不過唔知係咪佢架野setting既問題~~一重brake就擺~~e~~你都係東望洋迷啵~~你有冇果 D片呀

係呀  我由84年睇澳門賽車到現在! 寶馬 Schintzer 廠隊黎左澳門東望洋跑道至95年都十幾廿年, 溫生到澳門搵夜遊節目熟過你同我 Setting 應該不成問題

嘩~~84年我都未出世~~哈哈~~有印象其實係轉左e36 watsons果年~~我諗住96 or 97果陣~~呢d都係上網搵返黎睇先知

1995年中、Ｃｌａｓｓ２最快的車我覚得是Ｃｏｒｏｎａ　Ｅｘｖｉ、在ＪＴＣＣ中、Ｓｏｐｅｒ同溫高雄都経常食塵 Ｅ３６是Ｃｌａｓｓ　２　中用得最長的車、叧外在1995年Kelvin Burt 在Ｍａｃａｕ用的Ｃｏｒｏｎａ、就係関谷正徳同年在ＪＴＣＣ用的同一部、即Ｔａｍｉｙａ出１号個部。

[ 本帖最後由 winstonm3bmw 於 2008-2-4 08:22 AM 編輯 ]

儲完jtcc~~又開始儲gr.a 喇~~

關於那兩年寶馬Schintzer廠隊是應邀 ( 日本JTCC的當年賽事攪手邀請, 當然有錢收啦) 而遠赴東洋參賽, 即是每場比賽的所有野 : 車, 人, 零件....都是由歐洲搭十幾個鐘飛機到日本, 仲係每埸比賽的星期四才到, 就一如澳門賽車. 賽完到星期一便鬆人. 全年好似6定8回合??都不同場地, 和地頭虫的條件不可同日而語, 一聽 Steve Soper 的第一季賽後訪問便領會 :"really exhausted!" 兼且只得一架車主力由 Soper 操刀, 另一架的是三流的非職業車手 Van..?? ( 唔記得, 亦費事因此番睇擺到好埋的錄影帶 ) 主要是贊助問題, 溫高雄只是季尾來客串, 他要留守鬥歐洲的賽事, 有空檔才去日本幫 Soper 手免於被圍攻得咁慘吧了! 而成績是第一參賽季獲總亞軍, 第二季便總冠軍了, 不是經常食塵架! 論車, 的確是寶馬贏.

你有呢d片~????

但ＢＭＷ係習慣一部車用半年、Ｃｏｒｏｎａ就用同一架車戦足全年、在1995年、以車手計、ＢＭＷ係高一班、但以車結構以輪、我就覚得Ｃｏｒｏｎａ高Ｄ、在Ｍａｃａｕ中、好明顕ＢＭＷ就係在試車和第一回合用Ｔｙｒｅ太盡、因車Ｅｘｉｖ係高Ｄ，温高雄被迫去盡、到第二回就出問題（当時比賽連試車、毎架車只可以用６套Ｔｙｒｅ）

[ 本帖最後由 winstonm3bmw 於 2008-2-4 09:05 PM 編輯 ]

真是漂亮的作品!
請問還有其它大一點的照片嗎?

係呀!Video option  臨時增刊號 : Autosport Vol.11  94 JTCC, GT, N1 特集 , Vol.14 Japan Super Touring Car Battle 95, Vol.15 Japan Super Touring Car Battle 95 Part 2,  Vol.16 Japan Super Touring Car Battle 95 Part3.

我想要更正的 : 冇錯是限用6套胎, 星期四不計時試車上下午各一節每節一套, 星期五排位賽上下午各一節又係每節一套, 餘下兩套便是星期日正式賽事第一和第二回合各一套了, 兩回合之間的十分鍾維修時段是准許換上那最後一套新胎的, 所以唔關寶馬蝕唔蝕胎事, 況且每回合只鬥12圈!

樓主的這架模型既是1995年第42屆澳門東望洋大賽主角, 不竟已相隔超過12年, 為了清楚當年這比賽的細節, 便專登找了 (都幾耐 ) 當年的私伙錄影帶 (我身在澳門睇現場, 託細佬在港錄電視!) 讓大家回故一吓來增加這盒模型背景的認識 :

排位結果 : 37 號 Tom's 車隊 Corona EXIV Julian Bailey ( 前 F-1英國車手, 好似係揸蓮花,  95年是BTCC 豐田Corona廠手) 2分31秒8 頭位, 第二位 2 號寶馬 Steve Soper ( 英國知名房車賽老手, 歐洲房車賽常客, 本身是寶馬汽車的英國 Dealer 老闆)  , 第三位 36號EXIV  Kelvin Burt ( 英國車手, 94年澳門 F-3 第二回合在葡京灣撞開當時領先的 Fisichella 就係佢, 最後好似攞季軍) , 第四位 1 號寶馬溫高雄 (唔駛介紹嘞掛) , 他們全部都造 2分32秒頭.

首回合 : 起步兩輛寶馬因得後驅之助應聲彈出 ( 補充: Class 2 賽例已作了對後驅車加多25公斤的最低車重安排, 即是前驅975公斤, 後驅1000公斤), 至第一次入葡京灣的次序是 : 2號, 1號, 36號, 37號. 全程 1號死啄 2號自己隊友, 完全唔比面! 到第 2 圈頭車已領先 36號超過兩秒, 領先 37號超過3秒, 到第4圈帶頭的 2號領先 1號0.6秒, 領先 36號超過4秒!!! 領先 37號超過7秒!!! 第5圈 1號爬頭, 次序改為 : 1號, 2號, 36號, 37號. 第6圈帶頭的 1號領先 2號1.5秒, 領先 36號 6.82 秒!!!! 37號唔見左影. 第10圈 2號入葡京灣時因避慢一圈的慢車判斷錯誤失控打白鴿轉, 掉頭時更一度死火! 跌落第五位, 12圈過終點時落後頭車 1號超過50秒. 而 1號自第10圈後明顯收慢, 冇左 2號的威脅, 應該係養偈, 並唔係養胎, 因為有得換新胎, 但過份了(事後孔明) 過終點時只領先 36號3.59秒, 領先 37號超過10秒, 請留意當年的澳門賽例是計兩回合的總時間的!!!

