其實我不嬲都唔係考證派, 都幾求其吓, 但賽車始終有架實物係道, 細眉細眼的我會側側膊唔多覺, 但大致的我點都會參考吓資料, 因為現今互聯網咁發達, 搵好似喱架法拉利 F-1 F-2001咁熱門的會好易兼好多料, 包你睇唔晒!
加上我對 F-1好大癮, 所以有DD認識
見涼粉兄你砌得咁好, 唔想因為一些資料上的"查找不足"
而 "side"左件模型, 我指的是重大/顯眼的錯誤.
雙星說明書的塗裝資料對我來講已經好夠詳細 (認真的朋友梗係嫌少啦!) 由於你轉用after market水貼, 錦就更加要做吓功課嘞, F-2001 是2001年賽季的戰馬, 那年Vodafone還未贊助法拉利! 那是02年才發生, 但02年季初由於法拉利車隊的新款戰馬 F-2002還未準備好, 所以用01年舊車迎戰頭幾場的賽事 (好似是頭3場?
) 這便是為何會有 after market廠出這款水貼的原因. 而每一季各車隊或多或少都會轉拉花, 只不過有些你唔覺, 而02年除左唔同贊助外, 車身中前方兩側, 前輪之後, 散熱入風口之前, 的垂直翼板 barge board 由紅色轉為白色!!!!!好顯眼的!
從今次估到涼粉兄對 F-1不太熟識, 唔緊要, 玩玩吓就熟架!
再唔係便在這裡出 post 問囉, 包保大把人答你.
順便再提, 近代法拉利 F-1 的紅色是由80年代的血紅改為螢光紅, 係偏少少橙紅的, 所以#158不是最佳選擇. 再再再提, 這螢光紅用到今季的加拿大站又轉, 轉左我最唔鐘意的銀底紅!
以上都是想涼粉兄下次留意吓, 並唔係係道扮專家"寸"人
專家輪都唔到我
你這架 F-2001砌得好正
所以真係有點可惜, 希望你明白.
分享
