呢d 就係政客講野既技巧同藝術啦.

當日記者係問cy 梁有冇打電話去曾鈺成叫"勸退"... 佢就答「我完全沒有打過電話畀佢叫佢唔好選。」佢只係回答個問題有冇"勸退".
而之後曾鈺成講出來既, 都係話佢兩次打來都唔係"勸退", 係講唔會用"黑材料"..  well, 字眼上, 的確係冇話大話的. 呢d 就係真正政客既手段了.
亦係一般律師問問題同答問題都會有技巧既.

你頭先post 果段bowtie針既錄音都講, 行會保密制係應該係會議入面有講過同冇講過既野都唔可以講出來. 咁先係所謂既保密...

師兄，十五年前，呢d咁樣言論我係網上都睇過唔少，今時今日大家咪又一樣可以暢所慾言！

香港的核心價值，從來都係錢錢錢！即係搵其他人黎做都唔會改變核心價值，咁就不如又睇下佢可唔可以用唱紅歌黎打霸權啦！

今次真係冇計，豬唔得，鴿唔得，老鼠唔得，毒瘤唔得，咁得返隻狼焗要啦。睇住五年先姐，死不了人的。其實要隻狼有乜好驚呢，我地又唔係小紅帽咁低B，有晒準備啦！有乜唔妥咪行出黎囉，最多以後要帶埋防毒面具姐

經過老好人同"真"小人，我覺得比個奸人做都可以值得一博，睇下可以玩到d乜野花臣。如果可以做到亂世奸雄曹操咁又唔拘喎

香港核心價值真係可以咁易就扭曲到咩?????  你問問自己, 你把持既信念, 會容易被扭曲嗎??

所以真係唔明果班泛民,民主黨,地產黨驚乜嘢,
唯一可以解釋的係驚狼上陣,損害佢哋個利益.

十年前冇facebook, 冇twitter, 冇blogger.... 依家... 你想封鎖言論自由... 已經係另一種ball game啦.

依家仲有辦法收緊internet 既freedom of speech 就只有大陸. 香港太過國際化太過商業化, 你想禁都禁唔到.

中晒,所以真係唔好俾未經證實o既消息影響到自己.

[真正值得恐慌的，是整個香港核心價值的扭曲，很可能，不能回頭]不是在下說的,是沈旭暉facebook 的意見,至於沈旭暉可是梁生的忠實支持者,他的新書也是狼幫他寫序的,帥兄有興趣可以看看幫狼的同志為何以咁易就扭曲到?????  

咁你自己個意見呢?你唔覺得呢次選舉,市民係俾人拖住個鼻來行咩?
人哋講乜,不分真假,盲目相信,這樣梗係容易扭曲.

還有黑金政治事件,
香港個核心價值,可能一早已經被商界扭曲咗.

[ 本帖最後由 細尖(傻小子) 於 2012-3-23 01:19 AM 編輯 ]

我的意見是沈旭暉所擔心是有道理的,香港目前的情況會有土共入主政府下,自由,法治會蝗蟲化,不會轉好,只會更差,普選之路遙遙無期

一篇比较中肯的文章
http://www.am730.com.hk/article.php?article=97550
嫻情說理 - 陳婉嫻
決定
(2012年03月23日)
梁振英，是眾所周知的愛國中堅分子。醜聞纏身的他在「西九事件」上被指漏報及延後利益；團隊又被質疑與「江湖人物」有連繫；近日更被指曾說過「防暴隊」等言論。有陰謀論指他才是中央欽點，估計他上任後會嚴厲打壓社運。另外，梁先生的民意一直遙遙領先。
唐英年，一直是特首熱門。他為官多年，最深刻是經常爆出如「條條揈」等言論，整體感覺是沒有大功沒有大過。後來自爆有「感情缺失」及衍生有「私生子女」的傳聞。不過，最轟動的醜聞，要數其家中僭建地牢。另外，他的民望一直大幅度落後。
有人說，兩人醜聞不相伯仲，不如流選！我並不認同。因為甚麼傳言、消息、陰謀並不是我考慮之列。醜聞的真偽，除非有實質證據又或者他本人承認，尤其是選舉期間的「突發性」資訊，否則應排除於決定因素之外。
最有決定性應該是大家的理念。在答問大會，唐英年忽然化身民主勇士爭取雙普選、爭回鄉證；他又忽然關注公眾利益，大爆無法求證的行會內容，難以相信鏡頭下就是原本的政務司長！而梁振英面對唐及「盟友」的夾擊，在很多被視為禁忌的問題上，都答得一塌糊塗，不過，這就是梁振英，那個經常被「傳」是黨員，但卻獲較高民意支持的梁振英。
特首應是一個不受利誘、不受壓力的領航人，當局勢轉變亦要堅守自己理念。唐先生在選情失勢時即放棄堅持，選擇推翻多年公職生涯的一貫做法和堅守多年的原則，日後有任何霸權或任何勢力施壓，他能堅持嗎？政策傾斜會否延續？相反，很多人都不認同梁振英「鷹派」的理念，特別是商界擔心與「不夠圓滑」的梁振英「談不攏」，但這就是其一貫的態度。兩者的分別，是基層市民維持受欺壓的現狀，又或者有機會得到較公平的社會環境，故我選擇後者。
周一至五刊登

陳婉嫻

你要奉沈旭暉唔係問題. 不過就用返佢所講. 佢識既"有識之士" 都有3種唔同主張. well, 佢唔認為會work so what?? 佢可以否定人地既主張. 我亦可以否定佢既意見.
我就認為新加坡模式係香港會work 了. 原因我唔係度詳細講了. 簡單既, 太多人認為"冇犯法"就等同冇問題. 以有冇犯法為底線. 而唔係以道德/公德為底線.  咁唯有係法律上立得更嚴去提高條底線了. 經濟上, 亦唔可以再以土地收入作稅收主要來源. 呢d 都會係痛苦既改變. 但唔改. 問題只會惡化. anyway, 只有一樣我認同佢講既 ---- 就讓歷史證明吧...

仲有, 佢咁有諗頭咁有主見咁想為社會好既, 就唔會做評論員, 參政, 出來選啦.

人都未做到個位就咬定世界末日. 就同當年回歸前不停吹噓大陸會黑暗管治香港, 通街秘密警察一樣. 結果d人走晒去移民. 就來足15年了. 有黑暗管治香港?? 有通街秘密警察??

15年了. 反而商界既影響力就仲明顯.

對未知既未來不安係好正常既人類心態. 但利用呢種心態去製造恐慌就非常低劣了.  唯恐天下不大亂, 再賣弄自己, 小人也.  

正面同積極既做法係為最壞情況先作打算作準備, 真係壞起上來可以點抗爭.

[ 本帖最後由 VampireA 於 2012-3-23 04:07 PM 編輯 ]

唐唐這次玩完了全因梁震英+中共細節處理顯心思所至