第二回合 : 排位根據第一回合之成績, 頭位 1號, 二位 37號, 三位是 Justin Bell ( 利曼大賽名將 Derek Bell 的兒子) HKS 車隊的 Opel Astra, 四位本港的關紹昌寶馬, 五位 2號.
今次 1號冇咁輕鬆了, 初段未能放甩 36號, 相反 2號起得好好, 入葡京灣已進佔第三位, 完成第一圈的次序是 : 1號, 36號, 2號, 37號. 第三圈時松山上路近摩囉園後面的A組1600cc 車4,5架炒埋一碟, 又神奇地全部行得番! 成為今次賽事的轉捩點!! 點解? 因為錦頭車群便在第四圈這麼早便遇上 back markers! 當時 1號本已在松山上路開始甩 36號, 但全部白費, 至髪夾灣更被慢車塞住, 而 36號已可以用它的頭泵把輕碰 1號車尾了!!! 好戲立即在下一個電廠灣上演, 因為灣前 1號又遇上另一架慢車, 36號非常機警地好漂亮地即時把握良機過頭!! 所以在完成第四圈, 開始第五圈的名次是 : 36號, 1號, 2號, 37號. 就在此第五圈的文華東方灣, 手上有首回合3.59秘優勢的 1號竟然傻仔到心急反先, 照當時肉眼判斷距離 36號肯定少於0.5秒, 就此如我之前的帖所講, 輕碰左邊防撞欄, 繼而入唔到葡京灣, 最後在松山上路擺低, 你地話係咪自己攞黎輸呢!  2號已經洩氣, 因為首回合輸了超過50秒, 點都輸硬, 初段的努力只為盡力爭車廠分而已, 但 1號一炒就乜都輸晒了. 亦有可能在首回合的意外對架車的 alignment 有影響, 事實它只是起步那一剎快, 跟住只能一直造2分33秒尾的圈速, 比它在第一回合的2分30秒半慢好多! ( 對, 兩架寶馬在賽的時間比排位時還要快!) 第二回合過終點時 36號領先 2號 5.97秒, 領先 37號 34.8秒

賽事報導完畢, 希望大家喜歡收看.

改正第二回合排位次序 : 1號, 36號, 37號, Justin Bell 的 Opel Astra, 2號, 關紹昌  打咁多字先錯一兩個, 情有可原. (　喂，　但係錯的好重要數字呀！！！ ）

wo....bmw e36 m3......nice car,,,
am,,,,where can i buy it?? buddy?

Paul少、同你傾賽車歴史真係好過引、但６套Ｔｙｒｅ係連Ｒａｉｎ　Ｔｙｒｅ、仲有個６套Ｔｙｐｅ点用係無限定、有機会ＢＭＷ在星期４，５，６試圏時己不停交替使用的、当然作為普通車迷的我地無法知道、Ａｎｙｗａｙ，我仲記得温高雄在第２回合博到連後鏡都Ｈｉｇｈ甩、当時係Ｍｉｃｈａｅｌ　Ｌｕｉ旁述、真係学到好多野、好似セ野叫Ｓｅｑｕｅｎｔｉａｌ波箱、自従風化案後、無線就換了成班廃人旁述（連余錦基都叫、個個鐘志光最差、今年仲有個以前係Ｃａｂｌｅ講波的Ｋｅｙｍａｎ）、無野学了。

ＰＳ、当時賽後有訪問Ｔｏｍ’ｓ的監督大岩湛矣、他表示成個比賽最関健係Ｔｙｒｅ、第一個回合因Ｔｙｐｅ温度不足、令起歩付着力不足、Ｃｏｒｏｎａ起歩比較差、所以ＢＭＷ能勝出、到第２回合、他特別吩咐車手一定要在熱身圏盡量加強Ｔyre摩擦力、所以第２回合起歩就快好多、他又表示、ＢＭＷ用Ｔｙｒｅ太盡、在第２回合車Ｔｙｐｅ明顕付着力変差給Ｃｏｒｏｎａ追上、成為比賽勝敗関健。報告玩畢。

[ 本帖最後由 winstonm3bmw 於 2008-2-5 11:24 AM 編輯 ]

><~~可唔可以.....比d片我呀~~:p

YOUTUBE好似有片段~

難得大家都係咁鐘意澳門賽車的 加上這場賽事貼題, 唔會被投訴大話西遊! 我估亦可引起大家對這盒 Hasegawa  BMW E36 及其他 Class 2 或有關的模型多點興趣, 就如雙星的 Corona EXIV, Primera, Accord....喂, 錦快D買番盒 EXIV 黎砌, 同 Terry 打對台喇!!

好開心識到你、同你傾賽車時、我真係学到好多野、Ｇｒｏｕｐ　Ａ　同　Ｃｌａｓｓ　２　我最鐘意、Ｅｘｉｖ再出時我就買。

[ 本帖最後由 winstonm3bmw 於 2008-2-5 03:16 PM 編輯 ]

佢係唔係太心急呀??定係比人迫得太緊??