老實講,翻版真係可以搞死經濟,正版廠商/公司知道正版價錢鬪唔過翻版,繼而就會停止投資該項商品,好自然般就會有好多人被炒,包括原設,然後翻版又唔夠技術設計,即使夠技術都會有好多法律上既問題,到時連翻版果邊都炒人甚至收山,然後公司既投資以及工作職位又少一項選擇,經濟就會開始倒退...

我漫畫，音樂，電影同動畫都係唔上網DOWN買碟既，有問題乎？

當然有問題,佢地會覺得你買正版係自命清高,站係道德高地睇佢地,以前玩老翻要鬼鬼祟祟唔敢比人知比人見,發展到而家玩老翻可以玩到咁理直氣壯大條道理咁,再加上好多forum又容許呢類侵權行為(包括HKML)出現,真係要寫個服字比佢,遲下玩正版會變成比佢地笑你傻

我覺得佢係正直,揸緊宗旨 (唔係中指),亦唔會笑佢喎!

正所謂"食得咸魚抵得渴",

砌翻件,預左執餐懵,

玩老翻碟,預左用得多會有一日壞機.

絕對唔可以將用"老正"視為"有問題"

上邊已經有人講,因為老翻唔夠普及,玩開正版d人買唔到翻版先做道德超人批判老翻,呢類歪論假以時日就會變成正論

上YA拍淘寶大把翻版
問題係
買得起正版
做咩要「等」佢地翻模?

買唔買老番我好睇正版個價合唔合理 (我承認係好主觀既睇法)
好似windows, micro soft office咁, 買一套正版要4位數....我覺得太唔值所以用老番
bandai出d 模型我覺得大部份都幾有心, 砌個時睇得出d分件, 關節位係落過心思設計出黎
平均2百零3百蚊一盒MG 我覺得幾合理 (當1/4係設計費, 1/4係模型成本/, 1/4比代理商鋪, 1/4比bandai賺)

我才疏學淺,依d偉論要等佢地解比你聽喇

咁Sazabi/Hi-nu(υ) Gundam /The O呢d咁大份好難話二/三百賣比你喎

我就咁睇, 我本身有用翻版 Software, 如果有人問我有冇用老翻, 熟朋友我會細細聲話有, 唔熟既我會笑而不答, 我做人偶有做d 踏過界既事, 但我仲知道乜野係是非黑白 & 廉恥~

至於有人係到高呼我玩翻版無問題, 我只覺得佢地道德底線 Set 得比較低, 就如我坐東鐵時常常有人大講北上嫖娼經驗... 佢地係香港冇犯法, 但個人道德就...

嘩，你咁樣曲解我既意思
老實講，一個人真金白銀買左正版，自然會覺得買老番既人唔啱，但係咪因為買正版既人尊重知識產權先覺得買老番既人唔啱呢，咁又未必，好可能只係介意其他人付出比自已少，但卻得到同自已真金白銀買既野差唔多既品質，呢種心態好正常（當然正常人都知買正版係啱既），例如係真金白銀買電話APP既人，自然會覺得JB左免費下載APP人唔啱。

因為老番模型係香港唔普及，大部份人都只接觸過正版模型，所以玩模型既人（尤其係只玩高達）好多都可能會有上面既心態，「我幾百蚊買盒模型，你一百蚊都唔使就買到盒差唔多既老番，唔嘈你就有鬼喇」而最正當嘈既理由就一定係「知識產權」，因為買用正版一定係啱既（呢個我本人絕對認同，但自已做唔做到我唔都敢講，只可以盡量啦）

但開口埋口知識產權既時候又有幾多人好似上面一位師兄咁音樂漫畫動畫GAME咩都買碟先，上網有番咁上吓日子既網友大家心中有數

既然大家好多方面都其身不正既時候，又點解只係模型一方面講知識產權呢，上網下載音樂GAME睇片就無問題？呢D唔係雙重標準咩？呢D唔係「選擇性」有道德咩。

我自己自問已經無咩道德可言，但起碼唔會「選擇性」有道德

（唔好問我點知大家都其身不正，醒目仔大家心照，但真係估唔到有人會話自己咩都買碟，只希望佢楂緊宗旨做人，第時做個知識咩署既署長，咁香港就有救喇）

呢度有個好處，所有標明老番的成品，都會沉得好快，因為呢度唔係其他模型網站，大家都對模型都有所尊重，九成老番post都係一兩個人回完就沉，莫講話有大師同你交流，教招。

所以冇咩睇法，人貴於自重，明就明，唔明就把就。

[ 本帖最後由 AmazingFelix 於 2012-2-6 04:00 PM 編輯 ]

講咁耐都係多重標準...~~~

我當你改件唔計，呢度有幾多首辦完成品係用原件先??  又唔見果D topics 沉得快??

其實都係百貨百客，個人選擇。
我買過一隻國內番件的bb戰士，砌好了，外型就是有點差，玩過就算，可能會當改件用。
但是砌完後，手掌心很痕，要用番梘洗手先得。
所以暫時都唔會再買了。

對於很多事情，人就是雙重，甚至多重標準。
做左咁多年人，未見過有人真係得「一重標準」的。

[ 本帖最後由 xerasic 於 2012-2-6 05:37 PM 編輯 ]

人係咁, 有自己著數時, 同有損利益時原全是兩個態度.

我都唔信有完美嘅人.基於好奇所以係咁易search吓樓上某位自稱完美嘅人仕係哩到嘅留言.結果咪又係話自己有上大陸綱睇戲.唔download就=正義???希望佢唔好又話唔知online睇都係侵權嘅一種啦.唔係話唔支持佢反老番嘅決心.但係當一d錯誤自已都曾經犯過嘅時候.有時講嘢唔好講到咁絕.

[ 本帖最後由 lucier 於 2012-2-6 08:07 PM 編輯 ]