦中,  將會變量產型學生, 真怕有一天 香港的自由, 完全變了做大陸的可怕, 會見到像大陸的反日, 爬上日資百貨公司上的醜聞

唔出聲, 做光緒王是對?, 反對聲音=搞事, 好多對中共的政見有意見的人, 都會被大陸抺黑和封殺, 見到他們真是慘, 我們為這些烈士: 辛苦你們了, 幫我們香港人爭取~!!

我就留意到真正幫勞工既議員就一定當選

我自已住新界，之前李卓人攪過交通支援計劃，我住呢區我真係感覺到佢地真係用心肯幫下D打工仔

支援計劃初期合乎資格既人太少大家都聽過，(小弟7k一個月，返中環都無得資助)，之後李卓人去煩下政府，佢地仲專登send張簽名行動黎，為之前唔合資格既人去爭取。終於煩到政府提高標準批左我，為我地D打工仔幾舊水省得就省

可能我眼光短，細路仔，但就係因為個幾百蚊，今年夠18歲去登記專登選返李卓人

p.s. 自已feel only

恭喜晒

制度有得改，睇黎再要 50 萬人上多次街 ，好想睇到有呢一日

好高興見到一個有獨立思想o既小年。

行政會議通過，
下屆立法會議員的薪酬增加15%，
並將可獲15%的約滿酬金。
即約47萬元。

下一屆立法會議員的薪津將由每月56000多元，
增至65000多元，

另外，議員亦可享有每年25000元，
實報實銷的醫療津貼。

所以果 D出席會議訓覺、出爾反爾既議員，4年任期佢地每人就已經浪費左我地300萬

我都明白長毛係過激，如果主席要趕佢，佢應該先收聲，到佢發言時繼續鬧

另外，唔好以為你唔投票就好似好好，政府係唔受無聲抗議，你地今屆咁做，無疑係益左"x賤聯"

所以都唔想講咁多...............
若果係優質量產型都還好，最慘係劣質量產型..........中又唔得英又唔得，又無獨立思考能力，苦又唔捱得 ，但又以為自己好叻 !!!

香港選民係好難服待架啦, 人地出黎就話一地做Show, 人地唔出下黎又話人地無做野, 都唔知點好

最浪費納稅人金錢既係d高官, 甚麼甚麼"位"員會, 旅發局....佢地做少一件錯事, d錢已經夠養一個立法局議員.可況佢地做錯嘢仲一籮籮
話曬d民選議員(除民x聯外), 都做d選民要佢做嘅嘢, 選長毛, 瘋狗, 就係要佢用激一d嘅手法去做嘢. 長毛可以連任就係最好例子.

長毛唔用咁激進方法

有人會聽嗎?